12 YACHACHIKUY
Amapuni saqeychu Biblia estudiaytaqa
Bibliata estudiayqa ancha allinpunin. Ichaqa yaqapaschá wakin runakunapaqqa sasa kanman Bibliata estudiay. ¿Imaraykun mana saqenaykichu Biblia estudiayta? ¿Iman yanapasunkiman sasachakuykunapiña tarikuspapas Bibliata estudiashanallaykipaq?
1. ¿Imaraykun Bibliata estudiananchis?
Bibliapin nishan: “Diospa siminqa kausashaqmi, atiyniyoqtaqmi kanpas”, nispa (Hebreos 4:12). Bibliaqa ancha allin libron. Chaypin willashan Jehová Diospa imayna piensasqanmanta, may tukuyta munakuwasqanchismanta, Diospa munay promesankunamantapas. Bibliata estudiayqa yanapasunkin allin yuyaywan imatapas ruwanaykipaq, Jehová Diospa amigon kanaykipaq, aswan kusisqa kausanaykipaq ima.
2. ¿Imaraykun Bibliaq yachachisqanta valorananchis?
Bibliaq yachachisqanqa qorimantapas aswan valorniyoqmi. Chaymi Bibliapas nin: “Cheqaq kaqta rantiy, amataq jayk’aqpas chayta vendeychu”, nispa (Proverbios 23:23). Sichus Bibliaq yachachisqanta ancha valorniyoqpaq qhawarisunchis chayqa, ima sasachakuykunapiña tarikuspapas manan Biblia estudiaytaqa saqesunchu (leey Proverbios 2:4, 5).
3. ¿Imaynatan Jehová Dios yanapasunki?
Jehová Diosqa tukuy atiyniyoq Diosmi. Payqa amigoykin, allintataqmi reqsisunkipas. Chaymantapas Jehová Diosqa payta astawan reqsinaykitan munan, chaymi kallpachasunki “ima ruwayta munanaykipaqpas, payllataqmi atiytapas qosunki chayta ruwanaykipaq” (leey Filipenses 2:13). Paymi yanapasunki Biblia estudiayta ama saqenaykipaq. Sasachakuykunapiña tarikuqtiykipas, jujkunaña contraykipi jatariqtinpas Diosqa liston kashanqa yanapanasuykipaq. Chhaynaqa Jehová Diospa yanapayninta mañakuy Biblia estudiayta ama saqenaykipaq (1 Tesalonicenses 5:17).
ASTAWAN YACHASUNCHIS
Yaqapaschá wakin runakuna mana munankuchu Bibliata estudianaykita, manapaschá tiempoykipas kanchu Bibliata estudianaykipaq. Chhaynapi tarikushanki chayqa, ¿imatan ruwawaq? ¿Imaynatan Jehová Diospas yanapasunkiman? Chaykunamanta kunan yachasunchis.
4. Bibliata estudiaytan ñaupaqman churanayki
Mayninpiqa imaymana ruwanayoq kaspan mana tiempota aypachikusunmanchu Bibliata estudianapaq. ¿Imatan ruwasunman chhaynapi tarikuspa? Leeychis Filipenses 1:10 textota, jinaspa jamuq tapuykunaman jina parlaychis:
-
¿Imakunan qanpaq “aswan allin kaqkuna” kanman?
-
¿Imatan ruwawaq Biblia estudiayta ñaupaqman churanaykipaq?
-
Sichus aqota juj vasoman ñaupaqta churanki chayqa, manan rumikunaqa jaykuyta atinqañachu.
-
Sichus ñaupaqta rumita vasoman churanki chayqa, aqoqa facil-llatan jaykunqa. Chhaynatan noqanchispas “aswan allin kaqkunata” ñaupaqta ruwananchis.
Lliu runapas Diosta reqsispallan kusisqa kausaytaqa atisunman, chaypaqmi Biblia estudiay yanapawasun. Leeychis Mateo 5:3 textota, jinaspa jamuq tapuyman jina parlariychis:
-
¿Imaynatan kausasunchis Biblia estudiayta ñaupaqman churaspa?
