Měngěndung Alkitapẹ̌ ene piạ gunane. Katewe, ene tawe sěntiniạ gampang koateng. Pẹ̌sěngsul᷊ẹ, i kau aramanung měpẹ̌pikirẹ̌, ’Apa iạ botonge turusẹ̌ makapěngěndung Alkitapẹ̌?’ Kawe nụe harusẹ̌ mẹ̌tawakal᷊i gunang turusẹ̌ měngěndung? Apa makatul᷊ung si kau turusẹ̌ měngěndung maning nakahombang kasasigěsạ?

1. Kawe nụe měngěndung Alkitapẹ̌ ene maarěga?

”Hengetangu Mawu ene wiahẹ̌ dingangu napenẹu kawasa.” (Ibrani 4:​12) Alkitapẹ̌ kai maarěga ual᷊ingu su ral᷊unge piạ tiněna dingangu pěndangu Mawu soal i kau. Alkitapẹ̌ makatul᷊ung si kau makasingkạ lawọ hal᷊ẹ̌, makoạ mapelesa, dingangu makaěbạ pělaharapẹ̌. Kụ limembong penting, Alkitapẹ̌ makatul᷊ung si kau mědal᷊ahapị dingangi Yehuwa. Su tempong měngěndung Alkitapẹ̌, i kau němala kawasane makakoạ pěbawiahu limembong mapaelẹ̌.

2. Kawe nụe penting mẹ̌tahěndung katěngadẹ̌ su Alkitapẹ̌ ene kai maarěga?

Katěngadẹ̌ su Alkitapẹ̌ ene mẹ̌sul᷊ungu arětạ maarěga. Hakị u ene, Alkitapẹ̌ němahansang si kitẹ, ”Bělịe katěngadẹ̌, kụ abe wal᷊ụ ene.” (Amsal 23:23) Mạeng i kitẹ turusẹ̌ mẹ̌tahěndung katěngadẹ̌ su Alkitapẹ̌ ene kai maarěga, i kitẹ sarung mẹ̌tawakal᷊i turusẹ̌ měngěndung maning nakahombang sasal᷊ukạ.​—Basa Amsal 2:​4, 5.

3. Kerea Yehuwa botonge makatul᷊ung si kau tadeạu turusẹ̌ měngěndung?

Ual᷊ingu Yehuwa kai Měndariadi dingangu Hapịu, i Sie mapulu mẹ̌tul᷊ung si kau měngěndung soal i Sie. I Sie botonge měgělị si kau ”kapulu dingangu katatoghasẹ̌ gunang měkoạ kěbị apa ikẹ̌kapulu-Ne”. (Basa Filipi 2:​13.) Hakị u ene, mạeng i kau nakapěndang tawe masěmangatẹ̌ měngěndung arau měkoạ apa seng niěndungangu, pẹ̌dorong tul᷊ungke si Yehuwa. Mạeng i kau membutuhkan katatoghasẹ̌ gunang tumatěngo sasal᷊ukạ arau kasasigěsạ, i Sie botonge měgělị si kau katatoghasẹ̌. Pakasaụe mẹ̌doa si Yehuwa gunang mẹ̌dorong tul᷊ung tadeạu i kau botonge turusẹ̌ měngěndung Alkitapẹ̌.​—1 Tesalonika 5:​17.

 BANGKA PAKARAL᷊UNG

4. Koạe pěngangěndungang Alkitapẹ̌ makoạ hal᷊ẹ̌ sěbạe penting su pěbawiahu

Pẹ̌sěngsul᷊ẹ, i kitẹ makoạ tumanịu masibukẹ̌ kụ kakělaěng tawẹ apa tempo gunang měngěndung Alkitapẹ̌. Apa wotonge makatul᷊ung si kitẹ? Basa Filipi 1:​10, bọu ene bisarai manga kakiwal᷊o ini:

• Tumuhụ si kau, apa piram baụ hal᷊ẹ̌ ”limembong penting” su pěbawiahẹ̌?

• Kerea tadeạu pěngangěndungang Alkitapẹ̌ makoạ hal᷊ẹ̌ sěbạe penting su pěbawiahu?

1. Mạeng i kau mẹ̌taho ěne kal᷊imona su sěmbaụ tampạ, bọu ene buhudeng mẹ̌taho watu, watu tawe mataho kěbị

2. Mạeng i kau mẹ̌taho watu kal᷊imona, sarung piạ lawọ ěne mataho. Kerene lai, mạeng i kau měkoạ kal᷊imona hal᷊ẹ̌ ”limembong penting” su pěbawiahu, i kau sarung makakoạ manga hal᷊ẹ̌ ene kụ bědang piạ tempo gunang měkoạ hal᷊ẹ̌ bal᷊inẹ

Su tempong měngěndung Alkitapẹ̌, i kitẹ něnukụ kebutuhan rohaning i kitẹ, ene kai kebutuhan gunang makasingkạ dingangu měngibadah su Mawu. Basa Matius 5:​3, bọu ene bisarai kakiwal᷊o ini:

• Apa gunane mạeng pěngangěndungang Alkitapẹ̌ makoạ hal᷊ẹ̌ sěbạe penting su pěbawiahi kitẹ?

 5. Turusẹ̌e pěngěndung maning nakahombang sasal᷊ukạ

6. Pẹ̌dorong tul᷊ung si Yehuwa

 RINGKASAN

Měngěndung Alkitapẹ̌ ene tawe sěntiniạ gampang koateng. Maning kerene, ene sarung makatul᷊ung si kau měbiahẹ̌ mal᷊uasẹ̌ sarang karěngụe. Hakị u ene, turusẹ̌e pẹ̌dorong tul᷊ung si Yehuwa, kụ i Sie sarung měngal᷊amatẹ̌ si kau.

Apa seng nikaěndungangu?

• Kawe nụe katěngadẹ̌ su ral᷊ungu Alkitapẹ̌ ene maarěga si kau?

• Kerea i kau botonge ’měmarikěsa sude limembong penting’?

• Kawe nụe i kau harusẹ̌ mẹ̌dorong tul᷊ung si Yehuwa tadeạu botonge turusẹ̌ měngěndung Alkitapẹ̌?