Matimomachti̱kan la Biblia, pux te̱pale̱wiá, pero ayá̱ nochipa yawi fácil. Sekin biáj anka timotajtanij siga wel timomachtijtoskejsan. ¿Té íga moneki ximotekitili? ¿Te̱ mitspale̱wis iga ximomachtijtosan aunke xiki̱xtajmaka tejté̱ yej aye̱kti?

1. ¿Té íga moneki iga ximomachti la Biblia?

«Dio̱swaʼ itájto̱l isatoʼ iwá̱n nochi wel kichi̱wa» (Hebreos 4:12). La Biblia iní̱n se̱ libro yej pux vale̱rowa iga te̱ijliá kén tajla̱miki Dios wan te̱ kimachi̱liá iga téj. Aya̱san mitspale̱wis iga ma̱j xitai̱xmati, no̱ mitspale̱wis iga xikmati te̱ xikchi̱wa wan iga xikchi̱xto tejté̱ yej ye̱kti. Wan yej ma̱j ye̱kti iga la Biblia mitspale̱wis iga ximochi̱wa amigoj de Jehová. Nochipa kua̱ téj timomachtiá, nemi tikajte̱wa iga itajpal mamitspale̱wi pan movida.

2. ¿Té íga moneki xikita iga yej kine̱xtiá la Biblia yawi pux valioso?

Yej kine̱xtiá la Biblia yawi ken tesoros yej pux valioso. Inó̱n iga te̱ijliá iní̱n: «Xikowa la verdad wan nike̱man xikna̱maka» (Proverbios 23:23). Siga nochipa tikejla̱ntokej iga yej kine̱xtiá la Biblia yawi pux valioso, timotekitiliskej iga matimomachtijtókansan aunke matikpano̱ltijtokan tejté̱ yej aye̱kti (xiktajto̱lti Proverbios 2:4, 5).

3. ¿Kén mitspale̱wis Jehová iga ximomachtijtosan?

Iga Jehová el Creador todopoderoso wan yéj moamigoj, mitsye̱ʼixmati wan kineki iga xikye̱ʼixmati. Dios «wel kichi̱wa iga xikpiakan el deseo wan tajpal iga xikchi̱wakan yej ye̱kti» (xiktajto̱lti Filipenses 2:13, TNM). Inó̱n iga, siga sekin biáj ayá̱ timomachti̱sneki o awel tikchi̱wa ken nemi timomachtiá, yéj mitspale̱wis. Wan, si tikneki tajpal iga xiki̱xtajmaka tejté̱ yej aye̱kti o siga seuʼmej akinekij iga ximomachti, yéj yawi mitspale̱wi̱ti. Xiktajtanili Jehová iga mamitspale̱wi iga nochipa ximomachtijtosan la Biblia (1 Tesalonicenses 5:17).

 MATIMOMACHTI̱KAN MA̱J DE INÍ̱N TEMA

4. Kua̱ timomachtiá la Biblia xikita ken tejté̱ yej pux importante

Sekin biáj tikchi̱waj komati tejté̱ wan hasta atikpiáj tiempoj iga timomachtiáj la Biblia. ¿Te̱ wel mochi̱wa? Xiktajto̱ltikan Filipenses 1:10 wan xitajto̱ka̱n de iní̱n:

• ¿Te̱ tikijtowa iga yawi yej ma̱j ye̱kti yej matikchi̱waka̱n?

• ¿Te̱ wel tikchi̱wa iga yej ma̱j importante iga téj maya̱wi iga ximomachti la Biblia?

1. A) Si tiktemiá se cubeta de xajli wan de ompa tikakilisneki komati te̱ʼ, ayoʼ yawi kitolo̱ti.

2. B) Pero, si achto tikakiliá te̱ʼ, wel kito̱los casi nochi xajli. Ijko̱nsan no̱, siga achto tikchi̱wa tejté̱ yej «ma̱j importante», wel tikchi̱was nochi iní̱n wan tikpiás tiempoj iga seuʼmej tejté̱.

Kua̱ timomachtiáj la Biblia tikpiáj yej tiknekij en sentido espiritual, iní̱n kijto̱sneki, iga tikye̱ʼixmatij wan tikadora̱rowaj Dios. Xiktajto̱ltikan Mateo 5:3 wan xitajto̱ka̱n de iní̱n:

• ¿Kén te̱pale̱wiá siga tikitaj iga machtilis pan la Biblia yawi pux importante?

 5. Ximomachtijtosan aunke seuʼmej amo makinekikan

6. Xi-ono seguro iga Jehová mitspale̱wis

 TE̱ TIMOMACHTIJ

Aunke ayá̱ nochipa ya̱ti fácil iga ximomachti la Biblia, mitspale̱wis iga xiyo̱lpa̱ki iga nochipa. Siga timoconfia̱rojtoʼsan pan Jehová, yéj mitsmakas yej ye̱kti.

Matikejla̱mikika̱n te̱ timomachtijkej

• ¿Té íga tikita pux valioso yej kine̱xtiá la Biblia?

• A̱man iga tikmati te̱ «yej ma̱j ye̱kti», ¿te̱ moneki xikchi̱wa?

• ¿Té íga xiktajtanili Jehová iga mamitspale̱wi iga ximomachtijtosan la Biblia?