5. Jujkunaña jark’asunkiku chaypas estudiashallay Bibliata
Wakinqa yaqapaschá nisunkiku Bibliata amaña estudianaykipaq. Yachasun Franciscomanta. VIDEOTA qhawaychis, jinaspa jamuq tapuykunaman jina parlariychis:
-
¿Imatan ruwarqanku Franciscoq familianpas amigonkunapas Bibliata estudiashasqanta yachaspa?
-
¿Allinchu karqan Francisco mana pisipaspa Bibliata estudiasqan?
Leeychis 2 Timoteo 2:24, 25 textota, jinaspa jamuq tapuykunaman jina parlariychis:
-
¿Imaninkun familiaykipas amigoykikunapas Bibliata estudiasqaykimanta?
-
Bibliaq nisqan jina, ¿imatan ruwanayki Biblia estudianaykita mana munaqtinku? ¿Imarayku?
6. Jehová Diospa yanapayninpi confiay
Jehová Diosta astawan reqsispaqa astawanmi payta kusichiyta munanki. Ichaqa yaqapaschá mayninpiqa sasapaq qhawarinki Jehová Diospa kamachikuyninkunaman jina kausayta. Sasaña kaqtinpas kallpachakushallay, ama pisipaychu, Jehová Diosmi yanapasunki cambianaykipaq. VIDEOTA qhawaychis, jinaspa jamuq tapuykunaman jina parlariychis:
-
¿Ima ruwaykunatan Jim saqepurqan Jehová Diospa munayninman jina kausananpaq?
-
¿Imata ruwasqanmi astawan kallpachasunki?
Leeychis Hebreos 11:6 textota, jinaspa jamuq tapuykunaman jina parlariychis:
-
¿Imatan Jehová Dios qonqa “payta tukuy sonqowan maskhaq” runakunaman?
-
¿Imaynan Jehová Dios kashanman Bibliata estudianaykipaq kallpachakusqaykita rikuspa?
YAQAPASCHÁ PIPAS TAPUSUNKIMAN: “¿Imapaqtaq Bibliatari estudiashanki?”, nispa.
-
¿Imaniwaqmi pipas chhaynata tapusuqtiyki?
IMATAN YACHAMURQANCHIS
Bibliata estudiaymi yanapasunki wiñaypaq kusisqa kausanaykipaq, chayrayku amapuni Biblia estudiayta saqeychu. Chaymantapas Jehová Diospi confiashallay, payqa yanapasunkipunin.
Yuyarisun
-
¿Imaraykun Bibliaq yachachisqanta ancha allinpaq qhawarinanchis?
-
¿Imatan ruwanayki “aswan allin kaqkunata” ñaupaqman churanaykipaq?
-
¿Imaraykun Jehová Diospa yanapayninta mañakunayki?
ASTAWAN YACHANAYKIPAQ
Kaypin yachanki ima tawa ruwaykunas yanapawasunman tiemponchista ama usuchinanchispaq chayta.
¿Imakunatan ruwawaq tiempoykita mana usuchinaykipaq? (¡Rijch’ariy!, 2014 watapi marzo killa)
Juj señoran karqan Diospi mana iñiq qosayoq, ¿imaynatan Jehová Dios chay señorata yanaparqan? Chaymantan kay videopi yachanki.
Juj wiraqochan manapuni munarqanchu Jehová Diosmanta yachayta, ichaqa señoranmi payta yanaparqan. Chaymantan kay videopi yachanki.
Manan creerqanichu Jehová Diospa testigonkunaq yachachisqanta (6:30)
Wakin runakunan ninku: “Jehová Diospa testigonkunaqa familiakunatan t’aqanachinku”, nispa. ¿Cheqaqchu chay nisqanku kanman?
¿Cheqachu Jehová Diospa testigonkuna familiakunata t’aqanachinku? (jw.org paginapi leey)
Astawan yachanaykipaq
SAPA KUTILLA TAPUKUSQANKU
¿Imaynatan Jehová Diospa testigonkuna Bibliamanta yachachinku?
Jehová Diospa testigonkunawan Bibliata estudiaspaqa, munasqayki Bibliawanmi estudiawaq. Chaymantapas llapa familiaykita amigoykikunata iman invitawaq. Chayqa manan qolqepaqchu.
