Athu avula ana tangiza egi gulonguga Biblia guakhala ndaga yakola. Uvi jiya egi gula walandula guyilonguga, mbawuheta gubonga guavula. Uvi yanago gukhala ndaga yaleba. Matangua ako, wajiya gudihula gula mbawulandula guyilonguga. Mukunda natshi idi nu ndando ha gutshita ngolo ha gulandula gulonguga Biblia? Itshi yajiya gugukuatesa ha gulandula guyilonguga ikhale udi mutagana nu malamba?

1. Mukunda natshi gulonguga Biblia gudi nu ndando?

“Mbimbi ya Nzambi idi nu monyo nu ngolo.” (Hebelu 4:12) Biblia idi nu ndando handaga yana monesa matangi a Nzambi, nu guzumba guenji mukunda nu aye. Biblia yajiya gugukuatesa ha gujiya ndaga jiavula nu ha guheta ndunge jia giamatshidia nu felela mukunda nu masugu adi muza. Ndaga yabalega ndando idi egi Biblia mbayigukuatesa ha gubua futa dia Yehowa. Gulonguga Biblia mbagugukuatesa ha gukhala nu gusuanguluga.

2. Mukunda natshi tudi naye guzula giamatshidia gidi mu Biblia nu ndando yavula?

Giamatshidia gidi mu Biblia gidi gifua umonyi wa ndando yavula. Gishina giene Biblia yana gututoga ha ‘gusumba giamatshidia uvi gugidiga ndo.’ (Ishima 23:23) Gula tuakotelesa egi giamatshidia giene gidi nu ndando yavula, mbatulandula gulonguga Biblia ikhale tuatagana nu ndaga jiajiya gutukanga njila ha guyilonguga.​—Tanga Ishima 2:4, 5.

3. Luholo lutshi Yehowa wajiya gugukuatesa ha gulandula gulonguga Biblia?

Yehowa udi mutshigina gugukuatesa hagula umujiye muabonga handaga udi Mufugi waye nu Futa diaye. Wajiya guguhana “nzala nu ngolo jia gutshita ndaga.” (Tanga Filiphi 2:13.) Hene wajiya nji gugukuatesa ha guheta ngolo jia gulonguga nu ha gukalegela ndaga udi mulonguga. Gula watagana nu malamba nga usageshi, muene wajiya guguhana ngolo jia guabinga. Khala nu khadilo dia gutoga Yehowa mu gisambu hagula agukuatese ulandule gulonguga Biblia.​—1 Tesalonike 5:17.

 TUKAMBE GUJIYA NDAGA JIAVULA

4. Khala muhaga gulonguga gua Biblia ha fundo dia thomo

Matangua ako tuana khala nu ndaga jiavula jia gutshita, yajiya gumonega gifua tushigo nu tangua dia gulonguga Biblia. Itshi yajiya gugukuatesa? Tanga Filiphi 1:10, gungima zuelelenu mihu eyi yalandula:

• Udi mutangiza egi ‘ndaga jitshi jidi jiabalega ndando’ mu monyo wetu?

• Luholo lutshi wajiya gusha gulonguga gua Biblia ha fundo dia thomo?

1. Gula wadiangela gumba fuluguta dia mavu mu kinda, gungima walezela maseso, maseso ene ajiyilego gungina agasue

2. Uvi gula wamba thomo maseso, mbawukhala nu fundo dia gulezela fuluguta diavula. Luholo lumoshi nji, gula wahaga ôndaga jiabalega ndandoö ha fundo dia thomo, mbawujitshita jiagasue, mbawuheta nji tangua dia gutshita ndaga jiko

Mukut’etu agasue tuana khala nu funu ya utuameji wa Nzambi, hene gulonguga Biblia guajiya gutukuatesa ha gubemba egi Nzambi atutuameze. Tanga Matayo 5:3, gungima zuelelenu muhu owu walandula:

• Gubonga gutshi tuajiya guheta gula tuasha gulonguga gua Biblia ha fundo dia thomo?

 5. Kolesela ikhale udi mutagana nu umbalagaji

6. Sha mutshima egi Yehowa mbawugukuatesa

 NDAGA WALONGUGA

Matangua ako gulonguga Biblia guakhala ndo ndaga yaleba, uvi guajiya gugukuatesa ha guheta monyo wa ivo nu ivo. Landula gushila Yehowa mutshima, muene mbawugukuatesa.

Mihu ya Guvutugila

• Wana tangiza egi giamatshidia gidi mu Biblia gidi nu ndando yavula ba? Mukunda natshi?

• Luholo lutshi wajiya ‘gukamba gujiya ndaga jiabalega ndando’?

• Mukunda natshi udi naye gutoga ukuateshi gudi Yehowa ha gulandula gulonguga?