DILONGI 12
Mbi bilenda ku sadisa wu tatamana ndongokolu’aku yi Bibila?
Thangu tuedi nzila, tueta kue dengana mambu mamboti vayi thangu zinkaka phe tueta kue dengana mambu maphasi. Phila kuandi mosi phe ayi ndongokolo yi Bibila. Yeta kuiza ba thangu zinkaka tukiyuvusa keni tulenda nunga tatamana ndongokolo’eto. Vayi bila mbi yididi mfunu tutatamana? Mbi bilenda kusadisa wutatamana bulendakana ziphasi?
1. Bila mbi ndongokolo yi Bibila yididi mfunu wombo?
“Mambu ma Nzambi madi moyo ayi malembu sadi ngolo.” (Ebelewo 4:12) Bibila mfunu wombo kidi, bila kilembu tumonisa mayindu ma Nzambi ayi phila yoyi keta tumuena. Kidi tho yi nzailu, yi nduenga, yi kiedika ayi yi vuvu. Buela diaka, kieta tusadisa tu ba bakundi ba Yehova. Mu thangu tulembu longuka Bibila, luzingu lueto loso lueta baluka.
2. Bila mbi fueti vanina luvalu mu kiedika ki Bibila?
Kiedika ki Bibila kidi kimvuama kikiedika. Diawu Bibila kitubidi ti: “Sumba kiedika ayi kadi kukitekisa.” (Zingana 23:23) Mu thangu tunyindudila luvalu lu kimvuama kiphila yoyi, matutatamana longuka Bibila bulendakana minkaku.—Tanga Zingana 2:4, 5.
3. Bue Yehova kalenda kusadisila muingi wutatamana longuka Bibila?
Yehova nioni widi mvangi wunkua ngolo yoso ayi kundi’aku; lutidi lulendo, tidi kusadisa wun’zaba. Wulenda kuvana “luzolo lusadila ayi luvangila mambu.” (Tanga Filipi 2:13.) Diawu ti thangu zinkaka wununganga ko longuka, voti sadila mambu mo wulembu longuka, wulenda tula ntima mu lusadusu luandi. Ayi ti tidi wubaka zingolo zi nungina nzomono, Yehova kalenda kuvana zingolo. Tulanga lusambulu thangu ka thangu kuidi Yehova muingi kasadisa wutatamana.—1 Tesalonika 5:17.
TUVISA MBOTI MBOTI
Tutala bue tulenda tatiminina longuka Bibila bulendakana mambu mawombo tuidi ma vanga voti nzomono yilembu tutatikisa. Ayi tutala bue Yehova keta tusadisila.
4. Tula ndongokolo’aku yi Bibila va buangu kitheti
Thangu zinkaka wulenda ba ayi mambu mawombo ma vanga ayi wulenda tuba ti ndisi ko thangu yilongukila Bibila. A buabu, bue butudila? Tanga Filipi 1:10 ayi vana mimvutu mu biuvu biabi:
-
Ngeyo bue wummuena, mambu mbi “malutidi mfunu” mu luzingu?
-
Bue butudila ndongokolo yi Bibila va buangu kitheti?
-
Enati tutuamini tula tsiengisini mu katini, matadi ma moso medi bo ba ko buangu kio mam’ba
-
Enati tutuamini matadi, buangu makibakana mu diambu di tsiengisini yoso. Mu luzingu, ti tutuamini tula “mambu ma mfunu” va ntuala, tuela baka thangu yikumavangila, ayi thangu yela bakana yivangila mambu moso mankaka
Longuka Bibila kueta tusadisa tudukisa ziphuila zieto zikipheve, yinsundula phuil’eto yi zabila ayi yisambila Nzambi. Tanga Matayi 5:3 ayi vana mvutu mu kiuvu kiaki:
-
Mamboti mbi wulenda baka enati tudidi ndongokolo yi Bibila va buangu kitheti?
5. Tatamana bulendakana wulembu dengana zinzomono
Batu bankaka balenda tomba thangu zinkaka bue balenda kuvongisila mosi wubika bue longuka Bibila. Tala kifuani ki Francesco. Tala VIDEO ayi vana mimvutu mu biuvu biabi bilandikini.
-
Thangu Francesco kakamba nguandi ayi bakundi bandi mambu momo kabe longukanga, mbi batula?
-
Mfutu mbi ka baka mu tatamana kuandi?
Tanga 2 Timote 2:24, 25 ayi vana mimvutu mu biuvu biabi:
-
Dikanda diaku ayi bakundi baku, mabanza mbi makala yawu mu mambu momo weti longuka?
-
Mu tadila ziverse ziazi, mbi wufueti tula ti batu bakadi yangalala mu thangu wulembu longuka Bibila? Bila mbi?
6. Tudila lusadusu lu Yehova ntima
Bobuawu tunluta fikimina Yehova, buawu tunluta bela phuila yinkuyangidika. Bulendakana buawu, thangu zinkaka tulenda mona phasi mu balula mambu mankaka mu luzingu lueto mu diambu di kinzika minsiku miandi. Ti ngeyo phe buawu wulembu muena, muna kadi vonga. Yehova tidi kusadisa. Tala VIDEO ayi vana mimvutu mu biuvu biabi.
-
Mambu mbi Jim kabalula mu luzingu luandi mosi kayangidika Yehova?
-
Diambu mbi dilutidi kuyangidika mu disolo diandi?
Tanga Ebelewo 11:6 ayi vana mimvutu mu biuvu biabi:
-
Mbi Yehova keta tula “kuidi batu bobo beta kuntomba mu ntim’awu woso,” yinsundula batu bo beta tula zingolo mu kun’zaba ayi kunyangidika?
-
Mu tadila verse beni, bue Yehova keta muena mu thangu wulembu tudi zingolo mu longuka Bibila?
BALENDA KUYUVUSA: “Bila mbi wulembu longukila Bibila?”
-
Mbi wulenda vutula?
MU BUKHUFI
Longuka Bibila kulenda kusadisa wubaka moyo wu mvu ka mvu. Zingolo dintomba, vayi ngeyo tudila Yehova ntima wela baka mfutu.
Phutukulu
-
Bila mbi kiedika ki Bibila kididi luvalu kuidi ngeyo?
-
Bue wulenda tudila va buangu kitheti “mambu malutidi mfunu?”
-
Bila mbi wufueti tombila lusadusu kuidi Yehova muingi wutatamana longuka Bibila?
TALA MAMBU MANKAKA
Mambu maya (4) mamfunu mo meta sadisa batu bawombo banunga sadila thangu’awu bumboti.
“Ndenge ya kosalela ntango na yo malamu” (Lamuká! ya 02/2014)
Nketo mosi mu dikanda diandi weba tulanga zingolo mu yangidika Nzambi, vayi nnuni’andi kabe kunsudikanga ko. Bue Yehova kasadisila nketo beni?
Bakala dimosi wuyiza ba nkundi Nzambi mu bila kitatamana ku nketo’andi.
Beta vunina Bambangi zi Yehova mambu ti bawu beta vonda makanda. Buawu buididi?
“Batatoli ya Yehova bapanzaka mabota ya bato to basangisaka yango?” (Lisolo oyo ezali na Internet)
