Pacina kukana-kana, kujija Bhaibheri iciro cinosisira maningi catinodikana kuita. Ngo zvokadi kuti, izvi nguva jimweni azvizivi kureruka. Asi nguva jimweni mungarangarira kuti munozokwanisa kuenderera mberi mecijija Bhaibheri kana kuti haiwa. Ngenyi tinodikana kuenderera mberi tecijija? Ngozvapi zvinozomubesera kuti muenderere mberi mecijija pikija mecisongana no zvineso?

1. Ngenyi kujija Bhaibheri kunosisira maningi?

“Ngokuti soko ra Mwari arifi, rino simba maningi.” (Vahebheru 4:12) Kujija Bhaibheri kunosisira maningi. Irona rinotibesera kuzwisisa kuti Mwari anorangarirenyi ngo pamusoro pedu. Ngo besero ro Bhaibheri mungakwanisa kujija zviro zvipsa, kuwana upenyu wakanaka no kuva no vetero yo kumbeji. Cinosisira maningi ngo cokuti irona rinomubesera kuti muve shamwari ya Jehovha. Pamunojija Bhaibheri, munoita kuti simba raro ricinje upenyu hwenyu kuti huve uri nane.

2. Ngenyi zvinosisira maningi kureremeja zvinojijiswa ngo Bhaibheri?

Cokwadi co Bhaibheri cakadari inga upfumi unosisira maningi. Ndiyo ndava Bhaibheri rinotivangisa kuti; ‘tenga cokwadi ucadocitengesa.’ (Mazwi Akangwara 23:23) Tinodikana kureremeja zvinojijiswa ngo Bhaibheri, tovangisira kuti tienderere mberi tecijija, pikija pakabuda zvineso.—Verenganyi Mazwi Akangwara 2:4, 5.

3. Jehovha angamubeseresa kudini kuti muenderere mberi mecijija?

Jehovha ndiyena Musiki wenyu no shamwari. Iyena anomuziva maningi kupinda mundhu ariwese hake, anodazve kumubesera kuti mumuzive ushoni. Jehovha angamupekeja “cido no simba ro kuita ngokuti anoda kuti muzviite.” (Verenganyi Vafiripi 2:13.) Ngo kudaro, kudari nguva jimweni mucina cido co kujija kana kuti mecivona kuti zviri kunesa kushandisa zvamuri kujija, Jehovha angamubesera. Mukuengejera, kudari mecida simba kuti munyise zvineso kana kuteverehwa, Jehovha anozova ku divi renyu kuti amubesere. Itanyi mukumbiro kuna Jehovha nguva jese kuti iyena arambe acimubesera kuti muenderere mberi mecijija Bhaibheri.—1 Vatesaronika 5:17.

 NASANYI KUPSAKISISA

4. Khombijanyi kuti kujija kwenyu Bhaibheri kunosisira maningi kwamuri

Nguva jimweni tingatova no zviro zvakawanda maningi zvokuita, totoguma pakuvona kuti atina nguva yokuti tijije Bhaibheri. Ngozvapi zvingamubesera? Verenganyi Vafiripi 1:10, perapo bhuisananyi ngo muvhunjo iji:

• Ngozvapi zviro zvimweni zvomunovona kuti “zvinosisira maningi” mu upenyu?

• Mungakhombijisa kudini kuti kujija kwenyu Bhaibheri kunosisira maningi kwamuri?

1. Kudari mukatanga kudira musanga mubhardhi perapo mozodira mapuwe, iwona aazokwani

2. Kudari tikadira mapuwe pakutanga, musanga wakawanda unozowana ndau yo kunghwina. Mu njira yakaezana, kudari mukaita zviro “zvinosisira maningi” pakutanga, munozosara no nguva yo kuita zviro zvimweni

Kujija kwedu Bhaibheri kunotibesera kuziva kuti, tinodikana kutungamirihwa ndi Mwari, kunotibeserazve kuziva Mwari no kumunamata. Verenganyi Mateu 5:3, perapo bhuisananyi ngo muvhunjo uwu:

• Makomborero api atingava nawo kudari jijo yedu ikava inosisira maningi kwatiri?

 5. Cungiriranyi pamunonga meciteverehwa

6. Thembanyi kuti Jehovha anozomubesera

 ZVOTAJIJA

Ngo zvokadi kuti kujija Bhaibheri akuzivi kureruka, asi kungamubesera kuti muve makadakara kwenda no kwenda. Endereranyi mberi mecithemba Jehovha, iyena anozomukomborera.

Kuhwirijira

• Ngenyi zvokadi zvo Bhaibheri i upfumi kwamuri?

• Mungakhombijisa kudini kuti munoreremeja zviro “zvinosisira maningi?”

• Ngenyi munodikana kukumbira Jehovha kuti muenderere mberi mecijija Bhaibheri?