UYONO 12
Die Yen Cha Chọn Wẹ Uko Vwo Muomaphiyọ Uyono ri Baibol Na?
Wọ cha mrẹ erere gbidiki siẹrẹ wo de yono Baibol na. Ẹkẹvuọvo, ọ ghwa lọhọ ọkieje-e. Ọkiọvo, wo se roro sẹ wo se muomaphiyọ uyono ri Baibol ọkieje. Diesorọ a vwọ davwẹngba eje vwo ruo? Die yen sa chọn wẹ uko vwo ruo ọ da tobọ dianẹ ọ bẹn kẹ wẹ?
1. Diesorọ uyono ri Baibol vwọ ghanre?
“Ota rẹ Ọghẹnẹ na ọkpokpọ gbrọgbrọ sasasa.” (Hibru 4:12) Baibol na pha ghanghanre kidie o djunute oka rẹ ohwo Ọghẹnẹ hepha vẹ iroro ro vwo kpahen avwanre. Ọ chọn avwanre uko vwo vwo erianriẹn, aghwanre vẹ iphiẹrophiyọ. Ma rho kparobọ, Baibol na chọn avwanre uko vwọ dia ugbeyan ri Jihova. Wo de yono Baibol na, kọyen wọ vwẹ uphẹn kẹ rere o sun akpeyeren wẹn.
2. Diesorọ a vwọ riẹn ọghanrovwẹ rẹ uyota rehẹ Baibol na?
Uyota rehẹ Baibol na họhọ efe eghanghanre. Ọnana yen sorọ Baibol na vwọ ta: “Dẹ uyota reyọ, wọ shẹ-ẹ.” (Isẹ 23:23) A da karophiyọ nẹ uyota rehẹ Baibol na pha ghanghanre, ka cha davwẹngba vwọ nabọ yono, ọ da tobọ dianẹ e hirharoku ẹdia egangan.—Se Isẹ 2:4, 5.
3. Mavọ yen Jihova sa vwọ chọn wẹ uko vwo yono ọkieje?
Kerẹ Ọmemama rode rọ je dia ugbeyan wẹn, Jihova guọnọ chọn wẹ uko vwo yono kpahọn. Ọ sa “kẹ wẹ owenvwe vẹ ẹgba wo vwo ruiruo.” (Se Filipae 2:13, NW.) Ọtiọyena, Jihova cha chọn wẹ uko ọ da dianẹ wọ guọnọ owenvwe wo vwo yono ji reyọ obo wo yonori vwo ruiruo. Ọ je sa kẹ wẹ ẹgba wo se vwo phi ebẹnbẹn yẹrẹ omukpahen kparobọ. Vwẹ ọkieje vwọ rẹ Jihova nẹ ọ chọn wẹ uko vwo muomaphiyọ uyono ri Baibol na.—1 Tẹsalonaika 5:17.
HIẸ KODO
Yono obo wo se vwo muomaphiyọ uyono ri Baibol ọ da tobọ dianẹ iruo vọn wẹ abọ yẹrẹ e muẹkpahen owẹ. Gbe roro kpahen oborẹ Jihova cha vwọ chọn wẹ uko vwo muomaphiyọ uyono ri Baibol na.
4. Vwẹ uyono ri Baibol wẹn vwọ kobaro
Ọkiọvo, erọnvwọn sa gan te asan rọ da dia bẹnbẹn ra vwọ mrẹ ọke vwo yono Baibol na. Die yen sa chọn wẹ uko? Se Filipae 1:10, ovwan ta ota kpahen enọ nana:
-
Die yen wo rorori nẹ eyen evo usun rẹ ‘obo re ma ghanre’ vwẹ akpeyeren?
-
Mavọ wọ sa vwọ vwẹ uyono ri Baibol wẹn vwọ kobaro?
-
Wọ da ghwẹ ekpẹn vọn ikoroba ji phi ibieragha phiyọ, ibieragha na cha sa ruọ-ọ
-
Wo de ke phi ibieragha na phiyọ, ekpẹn na ke cha mrẹ asan ro vwẹ ikoroba na. Ọtiọyen ọ je hepha, wọ da vwẹ ‘erọnvwọn re ma ghanre’ vwọ kobaro vwẹ akpeyeren wẹn, ku wo se ru ayen wiẹn ji vwo ọke vwọ kẹ erọnvwọn efa
Uyono ri Baibol na sa chọn wẹ uko vwọ riẹn Jihova je vwẹ ẹga vwọ kẹ. Se Matiu 5:3, ovwan ta ota kpahen onọ nana:
-
Erere vọ yen se norhe siẹrẹ a da vwẹ uyono ri Baibol vwọ kobaro?
