LESOGNE 12
Ino ty Hagnampe Azo Hanohy Hianatse Baiboly Avao?
Maro ty mahatsapa fa tsy mora ty mianatse Baiboly. Faie maro ty soa ho azo’o naho mikezake mianatse aze rehe. Va’e hieretseretse rehe tie, ho vitako avao koahe ty hanohy hianatse Baiboly! Nagnino rehe ro mila mikezake hanohy hianatse avao? Ino ty hagnampe azo hanohy hianatse avao ndra tie misy olagne aza?
1. Nagnino ro tena ilaegne ty mianatse Baiboly?
“Velogne naho mahery ty saontsin’Andrianagnahare.” (Hebreo 4:12) Sarobily o Baibolio satria mampahafantatse antikagne ty heven’Andrianagnahare sady rehafe’e ao ka ty hatea’e antikagne. Tsy tihoe magnampe azo hahafanta-draha avao ty Baiboly fa magnomey fanantenagne naho magnampe azo ho hendre ka. Faie ty tena lahibey le tihoe magnampe azo hanjare ho nama i Jehovah o Baibolio. Naho fa mianatse Baiboly rehe, le afake magnasoa ty fiaigna’o ty raha ianara’o ao.
2. Nagnino tikagne ro mila rese lahatse tie sarobily ty hamarenagne amy Baiboly ao?
Hoe harena sarobily ty hamarenagne amy Baiboly ao. Izay ty mahavy ty Baiboly mandrisike antikagne tie ‘vilio i hamarenagney le ko avarotse.’ (Ohabolana 23:23) Naho tsapantikagne fa sarobily ty hamarenagne amy Baiboly ao, le hikezake mafe tikagne mba hanohy hianatse aze avao ndra tie misy olagne aza.—Vakio ty Ohabolana 2:4, 5.
3. Ino ty atao i Jehovah mba hagnampeagne azo hanohy hianatse avao?
I Jehovah ty namorogne azo naho nama’o, sady mahafantatse azo soa reke ro te hagnampe azo hianatse ty miomba aze ka. Afake magnampe azo ‘hagniry naho hanao’ izay reke. (Vakio ty Filipianina 2:13.) Afake magnampe azo areke reke naho mahatsapa rehe kindraike tie, kamokamo hianatse ndra tsy le mazoto hampihatse ty raha ianara’o. Mivavaha amy i Jehovah mba hagnampea’e azo hanohy hianatse Baiboly.—1 Tesalonianina 5:17.
ANDAO HANDINEKE TY PITSOPITSO’E
Maro raha atao vao rehe sa misy mandrara azo tsy hianatse Baiboly? Fantaro tie ino ty azo’o atao sady akore ty hagnampea i Jehovah azo.
4. Ko atao ambanen-draha ty mianatse Baiboly
Misy fotoagne tikagne tena sahiragne, le manjare tsy manam-potoagne hianaragne Baiboly. Ino ty hagnampe antikagne? Vakio ty Filipianina 1:10, sady iharò midineke ty fagnonteneagne retoa:
-
Ino iaby ty raha “lahibey” amy ty fiaigna’o?
-
Akore ty ampisehoa’o tie lahibey ama’o ty mianatse Baiboly?
-
Naho fenoe’o faseke ty sihoagne raike sady manjilike vato agnate’e ao rehe naho fa avy eo, le tsy ho ombe ao ty vato ila’e
-
Naho i vatoy ty azili’o voaloha’e, le ho ombe agnate sihoagne ao naho fa avy eo ty ankamaroa i fasekey. Naho “ze raha tena lahibey” areke ro atao’o voaloha’e, le ho vita’o soa i raha rey sady mbe hanam-potoagne hanoagne raha hafa rehe
Magnampe antikagne hifandrambe soa aman’Andrianagnahare ty mianatse Baiboly. Manjare mahafantatse naho afake manompo aze tikagne. Vakio ty Matio 5:3, sady iharò midineke ty fagnonteneagne toy:
-
Ino ty soa ho azontikagne naho lahibey amantikagne ty mianatse Baiboly?
