بوہت سارے لوکاں نُوں بائبل کورس کرنا مشکل تے لگ سکدا اے پر ایہدے توں فائدہ بوہت ہوندا اے۔ کدی کدار شاید تُسی وی سوچو کہ تواڈے لئی بائبل کورس جاری رکھنا مشکل اے۔ پر ایہنوں جاری رکھنا ضروری کیوں اے؟ تُسی رُکاوٹاں دے باوجود ایہنوں کیویں جاری رکھ سکدے او؟‏

1.‏ بائبل کورس کرنا فائدہ‌مند کیوں اے؟‏

خدا دا کلام زندہ تے اثردار اے۔‏ (‏عبرانیوں 4:‏12‏)‏ بائبل ورگی ہور کوئی کتاب نئیں۔ صرف ایہدے توں ای سانوں پتہ چلدا اے کہ خدا ساڈے بارے کیہہ سوچدا اے تے کیہہ محسوس کردا اے۔ ایہنوں پڑھن نال سانوں نہ صرف علم مِلدا اے سگوں دنائی تے اِک چنگے مستقبل دی امید وی مِلدی اے۔ سب توں اہم گل ایہہ وے کہ بائبل دی مدد نال اَسی یہوواہ دے دوست بن سکنے آں۔ جدوں اَسی ایہدی تلیم حاصل کرنے آں تے ایہہ ساڈے دلاں تے اثر کردی اے تے اِنج ساڈی زندگی سنور جاندی اے۔‏

2.‏ بائبل دِیاں سچائیاں دی اہمیت نُوں سمجھنا ضروری کیوں اے؟‏

بائبل دِیاں سچائیاں قیمتی موتیاں وانگوں نیں۔ ایسے لئی بائبل چ سانوں نصیحت کیتی گئی اے کہ سچائی نُوں خرید لے تے ایہنوں ویچیں نہ۔‏ (‏امثال 23:‏23‏)‏ جے اَسی ایہہ یاد رکھاں گے کہ بائبل دِیاں سچائیاں بوہت قیمتی تے اہم نیں تے فیر اَسی ہر طرحاں دِیاں رُکاوٹاں دے باوجود بائبل کورس جاری رکھن دی کوشش کراں گے۔—‏امثال 2:‏4، 5 نُوں پڑھو۔‏

3.‏ یہوواہ بائبل کورس جاری رکھن چ تواڈی مدد کیویں کر سکدا اے؟‏

تواڈا خالق تے دوست یہوواہ چاہندا اے کہ تُسی اوہنوں جانو۔ اوہ تواڈے اندر خواہش تے طاقت پیدا کردا اے تاکہ تُسی اِنج کر سکو۔‏ (‏فِلپّیوں 2:‏13 نُوں پڑھو۔)‏ ایس لئی جے کدی بائبل کورس کرن لئی تواڈا جوش ٹھنڈا پے جائے یاں فیر سکھیاں ہوئیاں گلاں تے عمل کرن نُوں جی نہ کرے تے اوہ تواڈی مدد کر سکدا اے۔ نالے جے توانوں مخالفت یاں رُکاوٹاں دا سامنا کرن لئی ہور زیادہ طاقت دی لوڑ اے تے اوہ توانوں ہور طاقت دے سکدا اے۔ ہر روز یہوواہ کولوں دُعا کرو کہ اوہ بائبل کورس جاری رکھن چ تواڈی مدد کرے۔—‏1-‏تھسلُنیکیوں 5:‏17‏۔‏

 ہور سوچ‌وچار لئی

4.‏ بائبل کورس نُوں دُوجے کماں نالوں بوہتی اہمیت دَوو

کدی کدی اَسی روز دے کماں چ ایہنے مصروف ہو جانے آں کہ سانوں بائبل پڑھن تے ایہدے تے سوچ‌وچار کرن دا وقت ای نئیں مِلدا۔ جے اِنج ہوئے تے فیر اَسی کیہہ کر سکنے آں؟ فِلپّیوں 1:‏10 نُوں پڑھو تے فیر ایہناں سوالاں تے گل بات کرو:‏

• تواڈے خیال چ زندگی چ کیہڑیاں گلاں زیادہ ضروری نیں؟‏

• تُسی بائبل کورس نُوں دُوجے کماں نالوں بوہتی اہمیت کیویں دے سکدے او؟‏

1. 1.‏ جے تُسی اِک بالٹی نُوں پہلے ریت نال بھر کے اوہدے چ پتھر پاؤ گے تے پتھر اوہدے چ پورے نئیں آن گے۔‏

2. 2.‏ پر جے تُسی بالٹی چ پہلے پتھر پاؤ گے تے فیر بوہت ساری ریت وی ایہدے چ پوری آ جائے گی۔ ایسے طرحاں جے تُسی زیادہ ضروری کم پہلاں کرو گے تے فیر تواڈے کول باقی کم کرن لئی وی وقت بچ جائے گا۔‏

بائبل دی تلیم حاصل کرن نال سانوں پتہ چلے گا کہ ساڈے لئی خدا نُوں قریب توں جاننا تے اوہدی عبادت کرنا کِنّاں ضروری اے۔ متی 5:‏3 نُوں پڑھو تے فیر ایس سوال تے گل بات کرو:‏

• جے اَسی بائبل کورس نُوں دُوجے کماں نالوں بوہتی اہمیت دَواں گے تے سانوں کیہہ فائدہ ہوئے گا؟‏

 5.‏ مخالفت دے باوجود بائبل کورس جاری رکھو

6.‏ بھروسا رکھو کہ یہوواہ تواڈی مدد کرے گا

 خلاصہ

بائبل کورس کرن چ بوہت ساریاں رُکاوٹاں آ سکدیاں نیں۔ پر فیر وی جے تُسی ایہنوں جاری رکھو گے تے تُسی ہُن تے ہمیشاں تک خوشیاں بھری زندگی گزار سکو گے۔ ایس لئی یہوواہ تے بھروسا رکھو تے اوہ توانوں ایہدا اجر دَوے گا۔‏

دہرائی

• تواڈی نظر چ بائبل دِیاں سچائیاں اہم تے قیمتی کیوں نیں؟‏

• تُسی کیویں پتہ لا سکدے او کہ زندگی چ کیہڑیاں گلاں زیادہ ضروری نیں؟‏

• توانوں بائبل کورس جاری رکھن لئی یہوواہ کولوں مدد کیوں منگنی چاہی دی اے؟‏