Iche wichi iyhaj toj yen tichunhayaja toj lhaichufwenej Biblia hope mʼak toj atha, mat iwoyek iche mʼak toj ikalhi wet tajtso isiyeja. Nʼalej toj iche lewhay toj yʼatshan ame che tʼuhawetej toj letujlhache toj alechufwenej Biblia. ¿Atsi mʼak toj tamenej toj laha ihi toj alekhajyenej? ¿Atsi mʼak toj tachʼotla ame toj letujlhache toj alechufwenej tej toj iche nʼowitʼayhyajay toj iʼamej?

1. ¿Atsi mʼak toj tamenej toj tʼuhawetej che alechufwenej Biblia?

«Dios lhämet iläy wet takhajay» (Hebreos 4:12). Biblia hope nʼowʼayhat toj matche toj laha ihi, hop toj yome Dios letichunhayajay wet chi malhyej (ep hote) toj iti amej lehumnhayaj. Lehanhiyeja wujpe mʼayhay toj isila mʼak toj lhehi wet lewʼenla aniwhayaj toj tatay alhoho. Wet mʼak toj lhayʼe lhip toj laha ihi toj Biblia yome hope toj iwohiyelak ahope Heowa lakalayʼi. Lewhay che alechufwenej Biblia akajyaj ihihla.

2. ¿Atsi mʼak toj tamenej toj is che nahanej ihi toj mʼak toj Biblia yome hope tʼat mʼak toj matche?

Mʼak toj matche toj Biblia yome hope tʼat mʼak toj wuj toj laha ihi. Hop toj tamenej toj yome toja: «Akhajyenchʼoye mʼak tä matche [...]. Wet chik lekatej, yej wompe mʼak tä lewatlä» (Proverbios 23:23). Che nenpej tichunhayaja toj laha ihi mʼak toj Biblia yome nalekhajyenejla hopkhilak natujlhache toj nalhaichufwenej tej che iche nʼowitʼay toj inamejen (yahyen Proverbios 2:4, 5).

3. ¿Atsi mʼak toj Heowa iwohiyela hopkhilak letujlhache toj alechufwenej Biblia?

Toj Heowa hope elh toj lhenhay nilhokej mʼayhay toj iche wet hope akalayʼi, matche toj itafwel amej wet tʼuhlak tachʼot ame hopkhilak lhayʼe lhip toj letafwelej lham. Dios iwoyek iwoyej ame toj «lehuminay wet lewoyaye lham lenechʼethayaj» (yahyen Filipenses 2:13). Toj malhyejtso, che iche lewhay toj lewatlak tachʼot ame hopkhilak alechufwenej wok lechumyenlhi mʼak toj lehanej, lham tachʼotla ame. Wet, che lewatlak akhajyhayaj hopkhilak letumla mʼak at che hope wok chik wichi iyhaj inu ame, lham hiwʼenla amho. Yej leyej toj letʼalhepej Heowa che tachʼot ame toj letujlhache toj alechufwenej Biblia (1 Tesalonicenses 5:17).

 NATʼAYHETTSHI TOJ NALECHUFWENEJ

4. Kalelhat amho toj alechufwenej Biblia hope tʼat mʼak toj matche toj laha ihi

Ichepej toj atha namhohen toj nawʼen lewhay hopkhilak nalechufwenej Biblia, hop toj nawʼen wujpe mʼayhay toj is che nawoye. ¿Atsi mʼak toj iwoyek nawoye? Yahyen Efesios 5:16 wet ame mʼayhayna:

• ¿Atsi mʼayhay iyhaj toj matche toj laha ihi toj «[na]wo kotsayej» lewhay? ¿Chi malhyej (Ep hote) atichunhayaj?

• ¿Atsi mʼak toj iwoyek lewoye hopkhilak toj alechufwenej Biblia hope tʼat mʼak toj matche toj laha ihi?

1. Che letsayho holo balde wet che paj lethatho tuntey, tuntey lewʼet ihihitʼala.

2. Mat che lechunkat toj lethatho tuntey, holo lewʼet ihihla. Malhyejtso che lechunkat toj lewoye mʼayhay toj laha ihi, iwohiyelak lekalhi toj lewoye wet hate lewʼenla lewhay hopkhilak lewoye mʼayhay iyhaj.

Nilhokej wichi nʼoyenwetha pʼante hopkhilak itafwelej Dios wet nʼokwiyej. Hopkhilak nʼowoye tajtso laha ihi che nʼolhaichufwenej Biblia. Yahyen Mateo 5:6 wet ame mʼayhayna:

• Che hope tʼat mʼak toj nawatla toj nalhaichufwenej Biblia, ¿chi malhyej (ep hote) toj naisej?

 5. Tujlhache toj alechufwenej Biblia tej che iche iyhaj toj ihuminhitʼa toj lewoye tajtso

6. Is che letʼekhaye toj Heowa tachʼotla ame

 MʼAYHAY TOJ LETETSHANNE

Ihichela lewhay toj athahla amho toj alechufwenej Biblia, tachʼotla ame toj akajyaj lepes ihihitʼala. Che letʼekhaye tʼat Heowa, lham hiwʼenla amho hawʼayhat.

Mʼayhay toj nalechufwenejne

• ¿Atsi mʼak toj tamenej toj lehumin nʼochufwenyajay toj matche toj talho Biblia?

• ¿Atsi mʼak toj iwoyek lewoye hopkhilak «[le]wo kotsayej» lewhay toj lewʼen?

• ¿Atsi mʼak toj tamenej toj is che letʼalhepej Heowa toj tachʼot ame toj alechufwenej Biblia?