Onop Paipel kin mwahu ahpw mweinele e sohte kin mengei ahnsou koaros. Mweinele, ekei pak ke kin medewe ma ke kak pousehlahte onopki Paipel. Dahme kahrehda e katapan ken nantihong pousehlahte onopki Paipel? Dahme kak seweseiuk ken pousehlahte mendahki kahpwal akan?

1. Dahme kahrehda onop Paipel kesempwal?

“Mahsen en Koht kin momour oh uhdahn kehlail.” (Ipru 4:12) Paipel kin kesempwal pwehki e kin kasalehda sapwellimen Koht madamadau kan oh pepehm kan ong uhk. Paipel kin seweseiuk en alehda loalokong oh pil erpit mehlel oh koapworopwor. Me keieu kesempwal, Paipel kin seweseiuk en wiahla kompoakepahn Siohwa. Ni omw kin onopki Paipel ke pahn ahneki mour nsenamwahu.

2. Dahme kahrehda e kesempwal ken wehwehki uwen kesempwal en padahk mehlel nan Paipel?

Padahk mehlel kan nan Paipel kin rasehng kepwe kesempwal kan. Ihme kahrehda Paipel kin kangoangehkin kitail en ‘pwainda a kitail dehr netikihla’ mehlel. (Lepin Padahk 23:23) Ni atail kin medemedewe uwen kesempwal en padahk mehlel, kitail pahn nantihong pousehlahte onop​—mehnda ma kitail kin lelohng kahpwal kan.​—Wadek Lepin Padahk 2:4, 5.

3. Ia duwen Siohwa eh kak ketin seweseiuk ken pousehlahte onop?

Nin duwen Sounkapikpomw manaman oh Kompoakepahmw, Siohwa ketin kupwurki seweseiuk ken esehla ih. E kak ‘ketin kakehlakahda omw ineng en wia soahng koaros me e ketin kupwurki.’ (Wadek Pilipai 2:13.) Kahrehda, ma ke anahne mehkot en kamwakid uhk ken onop de kapwaiada dahme ke sukuhlki, e kak ketin seweseiuk. Ma ke anahne kehl en powehdi kahpwal akan de uhwong, e kak ketikihong uhk. Kaukaule kapakapkihong Siohwa en ketin seweseiuk ken pousehlahte onopki Paipel.​—1 Deselonika 5:17.

 KALAUDEHLA OMW ESE MET

4. Wiahki onop Paipel en keieu kesempwal ong uhk

Ekei pak kitail kin pehm me kitail nohn kedirepw oh sohte kak onop Paipel. Dahme kak sawas? Wadek Pilipai 1:10, oh mwuri koasoiapene peidek pwukat:

• Ia ekei soahng kan me “keieu kesempwal” nan mour?

• Ia duwen omw kak uhdahn kesempwalki onop Paipel?

1. Ma ke audehkihda pekid ehu pihk oh song kapatahiong takai, takai ko koaros sohte pahn itar loale

2. Ma ke kihdi mahs takai ko loale, e pahn mie wasa ke kak kihong pali laud en pihk ko. Duwehte met, ma ke wia mahs “dahme keieu kesempwal” nan omw mour, ke pahn kak kanekehla mepwukat oh e pahn mie ahnsou ong soahng teikan

Onop Paipel kin sewese kitail en esehla Koht oh kaudokiong. Wadek Madiu 5:3, oh mwuri koasoiapene peidek wet:

• Ia kamwahupen atail kin wiahki onop Paipel me keieu kesempwal?

 5. Pousehlahte ni omw lelohng uhwong

6. Likih me Siohwa pahn ketin seweseiuk

 DAHME KE SUKUHLKIER

Mendahki eh sohte kin mengei ahnsou koaros, onop Paipel kak seweseiuk ken pereperenki mour kohkohlahte. Pousehlahte likih Siohwa oh e pahn ketin katingihiuk.

Kousapahl

• Dahme kahrehda padahk mehlel kan nan Paipel kesempwal ong uhk?

• Ia duwen omw kak “pilada dahme keieu kesempwal”?

• Dahme kahrehda ke anahne peki rehn Siohwa en ketin seweseiuk ken pousehlahte onopki Paipel?