LECCIÓN 12
Bibliamanda yachajushpa catichunga ¿imata ayudanga?
Bibliamanda yachajunaca ninandami ayudan. Shinapash Bibliata estudianaca huaquinbica shinllimi ricurita ushan. Chaimi ¿estudiashpa catita ushashacha? nishpa tal vez pensaripashcangui. Shinapash caipi pensaripai: ¿imamandata Bibliamanda yachajushpa catingapaj esforzarinaca ali can? Jarcaicunata charishpapash Bibliata yachajushpa catichunga ¿imata ayudanga?
1. Bibliata estudianaca ¿imamandata ali can?
“Taita Diospa shimica causajmi can. Ashtaca podertami charin” (Hebreos 4:12). Bibliaca Taita Diospa yuyaicunatami yachachin. Shinallata Jehová Dios quiquinmanda imata pensajtapashmi yachachin. Chaimandami alipacha can. Bibliaca ali yachajushca cachun, esperanzata charichunbashmi ayudan. Ashtahuanbachaca Jehovapa amigo tucuchunmi ayudan. Bibliapa nishcacunata yachajushpaca quiquinba causaipi cushilla, ali cachunbashmi ayudanga.
2. Bibliapa yachachishcacunataca ¿imashpata ninanda valichina capanchi?
Bibliapa yachachishcacunaca ninan valishca oroshnami can. Chaimandami Bibliapica “ali yuyaita yachachishcatapash randishpaca, ama cutinga jatunguichu” nishpa consejan (Proverbios 23:23). Bibliapa nishcacunata ninanda valichishpaca, jarcaicuna ricurijpipash Bibliamanda yachajushpa catingapami esforzaripashun (Proverbios 2:4, 5, liipangui).
3. Yachajushpa catichunga ¿imashinata Jehová Diosca ayudanga?
Jehová Diosca ñucanchita ruraj, ñucanchi amigopashmi can. Chaimandami quiquindaca ali ali rijsin. Paica paimanda ashtahuan yachajuchunmi munan. Chaipaca Jehová Diosllatami Bibliata yachajuna ‘munaita charichun y chaita pactachichunbash fuerzata cushpa’ ayudan (Filipenses 2:13, liipangui). Shinaca Bibliamanda yachajuna munaita charichun, yachajushcata quiquinba causaipi pactachi ushachunga Jehová Diosllatami ayudanga. Shinallata jarcaicunata mishachunbashmi fuerzata cushpa ayudanga. Chaipaca Bibliata estudiashpa catingapaj ayudahuai nishpami Jehová Diostaca mañana capangui (1 Tesalonicenses 5:17).
ASHTAHUAN YACHAJUPASHUNCHI
Cunanga Bibliata estudiangapaj tiempota na charijpi o ama estudiashpa catichun shujcuna jarcajpipash imata ruranatami ricugripanchi. Shinallata Bibliamanda yachajushpa catichun imashina Jehová Dios ayudajtapashmi ricugripanchi.
4. Bibliamanda yachajunami ashtahuan importante cana can
Huaquinbica yapa ocupado caimandaca Bibliata estudiangapaj tiempo illanshnami ricurin. Shinapash Bibliata estudiai ushangapaca ¿imatata rurai ushapangui? Filipenses 1:10ta liishpa, cai tapuicunata contestapangui:
-
Quiquinba yuyaipica ¿ima cosascunata ‘ashtahuan importante can’?
-
Bibliamanda yachajuna ashtahuan importante cachunga ¿imatata rurana capangui?
-
Shuj baldepi arenahuan, rumicunahuanbash jundachingapaj munashpaca arenatara primero churajpica rumicunaca na yaicunllu
-
Pero rumicunatara primero churashpaca casi gulpi arenapashmi yaicun. Shina cuendami “ima ashtahuan importante cashcata” primero rurashpaca shuj cosascunatapash rurangapaj tiempota charipanguimi
Bibliamanda yachajunami Taita Diosta rijsichun, paita adorachunbashmi ayudan. Mateo 5:3ta liishpa, cai tapuita contestapangui:
-
Bibliata estudiangapaj esforzarishpaca ¿imashinashi beneficiarishun?
5. Shujcuna jarcajpipash Bibliamanda yachajushpa catipai
Huaquingunaca Bibliata ama estudiashpa catichunmi imacunatapash nishpa desanimachingapaj munanga. Cunanga Franciscopa ejemplota ricupashunchi. VIDEOTA ricushpa, cai tapuicunata contestapangui:
-
Videopi ricushcashnaca, Francisco Bibliata estudiajujta uyashpaca ¿imatata paipa familiacuna, amigocunapash rurarca?
-
Bibliata estudiaimandaca ¿ima bendiciongunatallata Franciscoca chasquirca?
2 Timoteo 2:24 y 25ta liishpa, cai tapuicunata contestapangui:
-
Bibliata estudiajujta uyashpaca ¿imatata quiquinba familiacuna, amigocunapash nishca?
-
Pipash ‘Bibliata ama estudiashpa catichu’ nijpica ¿imatata cai versocunapi nishcashnaca rurana capangui? ¿Imamandata shina ruragripangui?
6. Jehová Dios ayudanapi tucui shunguhuan confiapai
Jehová Diospa ali amigo tucushpaca paita ashtahuan cushichingapami munapashun. Shinapash cambiocunata rurashpa Jehová Dios munashcashna causanaca huaquinbica shinllimi caita ushan. Pero shinlli cajpipash ama desanimaripaichu. Jehová Diosmi quiquindaca ayudanga. VIDEOTA ricushpa, cai tapuicunata contestapangui:
-
Cai videopi ricushcashnaca, Jehová Dios munashcashna causangapaca ¿ima cambiocunatallata Jim huauquica rurana tucurca?
-
Cai ejemplomandaca ¿imatata ashtahuan gushtaparcangui?
Hebreos 11:6ta liishpa, cai tapuicunata contestapangui:
-
Jehová Diosca ¿imatashi “paita mascashpa causajcunamandaca” ruranga?
-
Bibliata estudiashpa catingapaj esforzarijujta ricushpaca ¿imashinashi Jehová Diosca sintirin?
HUAQUINGUNACA, “¿Imamandata Bibliata estudiajungui?” nishpami tapuchita ushan.
-
Shina tapuchijpica ¿imashinata contestapanguiman?
YARINGAPAJ
Shinlli cajpipash Bibliata estudiashpa catijpica para siempre cushilla causachunmi ayudanga. Chaipaca Jehovapi tucui shunguhuan confiashpa catipai. Chaimi paica bendicianga.
¿Imatata yachajupashcanchi?
-
Bibliapa yachachishcacunaca ¿imamandata quiquinbaca valishcapacha can?
-
Imacunalla “ashtahuan importante cashcata” ricushca jipaca ¿imatata rurana capangui?
-
Bibliata estudiashpa catingapaca ¿imamandata Jehovata ayudahuai nishpa mañana capangui?
CAITAPASH RICUPAI
Tiempota aliguta aprovechangapaj imata huaquinguna rurashcata ricupai.
“Tiempota ali utilizapashunchi” (Rijcharipaichi revista, febrero de 2014)
Jehovata sirvingapaj cusa na apoyajpipash shuj huarmiguta imashina Jehová Dios ayudashcata ricupai.
Jehová Diosta sirvingapaj huarmigu esforzarijta ricushpa imashina shuj jarigu beneficiarishcata ricupai.
Testigo de Jehovacunaca familiacuna partirichunmi imacunatapash ruran nishpami huaquingunaca nishca. Shinapash ¿chaica ciertochu can?
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
