Retaʼmaxik chrij ri Biblia kjunamataj rukʼ jun viaje che sibʼalaj utz. Are kʼu sibʼalaj kʼax ubʼanik. Weneʼ jujun taq mul kachomaj we qas katkunik kabʼan ri etaʼmanik. ¿Jasche nim ubʼanik che kaya ta kan ukojik achuqʼabʼ? ¿Jas kattowik rech kaya ta kan retaʼmaxik chrij ri Biblia paneʼ kariq kʼax?

1. ¿Jasche utz che kaya ta kan retaʼmaxik chrij ri Biblia?

«Ri uTzij ri Dios kʼaslik xuqujeʼ kʼo ukuʼinem» (Hebreos 4:12). Ri Biblia are jun wuj che sibʼalaj nim ubʼanik rumal che kubʼij ri kuchomaj y ri kunaʼ ri Dios chawe. Xaq xiw ta katutoʼo rech knimar ri awetaʼmanik, xuqujeʼ katutoʼo rech utz kabʼan che uchaʼik ri jastaq pa ri akʼaslemal y rech kkʼojiʼ jun kubʼsal akʼuʼx. Ri más nim ubʼanik are che ri Biblia kubʼano che katux rachiʼl ri Jehová. Are chiʼ kasikʼij uwach tajin kayaʼo che kukʼex ri akʼaslemal.

2. ¿Jasche nim ubʼanik che nim kqil ri kqetaʼmaj pa ri Biblia?

Ronojel ri kukʼut ri Biblia kjunamataj rukʼ qʼinomal che paqal rajil. Rumal laʼ kubʼij waʼ chqe: «Chaloqʼoʼ ri qastzij, ri noʼj, ¡mebʼakʼayij kʼut!» (Proverbios 23:23). We nim kqil wi ri pixabʼ re ri Biblia kqakoj qachuqʼabʼ rech kqaya ta kan retaʼmaxik paneʼ kqariq kʼax (chasikʼij Proverbios 2:4, 5).

3. ¿Jas kubʼan ri Jehová che atoʼik rech kaya ta kan ri etaʼmanik?

Ri Jehová are ri Bʼanol re ronojel che kʼo nim uchuqʼabʼ y are awachiʼl, qas retaʼm awach y kraj che kawetaʼmaj más chrij areʼ. Ri Dios kuya pa ri awanimaʼ «ri urayixik ubʼanik ri kqaj chuwach» (chasikʼij Filipenses 2:13). Ri Dios katutoʼo are chiʼ kajwataj tobʼanik chawe rech kawetaʼmaj más chrij. Y, we kajwataj achuqʼabʼ are chiʼ kariq jujun kʼax, ri areʼ katutoʼo. Rech kawetaʼmaj más chrij ri Biblia kaya ta kan ubʼanik achʼawem che ri Jehová (1 Tesalonicenses 5:17).

 CHANIMARISAJ RI AWETAʼMANIK

4. Sibʼalaj nim ubʼanik che kawetaʼmaj chrij ri Biblia

Jujun taq mul sibʼalaj latzʼ qawach che kojkun taj kqasikʼij ri Biblia. ¿Jas rajawaxik kqabʼano? Chisikʼij Filipenses 1:10 y chixtzijon chrij wariʼ:

• ¿Jas kachomaj at, jas jastaq riʼ ri más nim ubʼanik?

• ¿Jas rajawaxik kabʼano rech are más nim kawil ri etaʼmanik chrij ri Biblia?

1. We nabʼe kaya sanyabʼ pa jun kʼolbʼal y tekʼuriʼ kanim abʼaj chupam kubʼanaʼ taj.

2. Are kʼu, we nabʼe kanim abʼaj chupam, weneʼ kuchʼij ronojel ri sanyabʼ. Junam rukʼ, we are nabʼe kabʼan ri jastaq che más nim upatan, katkun riʼ kabʼano y kkanaj na atiempo che ubʼanik nikʼaj chi jastaq.

Retaʼmaxik chrij ri Biblia kubʼano che kqachʼobʼo che kajwataj ri Dios chqe y kqaqʼijilaj. Chisikʼij Mateo 5:3 y chixtzijon chrij wariʼ:

• We sibʼalaj nim kqil ri etaʼmanik chrij ri Biblia, ¿jas utzilal riʼ kqariqo?

 5. Kaya ta kan retaʼmaxik chrij ri Biblia paneʼ kʼo winaq utz ta kkilo

6. Chakubʼsaj akʼuʼx che ri Jehová katutoʼo

 RI XQETAʼMAJ

Weneʼ jujun taq mul kʼax kabʼan che retaʼmaxik ri kubʼij ri Biblia, are kʼu katutoʼo rech kariq kikotemal pa ri akʼaslemal. We kakubʼsaj akʼuʼx chrij ri Jehová, ri areʼ kutewchij ri chuqʼabʼ che kakojo.

¿La knaʼtaj chawe?

• ¿Jasche nim kawil ri kʼo pa ri Biblia?

• Are chiʼ kawetaʼmaj ri jastaq che más nim kibʼanik, ¿jas rajawaxik kabʼano?

• ¿Jasche rajawaxik kataʼ ri utobʼanik ri Jehová rech kaya ta kan retaʼmaxik chrij ri Biblia?