12-ТӤ УРОК

Мар юрттоз тӥледлы азьланяз но Библиез дышетыны?

ЛЭЗЁНО

Библия дышетонэз кузь но тунсыко сюресэн ӵошатыны луоз. Со сюрес вылын шуг-секытъёс но пумиськыны быгатозы. Таӵе малпан но кылдыны быгатоз: «Кулэ-а азьланяз но Библиез дышетыны?» Малы киосыз лэзёно ӧвӧл? Мар юрттоз, шуг-секытъёс шоры учкытэк, азьланяз но Библиез дышетыны?

1. Маин Библиез дышетон тӥледлы юрттыны быгатоз?

«Инмарлэн кылыз улэп», солэн бадӟым кужымез вань (Еврейёслы 4:12). Библия Инмарлэсь малпанъёссэ тодыны юрттэ. Озьы ик отысь тодыны луэ, Инмар тӥледыз яратэ шуыса. Библия тодон-валан гинэ уг сёты, со юрттэ визьмо луыны но оскон сётэ. Нош валтӥсез — Библия юрттэ Иеговалэн эшез луыны. Библиез дышетыса, тӥ быгатоды улондэс умой пала воштыны.

2. Малы вунэтоно ӧвӧл, Библиысь зэмлык туж дуно шуыса?

Библиысь зэмлыкез дуно ваньбурен ӵошатыны луоз. Тӥни малы Библия ӧте милемыз: «Зэмлыкез дунэн басьты» (Мадёнъёс 23:23). Ми котьку тодамы возимы ке, макем дуно Библиысь зэмлык, ми сое дышетэмысь ум дугдэ. Кыӵе гинэ шуг-секытъёсын ми медам пумиське, ми азьланяз но сое дышетомы но со понна ум жалялэ дырмес но, кужыммес но. (Лыдӟе Мадёнъёсты 2:4, 5.)

3. Кызьы Иегова тӥледлы юрттыны быгатэ?

Иегова — Ваньмызлэсь Кужмо Инмар. Со милям Кылдытӥсьмы но Эшмы. Солэн потэ, тӥ соин матэгес мед тодматскоды шуыса. Соин ик со тӥлесьтыд «мылкыддэс ӝутэ, ӟеч ужъёс тӥледыз лэсьтытэ» (Филиппыослы 2:13). Иегова котьку дась тӥледлы юрттыны. Кулэ луиз ке, со тӥлесьтыд мылкыддэс но ӝутыны быгатэ Библиез дышетыны яке улонады пыртыны сое, мае тӥ тодӥды. Нош тӥледлы кужым кулэ луиз ке кыӵе ке шуг-секытъёс пыр яке уйылон-уллянъёс пыр потыны, со одно ик тӥледлы юрттоз. Котьку Иеговалы вӧсяське но куре юрттыны тӥледлы Библиез азьланяз но дышетыны (1 Фессалоникаослы 5:17).

МУРГЕС ЭСКЕРЕ

Тодэ, мар кароно, азьланяз но Библиез дышетон понна, тӥляд дырды ӧвӧл ке яке тӥледлы мукетъёсыз люкето ке. Озьы ик тодэ, кызьы Иегова тӥледлы юрттыны быгатэ.

4. Библия дышетонэз дунъяны кулэ

Куддыръя, трос ужъёсын сэрен, Библиез дышетыны дыр уг кыльы ни кадь. Мар соку карыны луоз? Лыдӟе Филиппыослы 1:10 но та юанъёслы валэктонъёс сётэ:

Мар, тӥ малпамъя, улонын «ӟечез» луэ?
Кызьы тӥ возьматыны быгатоды, Библия дышетонэз дунъяськоды шуыса?

А. Ведрае нырысь луо понӥд ке, изъёс уз тэре ни
Б. Нош нырысь изъёсты понӥд ке, соку луо но тэроз. Озьы ик улонад но: «ӟечсэ бырйыны» быгатӥд ке, мукет ужъёслы но дыр шедёз

Библиез дышетонэз сиёнэн ӵошатыны луоз. Кызьы улон понна милемлы сиён кулэ, озьы ик улон понна милемлы Инмар сярысь тодон-валан басьтоно но солы йыбыртъяно. Лыдӟе Матфейлэсь 4:4 но та юанлы валэктон сётэ:

Кызьы адямилэн улонэз воштӥськоз, со Библия дышетонэз дунъяз ке?

5. Библиез дышетэмысь эн дугдэ, тӥледлы люкетыны тыршо ке но

Оло нош, куд-ог адямиос тӥледлы Библиез дышетыны люкетозы. Тодматске Франческолэн учыреныз. Учке ВИДЕОРОЛИКЕЗ но та юанъёслы валэктонъёс сётэ:

ВИДЕОРОЛИК: «Юн луэмез понна бакель каремын» (5:22)

Мар каризы Франческолэн эшъёсыз но ӵыжы-выжыосыз, куке со вераз, Библиез дышетыны кутскиз шуыса?
Кызьы Франческо бакель каремын вал, юн луэмез понна?

Лыдӟе 2 Тимофейлы 2:24, 25 но та юанъёслы валэктонъёс сётэ:

Кызьы учко ӵыжы-выжыосты но эшъёсты Библиез дышетэмды шоры?
Та кылбуръёсты учконо ке, кызьы асьтэды возёно, кинлы ке уг кельшы ке, тӥ Библиез дышетӥськоды шуыса? Валэктэ.

6. Иеговалэсь юрттэт куре

Иеговалы матэгес кариськыса, милям сое тросгес но тросгес шумпоттэммы потэ. Нош улонэз воштыны но Иеговалэн куронъёсызъя улыны секыт кадь потыны быгатэ. Но эн сётске! Иегова тӥледлы юрттоз. Учке ВИДЕОРОЛИКЕЗ но та юанъёслы валэктонъёс сётэ:

ВИДЕОРОЛИК: «Иегова юрттэ милемлы воштӥськыны» (3:56)

Кызьы Джим аслэсьтыз улонзэ воштӥз, Иеговаез шумпоттон понна?
Маин кельшиз тӥледлы солэн учырез?

Лыдӟе Еврейёслы 11:6 но та юанъёслы валэктонъёс сётэ:

Мар каремез потэ Иеговалэн «Ассэ утчасьёслы», яке соослы, кинъёс тыршо со сярысь тодыны но солэн куронъёсызъя улыны?
Кызьы та кылбурысь адӟиське, кельше-а Иеговалы, куке со адӟе тӥлесьтыд Библиез дышетыны тыршемдэс? Малы тӥ озьы малпаськоды?

КИН КЕ НО ЮАНЫ БЫГАТОЗ: «Малы тӥ Библиез дышетӥськоды?»

Мар тӥ верасалды?

ТОДЭ ВАЁН

Библиез дышетыны котьку ик капчи ӧвӧл ке но, со одӥг гинэ сюрес, кудӥз пумтэм вапумъёс ӵоже шумпотыса улонэ нуэ. Азьланяз но Иеговалэсь юрттэтсэ куре, со одно ик тӥледлы юрттоз.