12. KAPITEL
Waut woat die halpen, wieda de Schreft to studieren?
De Schreft studieren brinjt väl goodet. Oba daut es veleicht nich emma leicht. Un dan wundascht du veleicht, aus du woascht kjennen wieda de Schreft studieren. Wuarom loont sikj daut, sikj auntostrenjen? Waut kaun die halpen, doabie to bliewen, wan daut uk bieaun schwoa es?
1. Wuarom es daut soo goot, de Schreft to studieren?
“Gott sien Wuat läft un es kjraftich” (Hebräa 4:12). De Schreft es sea väl wieet, wiels dee ons weeten lat, waut Gott denkjt un woo hee äwa jiedrem eenen von ons jesonnen es. Dee halpt ons nich bloos väl to weeten, oba dee jeft ons uk Weisheit un Hopninj. Un daut wichtichste es, daut de Schreft die halpt, Jehova sien Frint to woaren. Wan du dee studieescht, dan latst du de Krauft von de Schreft en die wirkjen, un daut woat dien Läwen vebätren.
2. Wuarom saul de Woarheit ut de Schreft wichtich sennen fa ons?
De Woarheit ut de Schreft es sea wieetvoll. Doawäajen sajcht daut: “Veschauf die Woarheit un lot dee nich loos” (Spricha 23:23). Wan de Woarheit ut de Schreft fa ons wichtich es, dan woa wie doafäa oppkomen, daut wie wieda studieren, wan doa uk nich aules jlei rant (läs Spricha 2:4-5).
3. Woo kaun Jehova die halpen, daut du wieda studieescht?
Jehova es de Schepfa, waut aule Macht haft, un hee es dien Frint. Hee well die halpen, daut du von am lieren kaust. Hee kaun die dän Wunsch un uk de Krauft jäwen (läs Filippa 2:13). Wan die daut dan aun mea Moot fält toom studieren ooda daut nokomen, waut du lieescht, kaun hee die halpen. Un wan die daut aun mea Krauft fält toom Vefoljunk ooda aundret schwoaret derchkomen, dan kaun hee die dee jäwen. Doawäajen bäd emma wada to Jehova, daut hee die halpen saul, wieda de Schreft studieren (1. Tessalonicha 5:17).
DOLLA UNJASTONEN
Lia, woo du kaust wieda de Schreft studieren, wan du daut uk sea drock hast ooda wan aundre jäajen die sent. See uk, woo Jehova die halpen woat, doabie to bliewen.
4. Nemm dien Bibelstudium sea iernst
Eenjemol es daut em Läwen soo drock, daut sikj eenem daut soo späat, daut eena goanich jenuach Tiet haft toom de Schreft studieren. Waut kaun eenem halpen? Läst Filippa 1:10 un dan got toop dise Froagen derch:
-
Waut denkjst du: Waut es eenjet von “daut aulabaste”, ooda wichtichste, em Läwen?
-
Waut kaust du doonen toom wiesen, daut die daut Bibelstudium sea iernst es?
-
Wan eena eenen Ama voll Saunt schett, dan kjennen de Steena doa aul nich nenn
-
Wan eena ieescht de Steena doa nendeit, dan woat eena dän mieeschten Saunt doa uk noch nenkjrieen. Soo es daut uk, wan eena daut wichtichste em Läwen aun de ieeschte Städ stalt: dan woat eena daut fein kjennen nokomen un uk noch Tiet haben fa aundret
Aus Menschen fält ons daut aun daut jeistelje. Un de Schreft studieren halpt ons, daut to kjrieen. Läst Matäus 4:4 un dan got toop dise Froag derch:
-
Woo halpt ons daut, daut Bibelstudium iernst to nämen?
5. Bliew doabie, wan aundre uk doajäajen sent
Eenjemol woaren aundre die veleicht aufroden, de Schreft to studieren. Well wie ons mol Francesco sien Biespel unjastonen. Kjikjt daut VIDEO un dan got toop de Froagen derch, waut hia aunjejäft sent.
-
Waut deeden Francesco siene Frind un siene Mame, aus hee an vetald, waut hee lieed?
-
Waut fa goodet haud hee doabie, daut hee aunhoolent bleef?
Läst 2. Timotäus 2:24-25 un dan got toop dise Froagen derch:
-
Woo denkjen diene Frind un diene Famielje äwa daut, waut du lieescht?
-
No dise Varzhen no, waut saust du doonen, wan daut wäa nich jleicht, daut du de Schreft studieescht? Un Wuarom?
6. Velot die doaropp, daut Jehova die halpt
Je noda wie Jehova komen, je dolla well wie am jefaulen. Oba daut kaun doawäajen noch schwoa sennen, en ons Läwen Endrungen to moaken un soo to läwen aus Jehova daut haben well. Wan die daut mol soo jeit, dan woa nich mootloos. Jehova woat die aul halpen. Kjikjt daut VIDEO un dan got toop de Froagen derch, waut hia aunjejäft sent.
-
En waut fa Stekjen endad Jim sikj toom Jehova jefaulen?
-
Waut motst du von siene Erfoarunk bewundren?
Läst Hebräa 11:6 un dan got toop dise Froagen derch:
-
Waut woat Jehova fa deejanje doonen, waut “am iernstlich sieekjen”, aulsoo Fliet doonen toom am kjanen lieren un am jefaulen?
-
Woo denkjt Jehova doaräwa, wan hee sitt, daut wie ons aunstrenjen, de Schreft to studieren?
EENJE FROAGEN VELEICHT: “Wuarom deist du de Schreft studieren?”
-
Waut wurscht du dan sajen?
KAPITEL TOOPJEFOT
Daut es nich emma leicht, de Schreft to studieren, oba daut kaun die halpen, fa emma een scheenet Läwen to haben. Vetru wieda opp Jehova un hee woat die doafäa beloonen.
Waut hast du jelieet?
-
Wuarom es de Woarheit ut de Schreft fa die wieetvoll?
-
Woo kaust du die secha moaken, waut “daut aulabaste”, ooda wichtichste, es?
-
Wuarom wurscht du Jehova sellen froagen, daut hee die halpt, wieda de Schreft to studieren?
MEA NOSIEEKJEN
See mol veatlei, waut väle aul jeholpen haft, äare Tiet fein uttonutzen.
“Woo du diene Tiet goot utnutzen kaust” (Woat Waka!, Feebawoa 2014)
Kjikj mol, woo Jehova eene Fru holp, wan äa Maun daut uk nich vestonen kunn, daut see Gott jefaulen wull.
Jehova stoakjt ons, daut wie onse Laust droagen kjennen (5:05)
See, woo eenen Maun daut togood kjeem, wäajen siene Fru aunhoolent bleef.
Jehova siene Zeijen woat eenjemol beschulcht, daut dee Famieljes uteneenrieten. Oba es daut soo?
“Brinjen Jehova siene Zeijen Famieljes uteneen?” (Artikjel opp jw.org)
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
