MUTU 12
Kansi n’chinji chingakuyavyeni kuti mupitilije kuphunzila Baibolo?
Kuphunzila Baibolo ni ulwendo wopindulisha. Koma olo n’tetyo nthawe ziyakine vunkhala vovuta. Nthawe ziyakine mungokaikila keno mungakwanishe kupitilija kuphunzila Baibolo. Kansi ndaŵa yanji n’kofunika kuyeja-yeja kupitilija kuphunzila? Kansi n’chinji chingakuyavyeni kupilila olo kuti mukumana na mavuto?
1. Ndaŵa yanji kuphunzila Baibolo n’kofunika?
“Mawu a Mulungu na moyo komasoti amphamvu.” (Aheberi 4:12) Baibolo ni yofunika chifukwa yufotokoza maganizo a Mulungu komasoti mwakukuwonelani mwewo. Vamene ivi vingakuyavyeni kuti osati munkhale tyala na chiziwiso komasoti kuti mupeze nzelu ngazo-ngazo na chiyembekezo. Chofunika ngako n’chakuti, Baibolo ikuyavyeni kunkhala shamwali wa Yehova. Mukophunzila Baibolo, niye kuti mulola kuti mphamvu zake zikuyavyeni pa moyo wanu.
2. Ndaŵa yanji tufunika kuziŵa kufunika kwa chendi cha m’Baibolo?
Chendi cha m’Baibolo chili monga ni chuma chantengo wapatali. N’chifukwa chake Baibolo yutilimbikisa kuti “gula choonadi ndipo osachigulisa.” (Miyambo 23:23) Tikakumbukila kufunika kwa chendi cha m’Baibolo, tuyeja-yeja kupitilija kuphunzila—olo kuti tukumana na vopinga.—Ŵelengani Miyambo 2:4, 5.
3. Kansi Yehova angakuyavyeni tyani kuti mupitilije kuphunzila?
Monga Nyamalenga wamphamvuzonse komasoti Shamwali wanu, Yehova ofuna kukuyavyani kuphunzila za yove. Yove angakupaseni “chifuno na mphamvu kuti muchitepo kanthu.” (Ŵelengani Afilipi 2:13.) N’chifukwa chake, keno nthawe ziyakine mufuna chilimbikiso choyangijila kuti muphunzile olo kukatishila ntchito vinthu vamuphunzila, angakuyavyeni. Keno mufunika mphamvu zoyangijila kuti mugonjese vopinga olo kushushiwa, yove angakupaseni. Nthawe zonse mukomusenga Yehova kuti akuyavyeni kupitilja kuphunzila Baibolo.—1 Atesalonika 5:17.
VATI TIPHUNZILE
Tiphunzile mwamungapitilijile kuphunzila Baibolo olo munkhala otangwanika olo kushushiwa na ŵanthu ayakine. Pasogolo pake tikambilane mwangakuyavyileni Yehova kuti mupilile.
4. Mukowona kuti kuphunzila Baibolo n’kofunika ngako
Nthawe ziyakine pamoyo tunkhala otangwanika ndipo vuwoneka kuti tunkhala tiliye nthawe yokwanila kuti tiphunzile Baibolo. Kansi n’chinji chingatiyavye? Ŵelengani Afilipi 1:10, ndipo pavuli pake mukambilane makonsho aŵa:
-
Kansi ni vinthu votyani vamuwona kuti “nivofunika ngako” pamoyo?
-
Kansi mungachite tyani kuti kuphunzila Baibolo kwanu kukonkhala kofunika ngako?
-
-
Molingana na vamene ivi, keno mwewo mukoika “vinthu vofunika ngako” pamalo oyamba pamoyo wanu, mwewo mukwanishe kuvikwanilisha komasoti mukonkhala na nthawe yochita vinthu viyakine
Kuphunzila Baibolo kukhutilisha vosowa vasu vauzimu vatufunikila kuziŵa komasoti polambila Mulungu. Ŵelengani Mateyu 5:3, ndipo pavuli pake mukambilane konsho iyi:
-
Kansi tupindula tyani keno tuwona kuphunzila Baibolo kunkhala kofunika ngako?
