Timomachtiskej Biblia techpaleuia pero ualeua oui tikitaj timomachtiskej. Xamo ualeua timokuayejyekoua ayakmo uelis timomachtis. ¿Tleka moneki timochijchikauas timomachtis? ¿Tlen mitspaleuis ximomachtijto maski ualeua tikitas oui?

1. ¿Tleka moneki matimomachtikan Biblia?

“ITlajtol toTajtsin Dios yoltok uan kipia chikaualistli” (Hebreos 4:12). Biblia miak ipati porque kijtoua tlen toTajtsin Dios mokuayejyekoua uan noijki kijtoua ye techtlasojtla. Ijkuak timomachtis Biblia tikmatis miak tlamantli pero noijki mitspaleuis xikchiua tlen moneki uan noijki tikmatis tlen techmakas toTajtsin Dios. Tlen kijtoua Biblia noijki mitspaleuis kuali ximouika iuan Jehová. Ijkuak timomachtia Biblia, tikkauilia mamitspaleui itech monemilis.

2. ¿Tleka moneki tikilnamiktoskej miak ipati tlen kijtoua Biblia?

Tlen techmachtia Biblia yetoskia ken itlaj sapanoua patio. Ikinon Biblia techiluia: “Xiktemo tlen melauak uan amo keman xikkaua” (Proverbios 23:23). Tla tikilnamiktokej miak ipati tlen techmachtia Biblia, timochijchikauaskej timomachtijtoskej maski tikpiaskej ouijkayotl (xiktlajtolti Proverbios 2:4, 5).

3. ¿Ken mitspaleuis Jehová uan ijkon timomachtijtos iTlajtol?

Jehová otechchijchi uan kineki iuan ximouika, ye kuali mitsixmati uan kineki mitspaleuis okachi xikixmati. Ikinon ye uelis kichiuas ‘xikneki ijkon tikchiuas uan mitsmakas chikaualistli para xikchiua’ (xiktlajtolti Filipenses 2:13). Tla ualeua tikita oui timomachtis noso tikchiuas tlen timomachtijtok, ye mitspaleuis. Uan tla tikixnamikis itlaj oui, noso oksekimej amo kinekiskej ximomachti, ye mitsyolchikauas. Xiktlatlaujtijto Jehová mamitspaleui para ijkon timomachtijtos Biblia (1 Tesalonicenses 5:17).

 MATIMOMACHTIKAN

4. Xikilnamikto miak ipati timomachtis Biblia

Ualeua tikpiaj miak tekitl uan amo timajxiliaj timomachtiskej, ¿tlen uelis se kichiuas? Xiktlajtoltikan Filipenses 1:10 uan satepan xikitakan tlen namechmachtia.

• Tlen tikijtoua, ¿tlen okachi moneki matikchiuakan?

• ¿Tlen uelis tikchiuas para tikilnamiktos moneki timomachtis Biblia?

1. Tla ijtik se cubeta tiktlalis xali uan satepan tiknekis tiktlalis tetl, ayakmo akis.

2. Pero tla achto tiktlalis tetl, xali okachi akis. Noijki ijkon tla achto tikchiua tlen okachi moneki, noijki timajxilis tikchiuas okseki tlamantli.

Ijkuak timomachtiaj Biblia kuali timomachiliaj porque tikixmatij toTajtsin Dios uan tikueyichiuaj. Xiktlajtoltikan Mateo 5:3 uan satepan xikitakan tlen namechmachtia.

• ¿Ken techpaleuis tla nochipa timomachtiaj Biblia?

 5. Ximomachti maski oksekimej amo kinekiskej

6. Xikneltoka Jehová mitspaleuis

 XIKILNAMIKTO

Xamo ualeua oui tikita timomachtis Biblia pero tla timomachtis, mitspaleuis tiyoltos nochipa. Tla tiktlakamatis Jehová, ye mitsteochiuas.

Matikojpauikan

• ¿Tleka tikpatioita tlen kijtoua Biblia?

• Yotikitakej tlen okachi moneki tikchiuaskej, ikinon ¿tlen tikchiuas?

• ¿Tleka moneki tikiluis Jehová mamitspaleui ok ximomachti tlen kijtoua Biblia?