Bibliada estudianaga ashcadami ayudan. Pero, huaquinbiga na jahuallallu gan. Chaimunda ¿Bibliada estudiash cati pudishallu? nishllari tapuringui. ¿Imamundadi esforzarina gangui? Estudiangabu problemagunada charishash ¿imadi aguantash catillun ayudanga?

1. ¿Imamundadi Bibliada estudianaga importante gan?

“Taita Diosbu palabraga causajmi gan, ashca podertami charin” (Hebreos 4:12). Bibliaga shuj valishca libromi gan, chaibimi Dios canmunda ima yuyashcada, imashina sintirishcada huillan. Na solo ashtaun yachangabu sirvin, más bien alli decisiongunada agllangabu, shamuj funchagunabu alaja esperanzada charingabumi ayudan. Pero tucuimunda yalliga, Bibliami Diosbu amigo tucullun ayudan. Bibliada estudiashmi contento alli causai pudingui.

2. ¿Biblia yachachishcaguna valishca gashcada yachanaga, imamundadi importante gan?

Biblia yachachishcagunaga oro shina valishcami gan. Chaimundami Biblialladi cashna nin: “Verdadta rrandish ama cutindi jatuillu” (Proverbios 23:23). Biblia yachachishcaguna valishca gashcada intindishaga, jarcaigunada charishash estudiash catingabumi esforzarishun (Proverbios 2:4, 5-da liyi).

3. ¿Can estudiash catillunga, Jehová Diosga imashinadi ayudanga?

Tucui poderta charij Jehová Diosga ñucunchi amigomi gan, ñucunchigunadaga allimi rrijsin. Paimunda ashtaun yachallunmi ayudasha nin. Ñucunchigunamunga Taita Diosmi “alli rrurrana munaida cun, shinalladi fajtachingabu fuerzadashmi cun” (Filipenses 2:13-da liyi). Shinaga Bibliada estudiana munaida charillun o estudiashcada fajtachillunmi paiga ayudanga. Shinalladi, jarcaigunada aguantallunmi más fuerzada cush ayudanga. Bibliada estudiash catingabuga Jehová Diosda mañai (1 Tesalonicenses 5:17).

 CAI TEMAMUNDA MÁS YACHASHUNCHI

4. Canbu causaibi Bibliada estudiana importante gashcada rricui

Huaquinbiga ashca cosasgunada rrurrana gashcamundami Bibliada estudiangabuga tiempoda na charinchi. ¿Imadadi rrurrai pudingui? Filipenses 1:10-da liyish, chaimunda parrlaichi:

• Imada yuyangui, ¿ima cosasgunadi ashtaun importante gan?

• Bibliada estudianada punta lugarbi churangabuga, ¿imadadi rrurrai pudingui?

1. Shuj baldebi yujzida jundachish rrumida saquisha nijpiga na yaicunllu.

2. Pero, baldebi punta rrumigunada satijpiga casi cabul yujzimi yaicunga. Shinalladi ñucunchi causaibi “importante cosasgunada” punta lugarbi churajpiga cutishuj cosasgunada rrurrangabu suficiente tiempoda charishun.

Bibliada estudianami alli sintiringabu, Diosda rrijsingabu, y paida adorangabu ayudan. Mateo 5:3-da liyish, chaimunda parrlaichi:

• Bibliada estudianada punta lugarbi churashaga, ¿imashinadi beneficiarishun?

 5. Cutishujguna jarcajpish ñaupujmun cati

6. Jehová Dios ayudanabi confiai

 RESUMEN

Bibliada estudiana na fácil gajpish, para siempre feliz causallunmi ayudanga. Jehová Diosbi confiash catijpiga, paimi bendicianga.

Repaso

• ¿Bibliada yachachishcagunadaga imamundadi valorangui?

• “Ima más importante gashcada” rricushca jipaga ¿imadadi rrurrana gangui?

• Bibliada estudiash catingabuga, ¿imamundadi Jehová Diosbu ayudada mañana gangui?