LEKCIJA 12
So ka pomožinel tuke te na čhinave te proučine i Biblija?
But tano korisno te proučine i Biblija. Ama, adava šaj nane te ovel tuke sekogaš lokho te kere. Ponekogaš šaj ka puče tut: „Dali šaj te prodolžinav te proučinav i Biblija?“ Soske vredinela ponadari da te trudine tut te proučine i Biblija? So ka pomožinel tuke te istrajne čak keda tuke pharo?
1. Soske vredinela te proučine i Biblija?
„E Devleskoro Lafi tano dživdo hem silno“ (Evreite 4:12). I Biblija tani but skapoceno adaleske so sikavela so osetinela hem so mislinela o Devel baši tuke. Oj na samo so pomožinela tuke te sikljove but bukja bašo Devel, nego isto agjaar dela tut čačutni mudrost hem nadež. Ama soj panda považno, i Biblija pomožinela tuke te ove e Jehovaskoro amal. Keda proučinea i Biblija, tu mukhea oj te vlijajnel upri tute hem te kerel tlo životo pošukar.
2. Soske tano važno te haljove kobor tano vredno o čačipe tari Biblija?
O čačipa tari Biblija tane sar skapoceno barvalipe. Adaleske i Biblija ohrabrinela amen te kina o čačipe hem nikogaš te na bikina le (Izreki 23:23). Ako haljovaja kobor tane vredna o čačipa tari Biblija, ka trudina amen ponadari da te proučina la, čak keda ka pojavinen pe amenge nesave predizvikija. (Čitin Izreki 2:4, 5.)
3. Sar šaj te pomožinel tuke o Jehova ponadari da te proučine?
Sar semokjno Stvoriteli hem tlo amal, o Jehova džanela tut najšukar hem mangela te pomožinel tuke te sikljove baši leste. Ov šaj te del tut „sila“ te proučine leskoro Lafi. (Čitin Filipjanite 4:13.) Adaleske, ako ponekogaš šaj nane te ovel tut volja te proučine ili ka ovel tuke pharo te primenine adava so sikljovea, o Jehova ka pomožinel tuke. Isto agjaar, ov šaj te del tut pobari sila te nakhave o predizvikija ili o protivibe. Redovno molin e Jehova te pomožinel tuke ponadari da te proučine i Biblija (1. Solunjanite 5:17).
DOZNAJN POVIŠE
Sikljov sar šaj ponadari da te proučine i Biblija čak keda sian but zafatimo ili keda o javera protivinena pe tuke. Palo adava, dikh sar o Jehova ka pomožinel tuke te istrajne.
4. Sar šaj te sikave kaj tuke but važno tlo biblisko kursi?
Ponekogaš šaj te mislina kaj siem but zafatime hem kaj nane amen vreme te proučina i Biblija. So šaj te pomožinel amenge tegani? Čitin Filipjanite 1:10, a palo adava keren lafi bašo akala pučiba:
-
So mislinea, kola tane nesave taro najvažna bukja ko životo?
-
Sar šaj te sikave kaj tuke but važno tlo biblisko kursi?
-
(1) Ako prvo pherea i kofa pošikaja, a palo adava čhivea o bara tegani o bara nane te resen andre
-
(2) Ako prvo čhivea o bara ki kofa, tegani ka ovel poviše than te khedel i pošik da andre. Slično agjaar, ako čhivea ko prvo than o najvažna bukja ko tlo životo, ka ovel tut vreme te kere na samo adala bukja, nego hem javera da
Amen sar manuša isi amen potreba te pendžara hem te obožavina e Devle. Ako na keraja adava našti te ova bahtale. Adaleske, valjani te proučina i Biblija. Čitin Matej 5:3, a palo adava keren lafi bašo akava pučibe:
-
Soske tano važno o proučibe te čhiva le ko prvo than?
5. Ačhov cvrsto keda ka ovel tut protivibe
Ponekogaš, o javera šaj ka probinen te obeshrabrinen tut te šaj te čhinave te proučine i Biblija. Te dikha o primer taro Frančesko. Dikh o VIDEOKLIPI, a palo adava keren lafi bašo akala pučiba:
-
Sar reagiringje e Frančeskoskiri daj hem leskere amala keda vakergja lenge so sikljovela?
-
Sar sine nagradimo bašo adava so ačhilo istrajno?
Čitin 2. Timotej 2:24, 25, a palo adava keren lafi bašo akala pučiba:
-
So mislinela tli familija hem tle amala bašo adava so sikljovea?
-
Sprema akala stihija, sar valjani te reagirine keda nekoj nane bahtalo bašo adava so proučinea i Biblija, hem soske?
6. Rode pomoš taro Jehova
Kobor popaše ovaja e Jehovaja, doborom poviše ka manga te ova leske poslušna. Sepak, šaj ka ovel amenge pharo te kera nesave promene ko životo te šaj te živina ko način sar so rodela ov. Ako ponekogaš osetinea tut agjaar, ma otkažin tut. O Jehova ka pomožinel tuke. Dikh o VIDEOKLIPI, a palo adava keren lafi bašo akala pučiba:
-
Save promene kergja o Džim te šaj te ovel poslušno e Jehovaske?
-
So svidžinela pe tuke najviše taro leskoro primer?
Čitin Evreite 11:6, a palo adava keren lafi bašo akala pučiba:
-
So ka kerel o Jehova okolenge „so rodena le revno“, javere lafencar, okolenge so trudinena pe te pendžaren le hem te oven leske poslušna?
-
So sikljovea taro akava bašo adava sar osetinela pe o Jehova keda dikhela kaj trudinea tut te proučine i Biblija?
NESAVE ŠAJ PUČENA: „Soske proučinea i Biblija?“
-
So ka vakere tu?
SO SIKLILEM
Iako nane sekogaš lokho, o proučibe i Biblija šaj te pomožinel tuke te ove bahtalo zasekogaš. Ponadari da rode pomoš taro Jehova hem ov ka nagradinel tut.
Sar ka odgovorine?
-
Soske o bibliska čačipa tane tuke skapocena?
-
Sar šaj te sikave kola bukja tane tuke najvažna?
-
Soske valjani te rode pomoš taro Jehova te šaj ponadari da te proučine i Biblija?
ISTRAŽIN
Dikh štar metode so pomožingje bute manušenge mudro te koristinen pumaro vreme.
„Dali si vo trka so vremeto?“ (Razbudete se! taro fevruari 2014)
Dikh sar o Jehova pomožingja jekhe romnjake kolakoro rom na haljola sine adava so oj kerela bašo Devel.
Dikh sar jekhe rome sine le korist taro adava so leskiri romni sine istrajno.
Ponekogaš nesave krivinena e Jehovaskere svedokon kaj rasturinena o familie. Ama, dali adava tano čače?
„Dali e Jehovaskere svedokija rasturinena o familie ili kerena len pozorale?“ (internet statija)
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
