Mäske di pädihu̱ ge rä Noya Äjuä dä za dä maxkägihu̱ ha mä mꞌu̱ihu̱, rꞌabu̱ di jakägihu̱ xä ñhei gä sigi gä nxadihu̱ rä Biblia. Zäi ge rꞌabu̱ gi enä: «Mꞌatꞌho ya hindä za gä sigi gä nxadi rä Biblia». Pe, ¿por hanja di bale rä penä gi sigi gi yꞌo̱tꞌe ntsꞌe̱di? ¿Te ma dä maxꞌäꞌi pa gi sigi gi nxadi rä Biblia mäske gi ñhandui yä xuñha?

1. ¿Por hanja di bale rä penä gi nxadi rä Biblia?

«Rä noya Äjuä ja rä te, ꞌne pe̱ꞌtsä ndunthi rä tsꞌe̱di» (Hebreos 4:12). Rä Biblia xa ja ndunthi rä muui ngeꞌä udi te di mbeni Äjuä ꞌne te senti po gekhu̱. Ora gi nxadi rä Biblia, ma gi hñäni näꞌä rä mfädi bi ehe de Äjuä, ma dä maxꞌäꞌi gi huahni nꞌa rä ꞌñuu xä ñho, ꞌne ma gi pädi te ma dä me̱fi Äjuä po gekhu̱. Pe hingä ho̱nse̱ꞌä, rä Biblia ꞌnehe ma dä maxꞌäꞌi gi pe̱ꞌtsi nꞌa rä hogä ntsitsꞌi ko rä Zi Dada Jeoba. Ora gi nxadi rä Biblia, gi hopäbi rä Zi Dada Jeoba dä maxꞌäꞌi pa gi pe̱ꞌtsi nꞌa rä hogä mꞌu̱i.

2. ¿Por hanja xa mähyoni gä balorahu̱ rä Noya Äjuä?

Näꞌä rä mfädi di tinihu̱ ha rä Biblia ꞌñenä nꞌa rä däta tesoro. Hänge rä Biblia engägihu̱: «Hyoni näꞌä mäjuäni ꞌne ogi he̱pu̱» (Proverbios 23:23). Mu̱ di balorahu̱ ꞌne di handihu̱ hängu rä muui pe̱ꞌtsi näꞌä rä mfädi rꞌakägihu̱ Äjuä, ma gä sigihu̱ gä o̱tꞌehu̱ ntsꞌe̱di po gä nxadihu̱ rä Biblia mäske di ñhanduihu̱ yä xuñha (hñeti Proverbios 2:4, 5).

3. ¿Hanja dä za dä maxꞌäꞌi rä Zi Dada Jeoba pa gi sigi gi nxadi rä Biblia?

Koꞌmu̱ Jeoba go geꞌä mä Zi Dadahu̱ ꞌne mä amigohu̱, näꞌä ne dä maxꞌäꞌi pa gi pädi de Geꞌä. Äjuä dä za dä rꞌaꞌi tanto rä ganä ngu rä tsꞌe̱di pa gi pe̱fi näꞌä di hoꞌä (hñeti Filipenses 2:13). Hänge ora gi senti ge otho ri ganä pa gi sigi gi nxadi rä Biblia, o jaꞌi xä ñhei gi pe̱fi nuꞌu̱ yä tsꞌofo uni; rä Zi Dada Jeoba dä za dä maxꞌäꞌi pa dä nja ri ganä ꞌne gi ne gi pe̱fi näꞌä di mändaꞌi. ꞌNehe, ora gi senti ge ya otho ri tsꞌe̱di pa gi ze̱ti yä ntsꞌomꞌu̱i o yä xuñha, rä Zi Dada Jeoba dä za dä rꞌaꞌi näꞌä rä tsꞌe̱di di jaꞌi mꞌe̱di pa dä za gi ze̱ti. Xatuäbi njatꞌä rä Zi Dada Jeoba ꞌne yꞌapäbi ge dä maxꞌäꞌi gi sigi gi nxadi rä Biblia (1 Tesalonicenses 5:17, TNM).

