LEHONA 12
Heā te Mafai Ke Fehoahoani atu ki a te Koe ke Fakaauau ai te Hukehuke o te Tuhi Paia?
E lahi na aogā e maua mai i te hukehuke o te Tuhi Paia. Kae, e he faigofie i na tahi taimi. I na tahi taimi, atonu koe e mafaufau pe mafai nei ke fakaauau tau hukehukega. Aiheā e aogā ai te fai o ni au taumafaiga ke fakaauau pea? Heā te mafai ke fehoahoani atu kia te koe e ui lava e faigatā?
1. Aiheā e tāua ai te hukehuke o te Tuhi Paia?
“O loo ola le afioga a le Atua ma e matuā malosi fo’i.” (Eperu 4:12) E tāua te Tuhi Paia auā e fakailoa mai ai ia fakalagona o te Atua e fakatatau ki a te koe. E fehoahoani ke ke maua te poto, atamai moni ma te fakamoemoe. Kae hili atu ai, e fehoahoani te Tuhi Paia ke kavea koe ma uō a Ieova. Ko to hukehuke ki te Tuhi Paia, kua ke fakatagā te mana e iei ke huia to olaga.
2. Aiheā e tatau ai ke manatua te tāua o na kupu moni o te Tuhi Paia?
Ko na kupu moni i loto o te Tuhi Paia e ve ko ni koloa tāua. Ko te mafuaaga tenā kua fakamalohi mai te Tuhi Paia “ia faatau mai le upu moni ma aua ne’i toe faatau atu.” (Faataoto 23:23) Kafai e manatua pea te tāua o na kupu moni o te Tuhi Paia, ka taumafai malohi ai foki ki tatou ke fakaauau pea te hukehukega, e tuha lava pe fehagai ma ni tulaga faigatā.—Faitau te Faataoto 2:4, 5.
3. E vefea ona fehoahoani atu ia Ieova ki a te koe ke fakaauau pea tau hukehukega?
E finagalo ia Ieova ke fehoahoani atu ki a te koe ke akoako atili e fakatatau ki a te ia, auā ko ia ko Te na faia koe ma ko tau Uō. E foki atu e Ieova te ‘lotomalie [faanaunauga]’ ma ‘galue ai [malosi e galue ai].’ (Faitau te Filipi 2:13.) Ko tona uiga, kafai e ke manakomia he fakamalohiga ke hukehuke i na tahi taimi, e fehoahoani atu ia ki a te koe. Ka ia haunia mai te malohi ke feagai ai koe ki na fakafitauli ma na tetekega, kafai e ke manakomia. Talohaga atu e he aunoa ki a Ieova e ala i te tatalo ke fehoahoani atu ki a te koe ke fakaauau pea tau hukehukega o te Tuhi Paia.—1 Tesalonia 5:17.
HAKILIKILI ATILI
Iloilo pe vefea ona hukehuke pea te Tuhi Paia e ui lava i te pihi ma te teteke mai o ietahi tino, ma te auala ka fehoahoani mai ai ia Ieova ki a te koe ke fakauau pea.
4. Fakamuamua tau hukehukega fakate-Tuhi Paia
E iei na taimi e pihi ai ki tatou ki na mea o te olaga ma heai ai he taimi ke hukehuke ai te Tuhi Paia. Heā te mafai ke fehoahoani mai ki a te ki tatou? Faitau te Filipi 1:10, oi talanoa ai na fehili ienei:
-
Ni a ni mea e mafaufau koe ki ei e “sili ona tāua” i te olaga?
-
E vefea ona ke fakailoa atu e hili te tāua ki a te koe o tau hukehukega fakate-Tuhi Paia?
-
A. Kafai e utu muamua e koe te ipu i na oneone oi tuku ai na fatu, ka he ofi uma na fatu.
-
E. Kae kafai e tuku muamua na fatu, e iei pea te avanoa ke tuku atu ai na oneone. I he tulaga tali tutuha, kafai e fakamuamua e koe na “mea sili ona tāua” i to olaga, e he gata ka mafai ke fakataunuku na mea ienā, kae ka maua foki e koe te taimi mo ietahi mea.
