CHIIYO 12
Niinzi Chikonzya Kukugwasya Kuti Wiinkilile Kunembo Kwiiya Bbayibbele?
Kwiiya Bbayibbele kulagwasya. Pesi chimwi chiindi teekuuba pe. Ulakonzya kukataazikana kubonaanga tukookonzya pe kwiinkilila kunembo kulikwiiya Bbayibbele. Nkamboonzi nitweelede kubeleka changuzu kuti twiinkilile kunembo kwiiya Bbayibbele? Niinzi chikonzya kukugwasya kuti wiinkilile kunembo nikuba kuswaanana abuyumu-yumu?
1. Nkamboonzi kwiiya Bbayibbele nikugwasya?
“Jwi lya Leza lilaabuumi alimwi lilaanguzu.” (Bahebrayo 4:12) Bbayibbele lilayandikana nkaambo litondeezya mbayeeya ambalimvwa Leza atala anduwe. Likugwasya kuti ube aaluzibo, busongo abulangilizi. Alubo likugwasya kuti ube mweenzinyina waJehova. Kwiiya Bbayibbele kuyookugwasya kuti ubotelwe mubuumi.
2. Kukabona kakayandikana kasimpe kamuBbayibbele kuyoopa kuti tuchiteenzi?
Kasimpe kali muBbayibbele kali mbuli lubono luyandikana loko. Bbayibbele lyaamba kuti: “Koula kasimpe, utakasambali pe.” (Tusimpi 23:23) Kuti twakabona kakayandikana kasimpe kamuBbayibbele, tuyooyinkilila kunembo katulikwiiya nikuba katuswaanana abuyumu-yumu.—Bala Tusimpi 2:4, 5.
3. Jehova nga ulakugwasya biyeni kuti wiinkilile kunembo kulikwiiya?
Mbukunga Mulengi alubo Mweenzinyokwe, Jehova uyanda kukugwasya kuti wiiye zyiingi atala anguwe. Ulakonzya kukupa ‘kuti kukanza alimwi anguzu zyakucita zintu.’ (Bala Bafilipi 2:13.) Ulakonzya kupa kuti ube aachiyandisyo chakwiiya akukugwasya kuti ubelesye nzwaayiya. Alubo ulakonzya kukugwasya kuti ulisimye kukukazigwa naakuti kubuyumu-yumu mbuswaana. Kkala kukomba kuli Jehova kuti akugwasye kuti wiinkilile kunembo kwiiya Bbayibbele.—1 Batesalonika 5:17.
YIYA ZYIINGI
Bona zikonzya kukugwasya kuti wiinkilile kunembo kulikwiiya Bbayibbele nikuba kuti ulijisikini naakuti ulakazigwa. Alubo bona kuti Jehova nga ulakugwasya biyeni kuti wiinkilile kunembo.
4. Kubone kakuyandikana kwiiya Bbayibbele
Chimwi chiindi nga tulijisikini zyakuti nga twabonaanga tatukonzyi pe kujana chiindi chakwiiya Bbayibbele. Pesi niinzi chikonzya kutugwasya? Bala Bafilipi 1:10, mpawo musandule mibuzyo iitobela:
-
Ubonaanga niinzi “zintu ziyandika kapati” mubuumi?
-
Nga ulachita biyeni kuti ukubone kakuyandikana kwiiya Bbayibbele?
-
Kuti wasaanguna kubikka museele, mabwe takookkwana pe
-
Kuti wasaanguna kubikka mabwe, ulajana mweenya wakubikka museele.Munzila iikozyenie, kuti wabikka “zintu ziyandika kapati” mubusena bwakusaanguna mubuumi, uyookonzya kuchita zintu eezyo akujana chiindi chakuchita zimwi.
Kwiiya Bbayibbele kupa kuti tuyande kuzulwidwa aaLeza, chaamba kuyanda kumuziba akumukomba. Bala Matayo 5:3, mpawo musandule mubuzyo uutobela:
-
Kukubona kakuyandikana kwiiya Bbayibbele kutugwasya biyeni?
5. Lisimye nikuba kukazigwa
Chimwi chiindi bamwi balakonzya kupa kuti uleke kwiiya Bbayibbele. Atubone chikozyano chawumwi mwaalumi uutegwa Francesco. Mweebele VIDIYO, mpawo musandule mibuzyo iitobela.
-
Beenzinyina abamumpuli yaFrancesco bakachita biyeni chiindi naakababuzya nzyaakali kwiiya?
-
Nziizili zilongezyo nzyaakajana akaambo kakulisimya?
Bala 2 Timoteyo 2:24, 25, mpawo musandule mibuzyo iitobela:
-
Bamumpuli abeenzinyokwe nga batyeni kuti wababuzya atala anzulikwiiya?
-
Kujana wachita biyeni kuti umwi watondeezya kuti tayandi pe kuti wiiye Bbayibbele? Nkamboonzi?
6. Kumbila Jehova kuti akugwasye
Chiindi nitwiiya zyiingi atala aJehova, nga twaba aachiyandisyo chakuchita zimubotezya. Pesi kulakonzya kutuyumina kuti tuchinche maponeno eesu kuti ayendelane akuyanda kwakwe. Kuti kakukuyumina, utamani manguzu pe. Jehova ulakugwasya. Mweebele KAVIDIYO, mpawo musandule mibuzyo iitobela.
-
Niinzi zyakachitwa aJim zyakapa kuti abotezye Jehova?
-
Wayiyaanzi kuzwa kuchikozyano chakwe?
Bala Bahebrayo 11:6, mpawo musandule mibuzyo iitobela:
-
Jehova uyoobachitilaanzi bantu “bamuyandaula cabusungu,” chaamba bantu babeleka changuzu kuti bayiye atala anguwe akuti bachite zimubotezya?
-
Ubonaanga Jehova ulimvwa biyeni chiindi nakubona kulikwiiya Bbayibbele?
UMWI ULAKONZYA KUKUBUZYA KUTI: “Nkamboonzi nulikwiiya Bbayibbele?”
-
Ulamusandula kutyeni?
CHIFWIINSYO
Nikuba kuti kwiiya Bbayibbele teekuuba pe chiindi choonse, pesi kulakonzya kukugwasya kuti ubotelwe kukabe kutamani. Kuti wasyoma Jehova, uyookulongezya.
Mibuzyo Yakwiindulula
-
Nkamboonzi kasimpe kamuBbayibbele nikayandikana kulinduwe?
-
Kujana watondeezya biyeni kuti uzibikkila maanu “zintu ziyandika kapati”?
-
Nkamboonzi nweelede kukumbila Jehova kuti akugwasye kuti wiinkilile kunembo kulikwiiya Bbayibbele?
YANDUULISISYA
Bona zintu zili 4 zyakagwasya bamwi kuti bachibelesye kabotu chiindi chabo.
“Mbukonzya Kuchibelesya Kabotu Chiindi” (Amubuke!, February 2014)
Bona Jehova mbaakagwasya umwi mwanakazi wakali aamulumi wakatali kumvwisisisya pe kuti nkamboonzi mwanakazi wakwe naakali kubeleka changuzu kuti abotezye Jehova.
Bona umwi mwaalumi mbaakagwasigwa akaambo kakulisimya kwamwanakazi wakwe.
Bantu biingi baamba kuti Bakamboni bapa kuti mpuli zitajatani pe. Nzizyo na eezi?
“Bakamboni baJehova Bapa Kuti Mpuli Zitajatani Na Naakuti Pe?” (Chiiyo chijanika aaIntaneti)
