Ko hono ako ʻa e Tohi Tapú ko ha fononga fakakoloa. Neongo ia, heʻikai nai ke faingofua maʻu pē. ʻI he taimi ʻe niʻihi, te ke fifili nai pe ʻe malava ke ke hanganaki ako ʻa e Tohi Tapú. Ko e hā ʻoku tuha ai mo e feingá ke hokohoko atú? Ko e hā te ne tokoniʻi koe ke kītaki neongo ʻa e ngaahi faingataʻá?

1. Ko e hā ʻoku mahuʻinga ai ʻa e ako Tohi Tapú?

“Ko e folofola ʻa e ʻOtuá ʻoku moʻui pea ko e koto mālohi.” (Hepelū 4:​12) ʻOku mahuʻinga ʻa e Tohi Tapú koeʻuhí ʻokú ne fakahaaʻi ʻa e anga ʻo e fakakaukau mo e ongoʻi ʻa e ʻOtuá fekauʻaki mo koé. ʻOkú ne tokoniʻi koe ke ke maʻu ʻo ʻikai ko e ʻiló pē kae pehē foki ki he poto moʻoní mo e ʻamanakí. Ko e mahuʻinga tahá, ʻoku tokoniʻi koe ʻe he Tohi Tapú ke ke hoko ko e kaumeʻa ʻo Sihova. ʻI hoʻo ako ʻa e Tohi Tapú, ʻokú ke fakaʻatā ai hono mālohí ke ne ʻai hoʻo moʻuí ke lelei ange.

2. Ko e hā ʻoku mahuʻinga ai ke fakatokangaʻi ʻa e mahuʻinga ʻo e moʻoni Fakatohitapú?

Ko e ngaahi moʻoni ʻi he Tohi Tapú ʻoku hangē ia ha ngaahi koloa mahuʻingá. Ko e ʻuhinga ia ʻoku fakalototoʻaʻi ai kitautolu ʻe he Tohi Tapú ke “fakatau mai ʻa e moʻoní pea ʻoua ʻaupito naʻa fakatau atu ia.” (Palōveepi 23:23) ʻI heʻetau tauhi maʻu ʻi heʻetau fakakaukaú ʻa e mahuʻinga ʻo e moʻoni Fakatohitapú, ʻoku tau ngāue mālohi ai ke tau hanganaki ako​—naʻa mo e ʻi he taimi ʻoku tau fehangahangai ai mo e ngaahi fakafaingataʻaʻiaʻangá.​—Lau ʻa e Palōveepi 2:​4, 5.

3. ʻE lava fēfē ke tokoniʻi koe ʻe Sihova ke hanganaki akó?

ʻI he tuʻunga ʻo Sihova ko ho Tokotaha-Fakatupu māfimafi-aoniu mo ho Kaumeʻá, ʻokú ne loto ke ne tokoniʻi koe ke ako fekauʻaki mo ia. ʻE lava ke ne fakatou ʻoatu kiate koe “ʻa e holi mo e mālohi ke [ke] ngāue.” (Lau ʻa e Filipai 2:​13.) Ko ia, kapau ʻoku ʻi ai ha taimi ʻokú ke fiemaʻu ai ha toe fakaueʻiloto lahi ange ke ako pe ke ngāueʻaki ʻa e meʻa ʻokú ke akó, te ne lava ʻo tokoni atu. Kapau te ke fiemaʻu ha toe mālohi lahi ange ke ikuʻi ʻa e ngaahi fakafaingataʻaʻiaʻangá pe fakafepakí, te ne lava ʻo tokonaki atu ia. Lotu maʻu pē ʻo kole kia Sihova ke ne tokoniʻi koe ke hokohoko atu hono ako ʻa e Tohi Tapú.​—1 Tesalonaika 5:​17.

 KELI LOLOTO ANGE

4. Fakamuʻomuʻa hoʻo ako Tohi Tapú

ʻI he taimi ʻe niʻihi ʻoku hoko ʻa e moʻuí ʻo fuʻu femoʻuekina ʻo hā ngali ʻoku ʻikai ha taimi feʻunga ia ke ako ʻa e Tohi Tapú. Ko e hā ʻe lava ke tokoní? Lau ʻa e Filipai 1:​10, pea lāulea leva ki he ongo fehuʻi ko ení:

• Ko e hā ʻokú ke ongoʻi ko e niʻihi ia ʻo e “ngaahi meʻa ʻoku mahuʻinga angé” ʻi he moʻuí?

• ʻE lava fēfē ke ke fakamuʻomuʻa hoʻo ako ʻa e Tohi Tapú?

1. A. Kapau te ke fakafonu ha kane ʻaki ʻa e ʻoneʻone pea feinga ke faʻo ki ai mo ha fanga foʻi maka, heʻikai ke hao ia ki loto

2. E. Kapau te ke ʻuluaki faʻo ʻa e maká, ʻe lava ke hao ki loto ʻa e lahi taha ʻo e ʻoneʻoné. ʻI he tuʻunga meimei tatau, kapau te ke fakamuʻomuʻa “ʻa e ngaahi meʻa ʻoku mahuʻinga angé” ʻi hoʻo moʻuí, te ke malava ʻo fakahoko kinautolu pea ʻi he taimi tatau te ke kei maʻu pē ai mo e taimi ki he ngaahi meʻa kehé

Ko hono ako ko ia ʻa e Tohi Tapú ʻokú ne feau ʻetau fiemaʻu fakalaumālié​—ʻa ʻetau fiemaʻu ke ʻilo mo lotu ki he ʻOtuá. Lau ʻa e Mātiu 5:​3, pea lāulea leva ki he fehuʻi ko ení:

• ʻOku anga-fēfē ʻetau maʻu ʻaonga ʻi he taimi ʻoku tau fakamuʻomuʻa ai hono ako ʻa e Tohi Tapú?

 5. Kītaki ʻi he fehangahangai mo e fakafepakí

6. Falala kia Sihova ke ne tokoniʻi koe

 FAKANOUNOU

Neongo ʻoku ʻikai ke faingofua maʻu pē hono ako ʻa e Tohi Tapú, ko hono ako iá te ne tokoniʻi koe ke ke fiefia ʻi he moʻuí ʻo taʻengata. Hokohoko atu ke falala kia Sihova, pea te ne fakapaleʻi koe.

Fakamanatu

• Ko e hā ʻoku mahuʻinga ai ʻa e ngaahi moʻoni Fakatohitapú kiate koé?

• ʻE lava fēfē ke ke “fakapapauʻi ʻa e ngaahi meʻa ʻoku mahuʻinga angé”?

• Ko e hā ʻoku totonu ai ke ke kole kia Sihova ke ne tokoniʻi koe ke ke hanganaki ako ʻa e Tohi Tapú?