5. Muomaphiyọ uyono ri Baibol na vwẹ ọke rẹ omukpahen
Ọke evo, ihwo evo sa davwẹngba vwọ dobọ rẹ uyono ri Baibol wẹn ji. Jokaphiyọ udje ri Francesco. Hworo IVIDIO na, ovwan ta ota kpahen enọ ri nenire.
-
Vwevunrẹ ividio na, die yen igbeyan vẹ ihwo rẹ orua ri Francesco ruru ọke rọ vwọ vuẹ ayen kpahen obo ro yono?
-
Erere vọ yen ọ mrẹre o vwo muomaphiyọ uyono ri Baibol na?
Se 2 Timoti 2:24, 25, ovwan ta ota kpahen enọ nana:
-
Mavọ yen oma ru ihwo rẹ orua vẹ igbeyan wẹn kpahen obo wo yono na?
-
Vwo nene obo rehẹ ẹkpo ri Baibol na, die yen ofori nẹ wo ru ọke rẹ ivun de miovwo ihwo kidie nẹ wo yono Baibol na? Kẹ, diesorọ?
6. Vwẹroso ukẹcha ri Jihova
E vwo siẹkẹrẹ Jihova phiyọ ye, jẹ owenvwe re vwo ru obo re vwerhọn oma ganphiyọ. Ẹkẹvuọvo, ọ sa bẹn re vwo ru ewene ji yerin akpọ nene iwan ri Jihova. Ọ da dia ọtiọyen kẹ wẹ, wo jẹ oma rhọ wẹ-ẹ. Jihova cha chọn wẹ uko. Hworo IVIDIO na, ovwan ta ota kpahen enọ ri nenire.
-
Vwevunrẹ ividio na, ewene vọ yen Jim ruru o se vwo ru obo re vwerhen Jihova oma?
-
Die yen vwerhen owẹ oma kpahen ikuegbe ri Jim na?
Se Hibru 11:6, ovwan ta ota kpahen enọ nana:
-
Die yen Jihova che ru kẹ “ayen otu re guọnerọ”—kọyen ihwo re davwẹngba ayen vwo vughe ji ru obo re vwerhọn oma?
-
Die yen ọnana yono uwe kpahen oborẹ oma ruẹ Jihova ọke rọ da mrẹ ẹgbaẹdavwọn wo vwo yono Baibol na?
OHWO SA NỌ: “Diesorọ wo vwo yono Baibol na?”
-
Die yen ẹkpahọnphiyọ wẹn?
ỌDJẸKOKO
Dede nẹ ọ dia ọkieje yen ọ vwọ lọhọ-ọ, uyono ri Baibol sa chọn avwanre uko vwo vwo omavwerhovwẹn bẹdẹ. Vwẹroso Jihova ọkieje, ọ cha hwosa kẹ wẹ.
Ẹrhomafuẹrẹn
-
Diesorọ uyota rehẹ Baibol na vwọ ghanre kẹ wẹ?
-
Mavọ yen wọ sa vwọ riẹn ‘obo re ma ghanre’?
-
Diesorọ wọ vwọ nokpẹn rẹ ukẹcha ri Jihova wo se vwo muomaphiyọ uyono ri Baibol na?
HIẸ GUỌNỌ
Roro kpahen owọẹjẹ ẹne re vwẹ ukẹcha kẹ ihwo buebun re vwọ nabọ rhuẹrẹ ọke rayen phiyọ.
“Obo Wọ Sa Vwọ Vwẹ Aghwanre Vwọ Rhuẹrẹ Ọke Wẹn Phiyọ” (Awake!, February 2014)
Jokaphiyọ ukẹcha rẹ Jihova vwọ kẹ aye ọvo rọ davwẹngba vwo ru ọhọre rẹ Ọghẹnẹ dede nẹ ọshare rọyen riẹn oboresorọ o vwo ruo-o.
Vwo oniso rẹ erere ọshare ọvo mrẹre vwo nẹ erhiorin rẹ aye rọyen.
Ọke evo, ihwo evo tanẹ Iseri ri Jihova hra orua. Ọyena uyota?
“Iseri ri Jihova Hra Erua Gbanẹ Ayen Bọn Orua Gan?” (Uyovwinrota rọhẹ jw.org)
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