 HANJA DÄ ZA DÄ MAXꞌÄꞌI RÄ NOYA ÄJUÄ

4. Hyoni mꞌe̱tꞌo Äjuä

Rꞌabu̱ di pe̱ꞌtsihu̱ ndunthi te gä pe̱fihu̱ ꞌne ya hingi kohi rä tiempo pa gä nxadihu̱ rä Biblia. Mu̱ gi thogi njabu̱, ¿te dä za gi pe̱fi? Hñetihu̱ Filipenses 1:10, TNM, ꞌnepu̱ thädihu̱ nuya yä ntꞌani:

• Pa geꞌi, ¿ndaꞌu̱ nuꞌu̱ yä tꞌo̱tꞌe xa di mporta o xa mähyoni dä me̱fi nꞌa rä jäꞌi?

• ¿Te dä za gi pe̱fi pa njabu̱ nzäntho gi ꞌueke rä tiempo pa gi nxadi rä Noya Äjuä ꞌne hingi tsoogi asta rä ngätsꞌi?

1. Mu̱ ha nꞌa rä cubeta gi yꞌu̱tꞌi mꞌe̱tꞌo rä ꞌmomu ꞌnepu̱ ja gi trata gi yꞌu̱tꞌi yä do, hingä ma dä ñꞌe̱ni gatꞌho yä do.

2. Pe mu̱ gi yꞌu̱tꞌi mꞌe̱tꞌo yä do, ꞌnepu̱ mꞌe̱fa ja gi yꞌu̱tꞌi rä ꞌmomu, ma gi hyandi ge ma dä bongi ho̱nse̱ nꞌa zi tu̱i rä ꞌmomu. Njabu̱ ꞌnehe, mu̱ mꞌe̱tꞌo gi pe̱fi nuꞌu̱ yä kosa mänꞌa xa di mporta o mänꞌa xa mähyoni, ma gi hyandi ge asta ma dä bongi rä tiempo pa gi pe̱fi märꞌa yä kosa.

Ora tsu̱kägihu̱ rä thuhu di ñunihu̱ ꞌne di sentihu̱ xä ñho. Njabu̱ ꞌnehe, ora di nxadihu̱ rä Biblia di sentihu̱ xä ñho. Ngeꞌä njabu̱ di udihu̱ ge mꞌe̱tꞌo di honihu̱ Äjuä, ꞌne geꞌä rꞌakägihu̱ ndunthi rä johya. Hñetihu̱ Mateo 5:3, TNM, ꞌnepu̱ thädihu̱ nunä rä ntꞌani:

• ¿Te mä benefisio ma gi pe̱ꞌtsi mu̱ nzäntho gi ꞌueke rä tiempo pa gi nxadi rä Biblia ꞌne hingi tsoogi asta rä ngätsꞌi?

 5. Sigi gi nxadi rä Biblia mäske yä jäꞌi di nkue̱

6. Yꞌapäbi rä Zi Dada Jeoba dä maxꞌäꞌi

 NÄꞌÄ DÄ PÄDIHU̱

Mäske rꞌabu̱ ma dä jaꞌi xä ñhei, mu̱ gi sigi gi yꞌo̱tꞌe ntsꞌe̱di po gi nxadi rä Noya Äjuä, gi nuhmä ge nzäntho ma gi pe̱ꞌtsi nꞌa rä mꞌu̱i temäꞌentho. Ora gi ñhandui yä xuñha, yꞌapäbi rä mfatsꞌi rä Zi Dada Jeoba pa njabu̱ gi sigi gi nxadi rä Biblia, ꞌne gi nuhmä ge Näꞌä ma dä rꞌaꞌi ndunthi yä jäpi.

Pa gä benihu̱

• Xi nuꞌi, ¿por hanja gi balora näꞌä rä mfädi gi tini ha rä Biblia?

• Nubye̱ ya gä pädi ndaꞌu̱ nuꞌu̱ yä tꞌo̱tꞌe xa di mporta o xa mähyoni dä me̱fi nꞌa rä jäꞌi, ¿te ma gi pe̱fige?

• ¿Por hanja mähyoni gi sigi gi yꞌapäbi rä mfatsꞌi rä Zi Dada Jeoba?