Butivar uni manush gindin ke nai vushoro te chiton e Biblia. Numa shai las but mishtimos. Shai avela pushes tu: “Shai chidau man suako kurko te mai sikiuau pa e Biblia?”. Sostar trobus te thos zor te sikios pa late? So si te azhutil tu te zhas angle makar avena bedi?

1. Sostar si iek bari prama tuke te sikios pa e Biblia?

“E vorba le Devleski trail ai si la zor” (Hebreos 4:12, NWT). E Biblia si iek baro libro, phenel so gindil ai so aliarel o Del pala tute. Na numa si te sikavel tu but prame, vi si te del tu iek lasho traio ai vareso lasho te azhukeres pe mai angle. Ai vareso defial shukar si ke e Biblia si te azhutil tu te aves amigo katar o Jehova. Suako data kai sikios anda late, san mai veselime.

2. Sostar si iek bari prama te zhanas sode de kuchi si o chachimos la Bibliako?

O chachimos la Bibliako si sar iek baro mangin. Pala godia e Biblia phenel amenge: “Kin o chachimos ai shojar na bikin les” (Proverbios 23:23). Te zhanasa sode de kuchi si o chachimos la Bibliako si te thas zor te mai sikios makar avena bedi pe amende (chiton Proverbios 2:4, 5).

3. So si te kerel o Jehova pala tute te mai sikios?

O Jehova si kon kerdias amen ai si les sa e zor, ai na numa godo vo si kiro amigo. Prinzharel tu mishto ai kamel te azhutil tu te zhanes mai pa leste. O Del shai del tu e “zor” te mai sikios anda leski Vorba (chito Filipenses 4:13, NWT). Pala godia, te avela gindis ke nashtis te mai sikios vai te thos ande kiro traio so mothol e Biblia, o Del si te azhutil tu. Ai te avela tu bedi vai varekon chi kamel te mai sikios, o Del si te del tu zor. Na mek te manges katar o Jehova te azhutil tu te mai sikios pa e Biblia (1 Thesaloniana 5:17).

 TE MAI SIKIOS

4. Le sama te avela iek bari prama tuke te sikios pa e Biblia

Univar si amen but dieli te keras ai chi arakhas vriama te mai sikiuas pa e Biblia. So shai keras? Chiton Filipenses 1:10 [NWT] ai den duma pa:

• So gindis, save si “le prame mai bare”?

• So shai keres te sikaves ke si iek bari prama tuke te sikios pa e Biblia?

1. Te thosa ande varesoste kishai ai polme kamesa te thos barh andre, le barh chi si te den.

2. Numa, te thosa pervo le barh, shai thos polme but anda e kishai. Gadia te thosa pervo ande kiro traio le prame “mai bare”, si te avel tu vriama te keres sa le kolaver dieli.

Savorhe trobul amen te prinzharas le Devles ai te luvudis les, kana sikiuas pa e Biblia azhutil amen te keras godo. Chiton Mateo 5:3 [NWT] ai den duma pa:

• Te sikavesa ke e prama mai bari tuke si te sikios pa e Biblia, savo mishtimos shai les?

 5. Zha angle makar uni chi kamena

6. Pakia tu ando Jehova ke si te azhutil tu

 SO DIKHLIAM

Makar univar nai vushoro te sikios pa e Biblia, so chitosa si te azhutil tu te avel tu iek lasho traio akana ai mai angle. Te mai pakiasa tu ando Jehova vo si te suntsol tu.

So sas te mothos?

• Sostar si iek bari prama tuke o chachimos la Bibliako?

• Polme te des po gor “save si le prame mai bare” tuke, so trobus te keres?

• Sostar trobus te manges katar o Jehova te azhutil tu te mai sikios pa e Biblia?