Erigha eBiblia rikendikuletera endundi. Aliwe, si mwatsi olobire eriyitsinga erigha mughulu wosi. Hanganabya omughulu iwayibulya nga wanganatoka erilola embere erigha. Busanaki eriyikasa erilola embere erigha ni ry’omughaso? Niki kyo kyangakuwatikya eriyitsinga erigha nomo hangabya ebikakukakiraya?

1. Busanaki erigha eBiblia rikaletera endundi?

‘Ekinywa ky’oMungu kiriho kandi kinemukola omubiri.’ (Abaebrania 4:12) EBiblia ni y’omughaso munene kundi ikakanganaya amalengekania w’oMungu kandi ngoko akayowa busana naghu. Siyirituwatikaya eribya n’eriminya lisa, aliwe kandi ikatuwatikaya eribya n’amenge n’amaha. Eky’omughaso munene, eBiblia ikakuwatikaya eribya mwira wa Yehova. Omughulu ukigha eBiblia, ikakuwatikaya eribya n’engebe eyuwene kundu.

2. Busanaki ni ky’omughaso eriminya ngoko ekwenene eyiri omo Biblia ikatuletera endundi?

Ekwenene eyiri omo Biblia yiri ng’ebindu by’obughuli bunene. Kikaleka eBiblia iyatuhana yiti ‘tugule ekwenene, isitwagulayayo.’ (Emisyo 23:23) Twamabya itunibukire ngoko ekwenene eyiri omo Biblia ni y’obughuli bunene, ekyo ikikendituwatikya erilola embere erigha nomo hangabya ebikatukakiraya.​—Soma Emisyo 2:4, 5.

3. Yehova angakuwatikya ati erilola embere erigha?

Kundi iye yo Muhangyiki kandi Mwira waghu, Yehova anganakuwatikya erimuminya. Anganakuwatikya ‘erianza eriga n’erikola ebikamutsemesaya.’ (Soma Abanya Filipi 2:13.) Hamabya akatambi iwayowa nga siwuli n’omuhwa w’erigha, kutse nga siwuli n’akaghala k’erikolesya ebyo ukigha, Yehova anganakuwatikya. Wamabya iwulaghire oko kaghala akangakuwatikya erikinda ebikakiryo kutse eryendereribwa, Yehova anganakuhako. Ubye ukasaba Yehova akuhe akaghala k’eriyitsinga erigha eBiblia.​—1 Abanya Tesalonika 5:17.

 WIGHE BINGYI

4. Uhire erigha eBiblia ly’embere omo ngebe yaghu

Hakanabya omughulu itwayowa nga situwite akatambi k’erigha eBiblia kundi tuli n’ebingyi by’erikola. Ekyangakuwatikya niki? Musome Abanya Filipi 1:10, neryo musubiraye oko mabulyo ano:

• Ukalengekanaya uti ‘emyatsi milebe y’omughaso munene’ omo ngebe yaghu y’eyahi?

• Wangakolaki utoke erihira erigha eBiblia ly’embere omo ngebe yaghu?

1. Wamabyusyulya omo kitiri mw’omutsanga neryo iwatasyahiramo n’amabwe, amabwe isyendisunga mw’omwanya

2. Wamabitsukamo amabwe, iwukendisunga omwanya w’erihiramo omutsanga. Kutya, twamabihira “emyatsi y’omughaso munene” y’embere omo ngebe, itukendibana endambi y’eriberereyrayo itunemukola n’eyindi myatsi

Erigha eBiblia lyanganughutya obwagha bwetu bw’eribya mwira w’oMungu, ni bughambu eriminya oMungu n’erimuramya. Musome Matayo 5:3, neryo musubiraye oko ribulyo rino:

• Tukabana ndundi yahi omughulu tukahira erigha eBiblia ry’embere omo ngebe yetu?

 5. Ulole embere erigha nomo hangabya ebikakukakiraya

6. Uyiketere obuwatikya bwa Yehova

 MUKIGHA MYATSI YAHI?

Nomo ate mwatsi molo mughulu wosi, erigha eBiblia ryanganakuwatikya eritsemera engebe kera na kera. Uyitsinge eriyiketera Yehova, neryo akendikutsumula.

Eriyibukya

• Busanaki ekwenene eyiri omo Biblia ni y’obughuli bunene okwiwe?

• Wangaminya wuti “emyatsi y’omughaso munene”?

• Busanaki litolere iwasaba Yehova akuwatikaye erilola embere erigha eBiblia?