ბიბლიაშ გურაფას ჯგირობუა მოუღ, მარა გურაფა შილებე ირო ვა რდას ადვილ. მინშა შილებე ფიქრენდათ, შეგალებენა დო ვარ ბიბლიაშ გურაფაშ გაგრძელება. მუშენ ღირჷ, მონდომა ვა დარკათ, ნამდა გაგრძელათ ბიბლიაშ გურაფა? მუ მიგეხვარებნა, სირთულეეფიშ უმკუჯინუო ვემიოტუათ თინა?

1. მუშენ რე ბიბლიაშ გურაფა მნიშვნელოვან?

„ღორონთიშ სიტყვა ცოცხალ დო მოქმედ რე“ (ებრაელები 4:12). ბიბლია ძვირფას რე, მუშენდა თექ მოჩამილ რე ღორონთიშ აზრეფ დო თინა, მუდგას თქვან მიმართ გინაფლენს. ღორონთიშ სიტყვა ხვალე რჩქინაშ მეღებას ვარინ ნამდვილ სიბრძნე დო იმენდიშ მეღებას ხოლო გოხვარნა დო მუთ არძაშ უმოს მნიშვნელოვან რე, თინა გოხვარნა, გინირთათ იეჰოვაშ მეგობარო. ბიბლიაშ გურაფაშ დროს თქვა საშვალებას არზენთ თიშ ძალას, დადებითო იმოქმედას თქვან ცხოვრებაშა.

2. მუშენ რე მნიშვნელოვან გარჩქილედან, მუსხით ძვირფას რე ბიბლიურ ჭეშმარიტება?

ბიბლიას მოჩამილ ჭეშმარიტება ძვირფას განძის ქოგჷ, ათეშენ თინა მომწოდენა: „ქიჸიდ ჭეშმარიტება დო დღას ვეგმოჩა“ (იგავები 23:23). ბიბლიურ ჭეშმარიტება მუსხით ძვირფას რენ თენა ქუმარჩქილენან-და, მონდომას ვადვარკენთ გურაფაშ გაგრძელებას, თიმწკუმა ხოლო, მუჟამსით დაბრკოლებეფს შეფხვადუთ (წეკითხით იგავეფიშ 2:4, 5).

3. მუჭო შეულებ იეჰოვას მიგეხვარან, გაგრძელათ ბიბლიაშ გურაფა?

იეჰოვას, მუჭოთ თქვან მეგობარს დო ირფელიშშემალებე გუმაჭყაფალს, სურვილ უღჷ, მიგეხვარან, ქიდიგურუათ თიშ გურშენ. თინა „სურვილს ხოლო გირჩქინანა დო მოქმედებაშ ძალას ხოლო გარზენა“ (წეკითხით ფილიპელეფიშ 2:13). ათეშენ, იეჰოვას შეულებ, მიგეხვარან, მუჟამსით უმოს სტიმულ გოსაჭირნა, ნამდა ქიდიგურუათ ვარდა გეგმირინუათ ნაგურეფ ცხოვრებას. სირთულეეფიშ ვარდა დაბრკოლებეფიშ გიორგჯგინალო უმოს ძალა ქუგოსაჭირნა-და, თის შეულებ ქიმერჩან თინა. ირიათო ქოთხით იეჰოვას ლოცვათ, ქიმგეხვარან, გაგრძელათ ბიბლიაშ გურაფა (1 თესალონიკელები 5:17).

 ქიგეგით უმოს

4. ქიგიორინეთ ბიბლიაშ გურაფა პირველ ადგილს

მინშა თიცალ დაკავებულეფ ვორეთ, ნამდა ფიფქრენთ, ბიბლიაშ გურაფაშო დასაბაღ დრო ვა მიღნა. მუქ შილებე მიმეხვარან? წეკითხით ფილიპელეფიშ 1:10 დო თეშ უკულ გარჩით თუდო მოჩამილ კითხვეფ:

• თქვან აზრით, მუ რე ცხოვრებას „უმოს მნიშვნელოვან“?

• მუჭო შეილებნა ბიბლიაშ გურაფა პირველ ადგილს ქიგიორინუათ?

1. ა. ვედრას დიო ქვიშას ქინარღვანთ დო უკულ ქუალეფიშ ენოდვალას ქეცადებუთ-და, თინეფ ვენგანტირენა

2. ბ. დუდშე ქუალეფს ქენოდვანთ-და, ქვიშაშ უმენტაშიშ ინარღვაფალო ხოლო დუგოსქიდნა ადგილ. თეშნერო, ცხოვრებას პირველ ადგილს „უმოს მნიშვნელოვანს“ ქიგიორინუანთ-და, შეგალებენა თიშ ბოლოშა მეჸუნაფა დო შხვა მუდგარენეფშო ხოლო ქუდგოსქიდნა დრო

ბიბლიაშ გურაფა აკმაყოფილენს ჩქინ სულიერ მოთხოვნილებას — იფჩინენდათ ღორონთის დო თაყვანს ფცენდათ თის. წეკითხით მათეშ 5:3 დო თეშ უკულ გარჩით თუდო მოჩამილ კითხვა:

• მუ ჯგირობუას მიბღენთ, მუჟამსით ბიბლიაშ გურაფას პირველ ადგილს ქიგვორინუანთ?

 5. ვემიოტუათ გურაფა წინააღმდეგობეფიშ უმკუჯინუო

6. რჯერდან, ნამდა იეჰოვა მიგეხვარებნა

 დასკვნა

მართალ რე, ბიბლიაშ გურაფა ირო ადვილ ვა რე, მარა თენა მიგეხვარებნა, მარადიულო გეხარათ ცხოვრებათ. გაგრძელით იეჰოვაშა მენდება დო თინა გაკურთხენა.

გამეორებელ კითხვეფ

• მუშენ რე თქვანო ბიბლიურ ჭეშმარიტება ძვირფას?

• მუჭო შეილებნა დერწმუნათ, „მუ რე უმოს მნიშვნელოვან“?

• მუშენ ოკო თხუათ იეჰოვას მოხვარა, ნამდა ვემიოტუათ ბიბლიაშ გურაფა?