5. Ko ajanogne ty fianara’o ndra tie misy mandrara aza
Va’e handrese lahatse azo tsy hianatse Baiboly sasa ty ndaty ila’e. Dineho ty tantara i Francesco. Alefaso i VIDEO oy, sady iharò midineke ty fagnonteneagne retoa.
-
Nanao akore i nama i Francesco rey naho i keleia’e rey naho fa nirehafe’e tamy iareo ty raha nianara’e?
-
Ino ty voka’e naho fa nanohy nianatse avao reke?
Vakio ty 2 Timoty 2:24, 25, sady iharò midineke ty fagnonteneagne retoa:
-
Akore ty fahatreava ty keleia’o naho ty nama’o ty raha ianara’o?
-
Arake o andinin-teny rehoe, ino ty toko’e hatao’o naho fa misy ndaty tsy fale satria mianatse Baiboly rehe? Ino ty anto’e?
6. Mangataha fagnampeagne amy i Jehovah
Vao mainke te hampifale i Jehovah tika naho mifandrambe soa ama’e. Faie va’e ho sarotse amantikagne ty magnova ty raha ila’e amy ty fiaignantikagne mba hifagnarake amy ty fitsipi’e. Naho izay ty mahazo azo, le ko kivy satria hagnampe azo ty Jehovah. Alefaso i VIDEO oy, sady iharò midineke ty fagnonteneagne retoa.
-
Ino ty fiovagne natao i Jim mba hampifaleagne i Jehovah?
-
Inogne amy ty raha natao’e ro tena manohigne ty fo’o?
Vakio ty Hebreo 11:6, sady iharò midineke ty fagnonteneagne retoa:
-
Ino ty hatao i Jehovah hoahy ze “mipay aze mafe”, ty dika izay ze mikezake mafe mba hahafantatse naho hampifale aze?
-
Arake o andinin-teny iohoe, fale vao ty Jehovah naho fa mahavazoho ty kezake atao’o mba hianaragne Baiboly? Nagnino rehe ro mirehake izay?
VA’E HISY TY HAGNONTANE TIE: “Ino ty mahavy azo mianatse Baiboly?”
-
Akore ty havale’o aze?
FAMINTIGNAGNE
Afake magnampe azo hankamamy nainai’e o fiaignagneo ty fianara’o Baiboly, ndra tie tsy mora aza zay kindraike. Mangataha fagnampeagne amy i Jehovah, le hamale soa azo reke.
Fameregnagne
-
Nagnino ro sarobily ama’o ty hamarenagne amy Baiboly ao?
-
Ino ty toko’e hatao’o mba hampisehoa’o tie ‘mahafantatse soa ze raha tena lahibey’ rehe?
-
Nagnino rehe ro mila mangatake ty fagnampea i Jehovah naho te hanohy ty fianara’o Baiboly?
FAGNAZAVAGNE FAGNAMPE’E
Dineho ato fa misy raha efatse nagnampe ndaty maro hahay hampiasa soa ty fotoa’e.
Niboseha i vali’e ty ampela raike toy naho fa nikezake nampifale an’Andrianagnahare. Akore ty nagnampea i Jehovah aze?
Magnatanjake Antika ty Jehovah Naho fa Miatreke Raha Sarotse Tika (5:05)
Fantaro tie ino ty soa nirambese ty lahilahy raike toy naho fa nanohy nianatse Baiboly avao ty vali’e.
Misy ty mirehake fa mampivibìke o keleiagneo o Vavolombelo i Jehovah-o. Maregne vao zay?
“Mampivibìke o Keleiagneo vao o Vavolombelo i Jehovah-o?” (Lahatsoratse amy jw.org ao)
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
