መጽናዕቲ መጽሓፍ ቅዱስ ጽቡቕ ዓስቢ ኸም ዘለዎ ጕዕዞ እዩ። ኰይኑ ግና፡ ቀሊል ከይከውን ይኽእል እዩ። ሓድሓደ ግዜ፡ ብቐጻሊ መጽናዕቲ መጽሓፍ ቅዱስ ክትገብር ትኽእል እንተ ዄንካ ትሓስብ ትኸውን። ስለምንታይ ኢኻ ነዚ ቐጻሊ ጻዕሪ ኽትገብረሉ ዚግባእ፧ ጸገማት እናኣጋጠመካ ኽነሱ፡ ክትጸንዕ ዚሕግዘካ እንታይ እዩ፧

1. መጽናዕቲ መጽሓፍ ቅዱስ ጠቓሚ ዝዀነ ስለምንታይ እዩ፧

“ቃል ኣምላኽ ህያውን ዚዓይን [ወይ፡ “ሓያልን”] እዩ።” (እብራውያን 4:12፡ እግረ ጽሑፍ) መጽሓፍ ቅዱስ ኣምላኽ ብዛዕባኻ ዘለዎ ሓሳባትን ስምዒታትን ዝሓዘ ስለ ዝዀነ፡ ጠቓሚ እዩ። ፍልጠት ጥራይ ዘይኰነስ፡ ናይ ሓቂ ጥበብን ተስፋን ከተጥሪ ይሕግዘካ እዩ። ልዕሊ ዅሉ ኸኣ፡ ዓርኪ የሆዋ ኽትከውን ይሕግዘካ እዩ። ንመጽሓፍ ቅዱስ ከተጽንዖ ኸለኻ፡ ሓይሉ ኣብ ህይወትካ ኣወንታዊ ጽልዋ ኺገብር ኢኻ እትፈቅድ ዘለኻ።

2. ነቲ ሓቂ መጽሓፍ ቅዱስ ዘለዋ ዋጋ ኸነለልዮ ኣገዳሲ ዝዀነ ስለምንታይ እዩ፧

እቲ ኣብ መጽሓፍ ቅዱስ ዚርከብ ሓቅታት ከም ክቡር ሃብቲ ወይ መዝገብ እዩ። ስለዚ ድማ እዩ መጽሓፍ ቅዱስ “ንሓቂ ዓድጋ እሞ ኸቶ ኣይትሽጣ” ኢሉ ዜተባብዓና። (ምሳሌ 23:23) ነቲ ሓቂ መጽሓፍ ቅዱስ ዘለዋ ዋጋ ነለልዮ እንተ ዄንና፡ ዋላ እውን ዕንቅፋታት ኬጋጥመና ኸሎ፡ ብቐጻሊ መጽናዕቲ መጽሓፍ ቅዱስ ንገብር ኢና።—ምሳሌ 2:4, 5 ኣንብብ።

3. ብቐጻሊ መጽናዕቲ ምእንቲ ኽትገብር፡ የሆዋ ብኸመይ ኪሕግዘካ ይኽእል፧

የሆዋ ዅሉ ዚኽእል ፈጣሪኻን ፈታዊኻን ስለ ዝዀነ፡ ብዛዕባኡ ምእንቲ ኽትምሃር ኪሕግዘካ ይደሊ እዩ። “ድሌትን ንምግባር ዓቕምን” ኪህበካ ይኽእል እዩ። (ፊልጲ 2:13 ኣንብብ።) ስለዚ፡ መጽናዕቲ ንምግባር ወይ ንእተምሃርካዮ ንምትግባር ተወሳኺ ድራኸ እንተ ደሊኻ፡ ንሱ ኺሕግዘካ ይኽእል እዩ። ዕንቅፋታት ወይ ተቓውሞታት ንምስጋር ተወሳኺ ብርታዐ እንተ ደሊኻ እውን፡ ብርታዐ ኺህበካ ይኽእል እዩ። እምበኣር፡ ብቐጻሊ መጽናዕቲ መጽሓፍ ቅዱስ ንምግባር ኣዘውቲርካ ንየሆዋ ብጸሎት ለምኖ።—1 ተሰሎንቄ 5:17።

 ኣዕሚቝካ ዅዓት

4. ንመጽናዕቲ መጽሓፍ ቅዱስ ቀዳምነት ሃቦ

ሓድሓደ ግዜ፡ ህይወት ሃለኽለኽ ስለ ዝመልኦ፡ ንመጽናዕቲ መጽሓፍ ቅዱስ ዚኸውን ግዜ ዘይብልካ ይመስለካ ይኸውን። ኣብዚ ኸምዚ እንታይ ኪሕግዘካ ይኽእል፧ ፊልጲ 1:10 ኣንብብ፡ ድሕሪኡ በዚ ሕቶታት ተመያየጡ፦

• ገለ ኻብቲ ኣብ ህይወትና እቲ “ዚሓይሽ” ኪብሃል ዚከኣል እንታይ ይመስለካ፧

• ከመይ ጌርካ ኢኻ ንመጽናዕቲ መጽሓፍ ቅዱስ ቀዳምነት ክትህቦ እትኽእል፧

1. ሀ. ነቲ ሰንኬሎ ፈለማ ሑጻ፡ ድሕሪኡ ኣእማን ክትመልኦ እንተ ፈቲንካ፡ ነቲ ኣእማን ዚኸውን ቦታ ኣይትረክብን ኢኻ

2. ለ. ፈለማ ነቲ ኣእማን እንተ ኣእቲኻ ግና፡ ንመብዛሕትኡ እቲ ሑጻ ዚኸውን ቦታ ትረክብ ኢኻ። ብተመሳሳሊ፡ ኣብ ህይወትካ ነቲ “ዚሓይሽ” ቀዳምነት እንተ ሂብካ፡ ንዕኡ ድሕሪ ምዕማምካ፡ ንኻልእ ዚኸውን ግዜ እውን ኪህልወካ እዩ

መጽናዕቲ መጽሓፍ ቅዱስ ነቲ እንሃርፎ መንፈሳዊ ነገራት፡ ማለት ነቲ ንኣምላኽ ክንፈልጦን ከነምልኾን ዘሎና ድሌት የማልኣልና። ማቴዎስ 5:3 ኣንብብ፡ ድሕሪኡ በዚ ሕቶ ተመያየጡ፦

• ንመጽናዕቲ መጽሓፍ ቅዱስ ቀዳምነት ክንህቦ ኸለና ብኸመይ ኢና እንጥቀም፧

 5. ተቓውሞ እናኣጋጠመካ ኽነሱ ጽናዕ

6. ሓገዝ ንምርካብ፡ ናብ የሆዋ ተጸጋዕ

 ጽማቝ

መጽናዕቲ መጽሓፍ ቅዱስ ቀሊል እኳ እንተ ዘይኰነ፡ ናይ ዘለኣለም ህይወት ንምርካብ ግና ይሕግዘካ እዩ። ወትሩ ናብ የሆዋ ተጸጋዕ፡ ንሱ እውን ዓስቢ ኺህበካ እዩ።

ክለሳ

• ንሓቅታት መጽሓፍ ቅዱስ ኣኽቢርካ እትርእዮ ስለምንታይ ኢኻ፧

• ነቲ “ዚሓይሽ” ቀዳምነት ክትህብ እትኽእል ብኸመይ ኢኻ፧

• ብቐጻሊ መጽናዕቲ መጽሓፍ ቅዱስ ምእንቲ ኽትገብር፡ ንየሆዋ ኽትልምኖ ዘሎካ ስለምንታይ ኢኻ፧