LEKCIJA 12
Ma preačh te sikhľol la Biblijatar!
O čačipena la Biblijatar tuke andro dživipen dena igen but! Aľe džanas, hoj varekana hin phares dureder te sikhľol. The tuke šaj avel pre goďi či na uľahas feder te mukhel o študijum. Soske našťi domukhes, kaj te našaves oda, so sikhľos la Biblijatar? So tuke pomožinela te na vzdel pes, choč (he te) vareko kamela, kaj te preačhes?
1) Ma našav, so hin igen baro!
„O lav le Devleskero hino džido, zoralo.“ (Hebrejom 4:12) Oda, so sikhľos la Biblijatar hin vašoda ajso baro, bo latar sprindžares, sar rozmišľinel o Jehovas, savo hino a sar dikhel pre tute. Tiš tut la Biblijatar dodžaneha, so hin čačipen. Aveha goďaveder a sprindžareha, savo lačho dživipen hin angle tute. Oda nekbareder hin, hoj o Jehovas tut rado dikhela. La Biblija hin zor te prekerel tiro dživipen ko feder!
2) Soske nane ňič bareder sar oda, hoj prindžaras čačipen?
Ňič pro svetos na mol ajci love, sar o čačipena la Biblijatar. Vašoda amenge e Biblija phenel: „Cin tuke o čačipen a ňigda les ma biken.“ (Príslovia 23:23) Te tuke ala lava ena furt andro jilo, kereha sa, kaj te na preačhes te sikhľol, he te (choč) šaj aven o pharipena. (Pregen Príslovia 2:4, 5)
3) Sar tuke o Jehovas podel o vast?
O Jehovas sar Nekbareder Del, so tut rado dikhel, kamel, kaj pal leste dureder te sikhľos. Ov tuke dela „kaj te [kames] te kerel oda, so ov kamel a dela [tuke] pre koda the zor.“ (Pregen Filipanom 2:13) Varekana šaj el, hoj pes tuke na kamela dureder te sikhľol a te dživel pal ada. Aľe o Jehovas tuke oleha pomožinela. Dela tuke zor, kaj tut te na vzdes, he te (choč) pre tute ispidena a džana pre tute. Mang le Jehovas, kaj tuke pomožinel dureder te sikhľol. (1. Tesaloničanom 5:17)
DODŽAN TUT BUTER
Sar te sikhľol dureder, choč (he te) hin pre tute but abo pre tute ispiden, kaj te preačhes? Dikheha, sar tuke o Jehovas oleha pomožinela.
4) Pro savo than thoves tiro študijum?
Varekana hin amen ajci pro šero, hoj amen nane kana te phuterel e Biblija. So oleha? Pregen Filipanom 1:10 a paľis vakeren jekhetane:
-
So dikhes, hoj čačes kampel te kerel andro dživipen?
-
A o študijum hin tuke tiš pre kada than?
-
Te andre braďi (vedro) čhives peršo poši, o bara odoj imar na rešľona
-
Te deha peršo bara, ačhela tuke than the pre poši. Kavka isto, te deha pro peršo than oda, „so čačes kampel te kerel“, ačhela tuke o časos the pre varesoste aver
Te geneha e Biblija, aveha pre oda, hoj furt tuke kampel le Devles. Kameha les mek buter te sprindžarel a te sikavel leske tiro kamiben the paťiv. Pregen Matúš 5:3 a paľis vakeren jekhetane:
-
So hin amen olestar, hoj furt genas e Biblija?
5) Džan pre tute? Ma vzde tut!
Ačhiľa pes tuke, hoj tut vareko kerďa upre, kaj te preačhes te sikhľol? Dikh, so zadžiďiľa o Frančesko. Mukh o VIDEJO a paľis vakeren jekhetane.
-
O Frančesko vakerelas la daha the olenca, kaha phirelas pal oda, so sikhľol. So on pre oda?
-
So lačho chudňa vašoda, hoj pes na vzdiňa?
Pregen 2. Timotejovi 2:24, 25 a paľis vakeren jekhetane:
-
So tuha šaj keren tire vašoda, hoj sikhľos?
-
Vareko na ela rado, hoj sikhľos. Savo kames ke lende te el, avka sar pes pisinel andre ola teksti? Soske?
6) Paťa le Jehovaske, hoj ela tuha
Te buter rado dikhaha le Jehovas, na keraha amenge šero le manušendar. Kamaha te el lačhe andre le Jehovaskere jakha. Te kavka rado dikheha le Jehovas, na vzdeha tut. Varekana šaj el phares te dživel avka sar kamel o Jehovas, aľe o Jehovas ela tuha! Mukh o VIDEJO a paľis vakeren jekhetane.
-
So musaj o phral te prikerel, kaj les o Jehovas rado te dikhel?
-
So tuke iľal olestar, so zadžiďiľa o phral?
Pregen Hebrejom 11:6 a paľis vakeren jekhetane:
-
So o Jehovas kerela predal ola, so les kamen „čačes te rodel“? Oda hin, buter les te sprindžarel a te kerel leske radišagos andro jilo.
-
So phenes, sar ela le Jehovaske, te dikhela, hoj kames dureder pal leste te sikhľol?
VAREKO ŠAJ PHUČEL: „Soske tut diňal andre kada?“
-
So bi pre ada phenehas?
SO SIKHĽIĽAM
Na ela furt lokes. Aľe ma vzde tut a sikhľuv dureder! Paľis zadživeha nekfeder dživipen akanastar pro furt. Savoro de andro vasta le Jehovaskere a chudeha lestar baro lačhipen.
So bi phenehas
-
Soske hin predal tute kajso baro, hoj prindžares o čačipen la Biblijatar?
-
Sar džaneha, so te del pro peršo than andro dživipen?
-
Soske kames te mangel le Jehovas, kaj tuke te pomožinel dureder te sikhľol?
DIKH TUKE BUTER
Pregen tuke, sar šaj keres tire časoha goďaverones.
„Ako využívať svoj čas múdro?“ (Prebuďte sa! z februára 2014)
Jekha romňakero rom na kamelas, kaj oj te sikhľol. Dikh, sar lake o Jehovas oleha pomožinďa.
Dikh, sar pomožinďa jekhe muršeske, hoj leskeri romňi na mukhľa le Jehovas.
Čačes le Jehovaskere svedki rozmaren o fameľiji? Pregen tuke, so hin čačipen.
„Rozbíjajú Jehovovi svedkovia rodiny?“ (arakheha pro jw.org)
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
