Go ithuta Beibele go hola kudu, eupša ga se ka mehla go lego bonolo. Ka dinako tše dingwe o ka ipotšiša ge e ba o tla tšwela pele o ithuta Beibele. Ke ka baka la’ng o swanetše go tšwela pele o dira maiteko a go ithuta Beibele? Ke’ng seo se ka go thušago gore o dule o kgotlelela le ge o kopana le mathata?

1. Ke ka baka la eng go ithuta Beibele go le bohlokwa?

Beibele e re: “Lentšu la Modimo le a Phela e bile ke le matla.” (Baheberu 4:​12) Go ithuta Beibele go bohlokwa ka gobane go go thuša go bona kamoo Modimo a ikwago ka gona ka wena le dilo tšeo a di naganago ka wena. Go tlo go thuša go ba le tsebo, bohlale le kholofelo ya gore mathata a gago a tlo fela. Se bohlokwa le go feta, go ithuta Beibele go ka go thuša gore o be mogwera wa Jehofa. E bile o tla be o dumelela gore e fetoše bophelo bja gago.

2. Ke ka baka la eng o swanetše go tseba bohlokwa bja ditherešo tša Beibele?

Ditherešo tšeo di lego ka Beibeleng di swana le mahumo a bohlokwa. Ke ka baka leo Beibele e re kgothaletšago gore re ‘reke therešo gomme re se ke ra e rekiša.’ (Diema 23:​23) Ge re ka dula re gopola bohlokwa bja therešo ya Beibele, re tlo šoma ka thata gore re dule re ithuta yona le ge re ka kopana le mathata.​—Bala Diema 2:​4, 5.

3. Jehofa a ka go thuša bjang gore o tšwele pele o ithuta Beibele?

Ka ge Jehofa e le Ramatlaohle, a go bopile e bile e le mogwera wa gago, o nyaka go go thuša gore o ithute ka yena. A ka go nea ‘kganyogo le matla a gore o dire dilo tšohle tšeo a di ratago.’ (Bala Bafilipi 2:​13.) Ge e ba ka dinako tše dingwe o se na mafolofolo a go ithuta goba o nyaka go diriša seo o ithutago sona, a ka go thuša. Goba ge e ba o ganetšwa goba o se na matla a go kgotlelela mathata, le gona moo a ka go thuša. Dula o rapela Jehofa gore a go thuše go tšwela pele o ithuta Beibele.​—1 Bathesalonika 5:​17.

 ITHUTE KA MO GO TSENELETŠEGO

4. Dira gore go ithuta Beibele go tle pele bophelong bja gago

Ka dinako tše dingwe re ka dula re swaregile kudu moo e lego gore re ka nagana gore ga re na nako ya go ithuta Beibele. Ke’ng seo se ka go thušago? Balang Bafilipi 1:​10, gomme le boledišaneng ka dipotšišo tše di latelago:

• O nagana gore tše dingwe tša “dilo tše bohlokwa kudu” ke dife?

• O ka dira’ng gore go ithuta Beibele go tle pele bophelong bja gago?

1. Ge o ka tlatša pakete ka santa gomme wa leka go tsenya maswika, maswika ao a ka se lekane

2. Eupša ge o ka tsenya maswika pele, o tlo hwetša sekgoba sa go tsenya santa e ntši. Ka mo go swanago, ge o ka thoma pele ka go “dira dilo tše bohlokwa kudu” bophelong bja gago, o tlo hwetša le nako ya go dira tše dingwe ka morago

Go ithuta Beibele go re thuša gore re nyake go tseba Modimo le go mo hlankela. Balang Mateo 5:​3, gomme le boledišaneng ka potšišo e latelago:

• Re holega bjang ge re dira gore go ithuta Beibele go tle pele maphelong a rena?

 5. Kgotlelela ge ba bangwe ba go ganetša go ithuta Beibele

6. Ithekge ka Jehofa gore a go thuše

 O ITHUTILE ENG?

Le ge ka dinako tše dingwe go ithuta Beibele go se bonolo, eupša go ka go thuša gore o thabele bophelo go ya go ile. Tšwela pele o ithekga ka Jehofa gomme o tla go šegofatša.

Dipotšišo

• Ke ka baka la’ng ditherešo tša Beibele di le bohlokwa go wena?

• O ka dira’ng gore “o kgonthišetše dilo tše bohlokwa kudu” bophelong bja gago?

• Ke ka baka la’ng o swanetše go kgopela Jehofa gore a go thuše go tšwela pele o ithuta Beibele?