Rahi nō te hauhaꞌa mo ravaꞌa ōꞌou mo hāpī mo oho i te Pipiria nō atu te aŋa rahi. Koiꞌite, he tuꞌu te mahana he manaꞌu koe mo haka rē te hāpī te oho i te Pipiria, mo ai pē ira, ¿ꞌo te aha ana hāpī ana oho nō, nō atu te ꞌati ꞌe te kuꞌi-kuꞌi mo piri atu? ¿He aha te meꞌe ka hāꞌūꞌū atu ena mo taꞌe haka rē ōꞌou te hāpī i te Pipiria?

1. ¿ꞌO te aha he meꞌe hauhaꞌa mo hāpī mo oho i te Pipiria?

“Te vānaŋa o te ꞌAtua vānaŋa ora ꞌe vānaŋa pūai” (ꞌEvereo 4:12). ꞌI te meꞌe era ꞌi ruŋa i te Pipiria te ꞌAtua e haka aŋi-aŋi mai ena i tōꞌona manaꞌu ꞌe te meꞌe e ŋaroꞌa ena o ruŋa i a koe, he riva tātou mo kī, te puka nei he ꞌono taoꞌa e tahi. Te Pipiria he hāꞌūꞌū atu mo maꞌa tuꞌu ꞌite mo haka tere riva-riva ōꞌou ꞌe mo ravaꞌa i te hauhaꞌa riva-riva pe muꞌa ka oho ena. ꞌE te meꞌe ꞌata hauhaꞌa mo ravaꞌa ōꞌou, he riro he repahoa o Iehoha. Ka hāpī ka oho ena koe i te Pipiria he riva-riva he oho tuꞌu huru haka tere.

2. ¿ꞌO te aha koe ana uꞌi i te roŋo o te Pipiria pa he meꞌe hauhaꞌa mau ꞌā?

Te parautiꞌa e ravaꞌa ena e koe ꞌi ruŋa i te Pipiria pa he ꞌono taoꞌa nui-nui e tahi. ꞌO ira te Pipiria e kī ena: “Ka kimi koe i te parautiꞌa ꞌe e uꞌi o hoꞌo rō ki te rua” (Proverbios 23:23). Mo haka topa tuꞌu manaꞌu o ruŋa i te hauhaꞌa o te meꞌe e hāpī ena e te Pipiria, e ko haka rē koe te hāpī te oho, nō atu te ꞌati mo piri atu (ka taiꞌo Proverbios 2:4, 5).

3. ¿He aha te meꞌe ka aŋa ena e Iehoha mo hāpī mo oho nō koe?

ꞌI te meꞌe era ko Iehoha te ꞌAtua Mana Pūai ꞌe ꞌāꞌana i aŋa i te meꞌe taꞌatoꞌa ꞌe pē ira ꞌā he repahoa ōꞌou, ko haŋa ꞌā mo hāꞌūꞌū atu mo ꞌata ꞌite ōꞌou o ruŋa i a ia. Te ꞌAtua ko haŋa ꞌā mo vaꞌai atu “i te haŋa mo haꞌatura ki a ia ꞌe [. . .] i te pūai mo aŋa” i tāꞌana meꞌe haŋa (ka taiꞌo Fīripo 2:13). ꞌI te hora e taꞌe haŋa rahi ena a koe mo hāpī i te Pipiria ꞌo mo aŋa i te meꞌe kī atu era e ia, māꞌana e hāꞌūꞌū atu. ꞌE mo kī atu e te taŋata mo taꞌe hāpī ōꞌou i te Pipiria ꞌo mo piri atu o te ꞌati, koiꞌite he kore tuꞌu haŋu mo hāpī, mo ai pē ira, mā Iehoha e hāꞌūꞌū atu. ꞌIna koe ko haka rē te no-noꞌi te oho ki a Iehoha mo hāpī mo oho i te Pipiria (1 Tētārōnika 5:17).

 MO MAꞌA TUꞌU ꞌITE

4. Ka uꞌi te hāpī o te Pipiria he meꞌe raꞌe ꞌāꞌau mo aŋa

E ai rō ꞌā te mahana ꞌi te rahi o te aŋa mo aŋa he manaꞌu tātou e ko ravaꞌa i te hora mo hāpī i te Pipiria, ¿he aha te meꞌe mo aŋa mo ai pē ira? Ka taiꞌo Fīripo 1:10 (TNM) ꞌe ꞌai ka vānaŋa rō kōrua o ruŋa i te ŋā meꞌe nei:

• ¿Ki tuꞌu manaꞌu “ko meꞌe hē te meꞌe ꞌata nui-nui” mo aŋa o tātou?

• ¿He aha taꞌa meꞌe mo aŋa mo riro te hāpī i te Pipiria he meꞌe raꞌe ꞌe nui-nui ꞌāꞌau mo aŋa?

1. Mo haꞌaꞌī koe i te ꞌone he raꞌe ki roto i te poko-poko e tahi ꞌai ka popo te māꞌea e ko oꞌo te māꞌea ki roto.

2. ꞌE mo popo koe he raꞌe i te māꞌea ꞌai ka haꞌaꞌī iho te ꞌone, e oꞌo nō te rahi o te ꞌone ki roto i te poko-poko. Pē ira ꞌā, mo aŋa ōꞌou he raꞌe i “te meꞌe ꞌata nui-nui ki te mata o te ꞌAtua”, he riva koe mo aŋa i rā ŋā meꞌe ꞌe he topa tuꞌu hora mo aŋa i tētahi meꞌe.

E ko riva te taŋata mo koa mau mo ai e haꞌataꞌa rō ꞌā mai muri i te ꞌAtua ꞌe mo ai ꞌina he haꞌamuri ki a ia, ꞌo te ai pē ira te ꞌAtua i aŋa ai i a tātou. ꞌO ira mo hāhine ꞌe mo haꞌamuri ki a ia e hāpī i te Pipiria. Ka taiꞌo Māteo 5:3 (TNM) ꞌe ꞌai ka vānaŋa rō kōrua o ruŋa i te meꞌe nei:

• ¿He aha te hauhaꞌa ka ravaꞌa ena mo riro te hāpī i te Pipiria he meꞌe raꞌe mo tātou?

 5. Ka hāpī ka oho nō i te Pipiria nō atu te taꞌe haŋa o te rua mo hāpī ōꞌou

6. Ka no-noꞌi ki a Iehoha mo hāꞌūꞌū atu

 TE MEꞌE MO AŊI-AŊI O RUŊA I TE HĀPĪ NEI

Nō atu e tuꞌu rō ꞌā te mahana e aŋa rahi rō ꞌā mo hāpī i te Pipiria, mo hāpī mo oho nō, he koa koe ki te hopeꞌa raꞌa. Mo haka rē mo hāꞌūꞌū atu e Iehoha, he ravaꞌa hauhaꞌa koe mai i a ia.

Mo taꞌe rehu

• ¿ꞌO te aha he meꞌe nui-nui mo ōꞌou te meꞌe e hāpī ena e te Pipiria?

• E ꞌite ena koe ꞌi te hora nei he aha “te meꞌe ꞌata nui-nui ki te mata o te ꞌAtua”, ¿he aha taꞌa meꞌe mo aŋa?

• ¿ꞌO te aha ana no-noꞌi ki a Iehoha mo hāꞌūꞌū atu mo hāpī mo oho nō koe i te Pipiria?