Ngmo uchul a klungioled sel dosuub er a Biblia me nguaisei engdi nglocha diak lebeot el tekoi. A lebebil e ke locha mo melatk el kmo, ngak a locha dikea el sebechek el melemolem el mesuub. Ngera uchul me ngungil el bora tkurrebab el sebechem el melemolem er a omesubem? Ngera mo ngosukau el melemolem alta ngngar ngii a measem er a omesubem?

1. Ngera klungiolel omesubel a Biblia?

“A tekingel a Dios a di ngar e mesisiich.” (Hebru 4:12) A Biblia a kmal mekreos le ngouchais a uldesuel me a rengul a Dios el kirem. Ngdiak di lolechel er a klemedengei er kau e ngdirrek el meskau a mera el llomeserreng me a omelatk. E a ngaruchei er ngii, a Biblia ngosukau el mo sechelil a Jehovah. Sel mosuub er a Biblia e ke mecherei a klisichel me ngrullii a klengar er kau el lmuut el mo ungil.

2. Ngera uchul me ngklou a ultutelel a desa kerresel a klemerang er a Biblia?

A klemerang el ngar er a Biblia a di ua mekreos el klalo. Sei a uchul me a Biblia melekoi el kmo, “A klemerang, . . . a ngar ngii a belkul cho mochar, ngdi kmal meringel a rengul cho molterau.” (Osisechakl 23:23) Me sel deblechoel el melatk er a kerresel a klemerang er a Biblia, e kede mo oureor el meringel el melemolem el mesuub er ngii, mo lmuut me a bo dechebangel omelsemai.​—Monguiu er a Osisechakl 2:4, 5.

3. Ngmekera Jehovah e sebechel ngosukau el melemolem er a omesubem?

A Jehovah el olab a rokui el klisiich el Ulemeob e Sechelim, a kmal soal ngosukau el mo medengelii. Ngsebechel meskau a urungulem e smisichii a rengum el mo meruul el uaisei. (Monguiu er a Filipi 2:13.) Me a lsekum e ngmo er ngii aike el taem el mousbech el mo omeksemeriar er a rengum el mesuub me a lechub e ke oltaut a tekoi el mosuub, e ngkmal sebechel ngosukau. A lsekum kousbech a lmuut el klou el klisiich el mo mesisiich omelsemai me a lechub e ngrechad el omtok er kau, e ngkmal sebechel meskau. Bo blechoel lolengit er a Jehovah loeak a nglunguuch me lengesukau el melemolem el mesuub er a Biblia.​—1 Thesalonika 5:17.

 BOM DMOLECH EL MERRITER

4. Mrellii omesubem er a Biblia el mo klou a ultutelel er a rengum

A lebebil e kede kmal mo mechesang er a klengar me ngua lak a temed el mesuub er a Biblia. Ngera sebechel ngosukau? Monguiu er a Efesus 5:16 e mosaod aika el ker:

• Ngera omomdasu a bebil er a meklou a ultutelel el tekoi el sebechem el ‘mo ungil lousbech a bek el techall’ el meruul?

• Ngmekera sebechem el rullii omesubem er a Biblia mo ta er a kot el klou a ultutelel tekoi er a klengar er kau?

1. A obekekii a baket er a chelechol e molasem loltuu a bad er ngii, e ngdiak el sebechel a bad el rokui el soiseb

2. Engdi omotuu a bad el kot, e ngsebechem losiseb a betok el chelechol er a baket. Ngdi osisiu, a ‘obo mungil el ousbech a bek el techall’ el meruul aike el lmuut el meklou a ultutelel el kot, e ngsebechem el remuul e dirk ngar ngii a temem el meruul a kuk bebil er a tekoi

A rechad ulebeob el lousbech el mo medengelii a Dios e mengull er ngii. A doruul er tiang e ngkired el mesuub er a Biblia. Monguiu er a Mateus 5:3 e mosaod er tia el ker:

• Ngmekera e mo klungioled sel derellii omesubed er a Biblia el mo klou a ultutelel er a klengar er kid?

 5. Molemolem loba blakerreng sel bo mchelebangel a ultok

6. Bora Jehovah el kirel a ngeso

 SUMMARY

Alta ngdiak leblechoel el beot a dosuub er a Biblia, engdi omesubem a mo uchul e ngsebechem loldeu a rengum er a klengar el mo cherechar. Molemolem el ultuil er a Jehovah e ngmo meskau omeksulem.

Review

• Ngera uchul me ngkmal mekreos er a rengum a klemerang er a Biblia?

• Ke mekerang e ‘mo ungil el ousbech a bek el techall’ el kirel aike el lmuut el meklou a ultutelel el tekoi?

• Ngera uchul me ngungil molengit er a Jehovah me lengesukau el melemolem el mesuub er a Biblia?