Ko te hukehuke o te Tuhi Paia e fakamalie ai o tatou manakoga fakateagaga—pe ko o tatou fakanaunauga ke iloa te Atua ma tapuaki atu ki a te ia. Faitau te Mataio 5:3, ma talanoa te fehili tenei:
-
E vefea ona maua e ki tatou na aogā kafai e fakamuamua te hukehuke o te Tuhi Paia?
5. Tumau e ui i na tetekega
E iei na taimi e taumafai ai ietahi tino ke fakavaivai koe ma taofi tau hukehukega o te Tuhi Paia. Mātau te fakaakoakoga a Francesco. Fakaali te VITIŌ, ma talanoa na fehili ienei.
-
I te vitiō na vefea te tali atu a na uō ma na kaiga o Francesco i te taimi na lea atu ai ia i na mea kua ia akoakoa?
-
Na vefea ona ia maua te taui ona ko tona tumau?
Faitau te 2 Timoteo 2:24, 25, ma talanoa na fehili ienei:
-
Heā na manatu o au uō ma o kaiga ki na mea kua ke akoakoa?
-
E tuha ai ma te mau tenei, heā te auala e tatau ke tali atu ai koe kafai e he fiafia mai he tino ki a te koe e hukehuke te Tuhi Paia? Aiheā?
6. Fakalagolago ki te fehoahoani a Ieova
Ko te tatou vavalalata atu ki a Ieova, ka atili ai o tatou fakanaunauga ke fakafiafia ia. Kae e faigatā ke fai ni huiga i o tatou olaga ke ola ai e tuha ma ana tapulā. Kafai koe e pa ki ni fakalagona venei, koe na he fakavaivai. E fehoahoani atu ia Ieova ki a te koe. Fakaali te VITIŌ, ma talanoa na fehili ienei.
-
I te vitiō, ni a na huiga na fai e Jim ke fakafiafia ai ia Ieova?
-
Heā he mea e manaia ai tana fakaakoakoga?
Faitau te Eperu 11:6, ma talanoa na fehili ienei:
-
Heā te ka fai e Ieova mo ki latou “e matuā sa’ili iā te ia,”—pe ko ki latou e taumafai malohi ke iloa ma fakafiafia ia?
-
Heā te kua taku mai ai e fakatatau ki fakalagona o Ieova kafai e hilahila mai ki au taumafaiga ke hukehuke te Tuhi Paia?
KAFAI E FEHILI HE TINO: “Heā te hukehuke ai e koe te Tuhi Paia ma Molimau a Ieova?”
-
Heā tau tali?
OTOOTOGA
E ui lava e he faigofie te hukehuke o te Tuhi Paia, kae e mafai ke fehoahoani ki a te koe ke maua he olaga fiafia e fakavavau. Fakaauau to fakalagolago ki a Ieova, e ia tauia atu koe.
Fehili Autalu
-
Aiheā e tāua ai ki a te koe na kupu moni o te Tuhi Paia?
-
Kafai kua uma te ke “faamautinoa o mea e sili ona tāua,” heā te manakomia ke ke faia?
-
Aiheā te tatau ai ke talohaga atu mo te fehoahoani a Ieova, ke fakaauau ai tau hukehukega o te Tuhi Paia?
MANATU FAKAOPOOPO
Iloilo ni auala e fa na mafai ke fehoahoani ki ni tino e tokalahi ke fakaaogā tatau ai o latou taimi.
“E Faapefea Ona Faaaogā Tatau Lou Taimi?” (Ala Mai!, Aperila-Iuni 2014)
Mātau te auala na fehoahoani ai ia Ieova ki he fafine na teteke ki tana tane, i ana taumafaiga ke fakafiafia te Atua.
E Fesoasoani Ieova iā i Tatou e Tauave a Tatou Avega (5:05)
Kikila pe na vefea ona aogā ki he tamaloa te tumau o tana avaga.
E iei na taimi e tuakia ai ia Molimau a Ieova e fakamalepe kaiga. Kae e hako nei?
“Pe e Lepetia pe e Atiaʻe e Molimau a Ieova Aiga?” (Mataupu i le jw.org)