5. Mukopilila keno mushushiwa
Nthawe ziyakine ŵanthu ayakine angafune kukuleshani kuphunzila Baibolo. Tiyeni tiwone chisanzo cha Francesco. Lolelani VIDIYO, ndipo pavuli pake mukambilane makonsho aŵa okonkhapo.
-
Mu vidiyo yamene iyi, kansi amai ŵake komasoti azishamwali a Francesco echita tyani yove pechiŵafotokozela vinthu venzephunzila?
-
Kansi yove edalisiwa tyani chifukwa chopitilija kuphunzila?
Ŵelengani 2 Timoteyo 2:24, 25, ndipo pavuli pake mukambilane makonsho aŵa:
-
Kansi azishamwali komasoti abanja ŵanu olaŵila votyani chifukwa chakumvwa kuti mwewo muphunzila Baibolo?
-
Mokatijana na mavesi amene aŵa, kansi mwewo mungachite chinji keno ŵanthu ayakine osangalalalini mukophunzila Baibolo? Ndipo ndaŵa yanji?
6. Dalilani Yehova kuti akuyavyeni
Tikavwendela pafupi na Yehova, chifuno chasu chofuna kumukondwelesha chuyangijilika. Koma olo n’tetyo, vingankhale vovuta kuchinja vinthu viyakine pamoyo wasu kuti tikokonkheja mfundo zake. Keno mwewo mwelimvwako kale teti, osataya ntima. Yehova akuyavyeni. Lolelani VIDIYO, ndipo pavuli pake mukambilane makonsho aŵa okonkhapo.
-
Mu vidiyo yamene iyi, kansi Jim echinja vinthu votyani kuti akondweleshe Yehova?
-
Kansi n’chinji chukusangalasani pa chisanzo chake?
Ŵelengani Aheberi 11:6, ndipo pavuli pake mukambilane makonsho aŵa:
-
Kansi Yehova azaŵachitile chinji ŵanthu ŵala “omusakila-sakila na ntima onse”—olo kuti ŵala oyeja-yeja kuti amuziŵe na kumusangalasa?
-
Kansi vamene ivi vukuujani chinji za mwakumvwila Yehova akokuwonani muyeja-yeja kuphunzila Baibolo?
ŴANTHU AYAKINE ANGAKUKONSHENI KUTI: “Ndaŵa yanji muphunzila Baibolo?”
-
Kansi mwewo mungayankhe kuti tyani?
MFUNDO ZACHIDULE
Olo kuti nthawe ziyakine vunkhala vovuta, kuphunzila Baibolo kungakuyavyeni kuti muzafwane moyo wosasila. Pitilijani kudalila Yehova, ndipo yove akudaliseni.
Makonsho oweleja
-
Ndaŵa yanji mfundo za m’Baibolo n’zofunika ngako kuli mwewo?
-
Kansi mungachite chinji kuti musimikijile kuti vinthu vofunika ngako nivini?
-
Ndaŵa yanji mwewo mufunika kusenga Yehova kuti akuyavyeni kupitilija kuphunzila Baibolo?
PHUNZILANI VINYINJI
Phunzilani njila 4 zamene zayavya ŵanthu anyinji kuti akokatishila ntchito nthawe yawo mwanzelu.
“Mwamungachitile kuti mukokatishila ntchito nthawe yanu mwanzelu” (Galamukani!, February 2014)
Onani mwamene Yehova mwechiyavyila mwanakazi muyakine wamene mwanalume wake enzemvwishalini pakuyeja-yeja kwake kwenzechita kuti akondweleshe Mulungu.
Yehova otipasa mphamvu kuti tikwanishe kunyamula ntolo wasu (5:05)
Onani mwechipindulila mwanalume muyakine chifukwa chakuti mwanakazi wake aliyeleke kuphunzila Baibolo.
A Mboni za Yehova nthawe ziyakine oimbiwa mulandu wakuti osokoneza mabanja. Koma kansi vamene ivi n’vachendi?
“Kansi a Mboni za Yehova osokoneza olo olimbikisa mabanja?” (Nkhani yapa webisaiti)
