UMBUESÁ 12

Maã usú uajudari ti arama repituú reyumbué Bíblia resé?

UYUPIRŨ

Puranga retana yayumbué ramé Bíblia resé. Ma amuramé ti iwasuíma yandé arama. Amuramé remanduári: “Será ti kurí apituú ayumbué Bíblia resé?” Marã puranga piri ti repituú? Maã upoderi uajudari indé até iwasú ramé indé arama?

1. Marã importante reyumbué Bíblia resé?

“Ñhãsé kuá Deus Ñheenga upakawaá aé, kirimbawa aé.” (Ebreoitá 4:12) Importante retana yayumbué Bíblia resé. Aé uajudari yakuá arama maã Deus umanduári asuí maã Aé usaã yané rupí. Bíblia ajuda irum, resú reyumbué siya maã pisasuwaá, resú reviveri puranga piri asuí resú resarú purangawaá ne rundé kití. Importante piri: aé usú uajudari repitá arama mayé Jeová rumuara. Reyumbué ramé Bíblia resé, aé usú uajudari reviveri arama puranga piri.

2. Marã importante yavalorizari maã Bíblia umbuewaá?

Kuá supiwaá Bíblia resé aé puranga retana. Yawewaá resewara aé umbeu ‘yapiripana arama supiwaá, ne mairamé yavenderi arama aé’. (Provérbios 23:23) Mairamé yavalorizari maã Bíblia umbuewaá, ti yasú yapituú yayumbué isesé, até ti ramé iwasuíma yasaã.— Releri Provérbios 2:4, 5.

3. Mayé Jeová upoderi uajudari ti arama repituú reyumbué Bíblia resé?

Jeová Aé yané Muñhãgara upoderiwaá piriwaá asuí Aé ne rumuara. Aé ukuá pañhe maã ne resé asuí uputari uajudari rekuá arama awá taá Aé. Jeová upoderi “upurakí ne piá upé, uxari surí indé remuñhã arama mayé uputariwaá yawé”. (Releri Filipowaraitá 2:13.) Yawé arama, sá amuramé reputari repituú u iwasú resaã remuñhã arama mayé reyumbuewaá yawé, Deus upoderi uajudari indé. U sá resasá ramé reikú iwasuwaá rupí, Jeová usú uikú ne irum uajudari arama indé. Repurandúwara Jeová irum uajudari arama reyumbué Bíblia.— 1 Tesalonikawaraitá 5:17.

REYUMBUÉ PIRI ARAMA

Remaã ne rangá ti arama rexari reyumbué Bíblia resé, até mairamé amuitá ti ta ugustari u rerikú ramé siya maã remuñhã arama. Remaã yuíri mayé Jeová upoderi uajudari ti arama repituú.

4. Rexari amuitá ta ukuá arama importante indé arama reyumbué Bíblia resé

Yamuñhã resewara siya maã amuramé yamanduári ti yarikú tempo yayumbué arama Bíblia resé. Maã upoderi uajudari yandé? Peleri Filipowaraitá 1:10. Ariré pekuntari kuá resé:

Maã akuá importante piri yané vida upé?
Mayé rexari ta ukuá importante indé arama reyumbué Bíblia resé?

Sá repurakari primeiro yepé balde praia irum asuí ariré reputari remburi itá yárupi, ti usú umeẽ kuaitá itáitá.
Ma sá remburi ramé itáitá primeiro, ape usú umeẽ remuiké arama praia yuíri. Yaweté yuíri, sá remuñhã primeiro maã importante piriwaá, resú repoderi remuñhã amú maã yuíri.

Reyumbué ramé Bíblia resé uajudari rekuá arama Deus resé asuí readorari arama Aé. Peleri Mateu 5:3. Ariré pekuntari kuá resé:

Maã purangawaá yasú yarikú yamaã ramé importante yayumbué Bíblia resé?

5. Te rexari amuitá ta umuñhã repituú

Amuramé amuitá ta usikari ta umuñhã repituú reyumbué Bíblia resé. Remaã Francesco exemplo. Pemaã kuá VÍDEO. Ariré pekuntari kuá resé:

VÍDEO: Aé urikú purangawaá ti resewara upituú (5:22)

Kuá vídeo upé, maã Francesco anamaitá asuí isumuaraitá ta umuñhã mairamé aé ukuntari aintá supé maã resé uyumbuewaá uikú?
Maã purangawaá aé urikú ti resewara upituú?

Peleri 2 Timóteo 2:24, 25. Ariré pekuntari kuá resé:

Maã ne anamaitá asuí ne rumuaraitá ta umanduári maã resé reyumbuewaá reikú?
Mayé kuá versículoitá umbeu, maã rerikuté remuñhã sá yepé mira ti uputari reyumbué Bíblia resé asuí marã?

6. Reruyari Jeová usú uajudari indé

Yapitá ramé Jeová rumuara yasú yaputari yamusurí Aé. Amuramé ti iwasuíma yatrocari arama yané vida yamuñhã arama maã Aé upuranduwaá yamuñhã arama. Reyusaã ramé kuayé, te repituú. Jeová usú uajudari indé. Pemaã kuá VÍDEO. Ariré pekuntari kuá resé:

VÍDEO: Jeová uajudari yatrocari arama yané vida (3:56)

Kuá vídeo upé, maã Jim uprecisari utrocari ivida upé umusurí arama Jeová?
Maã indé regustari Jim história suí?

Peleri Ebreoitá 11:6. Ariré pekuntari kuá resé:

Maã Jeová usú umuñhã awaitá rupí “uputariwaitá aé”, asuí ta usikariwaá ta ukuá isesé asuí ta umusuriwaá Aé?
Indé arama, mayé Jeová uyusaã umaã ramé kirimbawa resikari reyumbué Bíblia resé?

AWÁ UPURANDÚ RAMÉ NE SUÍ: “Marã reyumbué reikú Bíblia Umbeusaitá irum Jeová resé?”

Mayé resú resuaxara?

MAÃ REYUMBUÉ

Ti iwasuíma yayumbué arama Bíblia resé. Ma remuñhã ramé kuayé usú uajudari reikú arama surí pañhe ara. Reruyariwara Jeová resé asuí usú uabençoari indé.