Miyekej xok kinekij nomachtiskej Biblia ijkuak peuaj kixnamikij seki tlaueltin. San ika, tla se xkikajkaua ika nomachtia, kiselis miyek tlen kualtsin. ¿Kemantika yotimotlajtoltijka tla melauak mitspaleuis tla timomachtia Biblia? ¿Tlenon mitspaleuis maka keman xkajkaua ika timomachtia Biblia?

1. ¿Tleka melak kuajli tla timomachtia Biblia?

“Itlajtol Dios yoltikaj, niman kipiya poder” (Hebreos 4:​12). Biblia melak kualtsin pampa techijlia tlenon kinemilia toTajtsin niman pampa techititia ika yejua melak techtlasojtla. ITlajtol toTajtsin xsan mitspaleuis xkasikamati miyek tlemach, noijki mitspaleuis xtlapejpeni tlen kuajli niman xmati tlenon kineki kichiuas toTajtsin topampa. Niman, tlen más ueyi kijtosneki, Biblia mitspaleuis xmouika iuan Jehová. Ijkuak timomachtia Biblia, tijkauilijtika toTajtsin mamitspaleui.

2. ¿Tleka melak noneki matikpatiojkaitakan tlen Biblia temachtia?

Tlen Biblia temachtia yeskia kentla se tesoro tlen melak patioj. Ika yejon, Biblia techijlia matiktejtemokan tlen melauak niman maka keman itlaj ika matikpatlakan (Proverbios 23:​23). Tla tikpatiojkaitaj tlen kijtoua Biblia, nochipa tiknekiskej tomachtiskej maski tikixnamikiskej san katlejua tlauejli (xkita Proverbios 2:​4, 5).

3. ¿Kenijki mitspaleuis Jehová niman ijkon maka keman xkajkaua ika timomachtia Biblia?

Pampa Jehová melak kojtik niman kuajli mouan nouika, yejua kineki mitspaleuis más kuajli xkixmati. Biblia techijlia: “[Dios] kichiua para xnekikan niman xchiuakan on tlen yejua kineki” (xkita Filipenses 2:​13). Kuakon, tla kemantika tiknemilia ika xok uelis timomachtis noso ika xuelis tikchiuas tlen tiueltiuj, kuajli xmatsto ika toTajtsin mitspaleuis. Jehová noijki mitspaleuis ijkuak tikixnamikis tlen xkuajli niman ijkuak oksekimej mitstlauelitaskej pampa timomachtia. Nochipa xtlajtlanili Jehová mamitspaleui niman ijkon maka keman tijkajkauas ika timomachtia Biblia (1 Tesalonicenses 5:​17).

 OKSEKI XKASIKAMATI

4. Maka keman xkilkaua ika melak noneki xmomachti Biblia

Kemantika xtikpiyaj tiempo para tomachtiskej Biblia pampa melak miyek tekitl tikpiyaj. ¿Tlenon uelis tikchiuas tla ijkon mopan panoua? Xkitakan Filipenses 1:​10 niman xtlajtokan itech yejuin:

• Itech nochi tlen uelis tikchiuaskej, ¿katlejua tiknemilia más noneki matikchiuakan?

• ¿Tlenon uelis tikchiuas niman ijkon nochipa uelis tikpatiojkaitas timomachtis Biblia?

1. Tla tejua kachtopa tikontema xajli ipan se vaso niman sakin ompa tikintlalia temej, on temej xonakiskej.

2. San ika, tla tejua kachtopa tikintlalia temej ijtik se vaso niman sakin ompa tikontema xajli, nochi uelis kalakis. Noijki ijkon panoua ika totiempo, ika yejon, kachtopa xchiua tlen más noneki niman tikitas ika noijki mitsmakas tiempo para tikchiuas okseki tlemach.

Ijkuak tomachtiaj Biblia, ueli tikixmatij toTajtsin niman ueli tikueyichiuaj. Xkitakan Mateo 5:3 (TNM), niman xtlajtokan itech yejuin:

• ¿Tlenon panos tla tejuamej tomachtiaj Biblia?

 5. Maka xkajkaua ika timomachtia maski oksekimej mitstlauelitaskej

6. Kuajli xmatsto ika Jehová mitspaleuis

 TLEN OTIUEL

Tla timomachtia Biblia, tiyolpakis aman niman ika tlayekapan. Kanaj kemantika tiknemilis ika xok uelis timomachtis noso ika xuelis timopatlas, san ika, kuajli xmatsto ika Jehová mitspaleuis niman mitsteochiuas.

¿Kenon titlanankiliskia?

• ¿Tleka melak tikpatiojkaita tlen Biblia temachtia?

• Itech nochi tlen uelis tikchiuaskej, ¿katlejua más noneki matikchiuakan?

• ¿Tleka melak kuajli tla tiktlajtlanilia Jehová mamitspaleui maka keman tijkajkauas ika timomachtia?