Kwiga Bibiliya bifite akamaro, ariko si ko buri gihe byoroha. Ubwo rero, ushobora kwibaza niba uzakomeza kuyiga. None se nukora uko ushoboye ugakomeza kwiga Bibiliya, bizakugirira akahe kamaro? Ni iki cyagufasha kwihangana ugakomeza kuyiga nubwo byaba bikugoye?

1. Kuki kwiga Bibiliya bifite akamaro?

‘Ijambo ry’Imana ni rizima kandi rifite imbaraga’ (Abaheburayo 4:12). Bibiliya ifite akamaro, kuko igufasha kumenya ibitekerezo by’Imana n’uko ikubona. Igufasha kugira ubumenyi, ubwenge nyakuri n’ibyiringiro by’igihe kizaza. Icy’ingenzi kurushaho ni uko igufasha kuba incuti ya Yehova. Iyo wiga Bibiliya, ukemera ko iguhindura, urushaho kugira ibyishimo mu mibereho yawe.

2. Kuki ari ngombwa kubona ko ibyo wiga muri Bibiliya bifite akamaro?

Inyigisho zo muri Bibiliya ni nk’ubutunzi bw’agaciro kenshi. Ni yo mpamvu Bibiliya idusaba ‘kugura ukuri kandi ntitukugurishe’ (Imigani 23:23). Iyo tuzirikana ko inyigisho zo muri Bibiliya zifite agaciro, dukora uko dushoboye tugakomeza kuyiga no mu gihe byaba bigoye.—Soma mu Migani 2:4, 5.

3. Yehova yagufasha ate gukomeza kwiga Bibiliya?

Kubera ko Yehova Imana Ishoborabyose ari we wakuremye kandi akaba ari incuti yawe, yifuza kugufasha ukamumenya. Ashobora gutuma ugira “ubushake” n’imbaraga zo kwiga Ijambo rye. (Soma mu Bafilipi 2:13.) Ubwo rero, igihe uzaba ukeneye ko akongerera ubushake bwo kwiga Bibiliya cyangwa gushyira mu bikorwa ibyo wiga, azabikora. Nanone nuhura n’ikibazo cyatuma udakomeza kwiga Bibiliya cyangwa bakakurwanya, azakongerera imbaraga. Jya usenga Yehova buri gihe umusaba ko yagufasha gukomeza kwiga Bibiliya.—1 Abatesalonike 5:17.

 IBINDI WAMENYA

4. Jya ubona ko kwiga Bibiliya ari iby’ingenzi cyane

Hari igihe tuba dufite ibintu byinshi tugomba gukora, tukabura umwanya uhagije wo kwiga Bibiliya. Ni iki cyadufasha? Musome mu Bafilipi 1:10, maze muganire kuri ibi bibazo:

• Ni ibihe bintu ubona ko ari ‘iby’ingenzi kurusha ibindi’?

• Ni iki cyagufasha gushyira mu mwanya wa mbere gahunda yo kwiga Bibiliya?

1. Iyo ufashe indobo ukayuzuza umucanga hanyuma ugashyiramo amabuye, ntabwo ajyamo yose

2. Iyo ubanjemo amabuye, ubona aho ushyira umucanga hafi ya wose. Nawe nushyira imbere “ibintu by’ingenzi kurusha ibindi,” uzabikora kandi ubone igihe cyo gukora ibindi

Twese dukenera kumenya Imana. Kwiga Bibiliya bidufasha kuyimenya no kuyisenga. Musome muri Matayo 5:3, maze muganire kuri iki kibazo:

• Iyo kwiga Bibiliya tubishyize mu mwanya wa mbere, bitugirira akahe kamaro?

 5. Jya ukomeza kwiga Bibiliya nubwo baba bakurwanya

6. Jya usaba Yehova agufashe

 INCAMAKE

Kwiga Bibiliya bishobora gutuma wishimira ubuzima iteka ryose, nubwo hari igihe kuyiga biba bigoye. Komeza kwizera Yehova, na we azaguha imigisha.

Ibibazo by’isubiramo

• Kuki ubona ko inyigisho zo muri Bibiliya zigufitiye akamaro?

• Wamenya ute “ibintu by’ingenzi kurusha ibindi”?

• Kuki wagombye gusaba Yehova akagufasha gukomeza kwiga Bibiliya?