Neca galán nga gúʼndaluʼ Biblia peru nuu tiru raca ni nagana. Zándaca guiníʼ íqueluʼ pa zándaruʼ guni estudiarluʼ Biblia. ¿Xiñee galán cadi gusaana de guni estudiarluʼ ni yaʼ? ¿Xi zacané lii cadi guireeluʼ gana neca gápaluʼ guendanagana?

1. ¿Xiñee galán nga cadi gusaana de guni estudiarluʼ Biblia?

«Purtiʼ nabani stiidxaʼ Dios ne napa poder» (Hebreos 4:​12). Naca Biblia ti libru nabé risaca purtiʼ luni cá ni riníʼ ique Dios ne ni runi sentir pur lii. Qué zacané si ni lii gánnaluʼ stale cosa, laaca zacaneni lii guicaaluʼ decisión jneza ne zudiini esperanza lii. Ne ni jma risaca nga zanda gacané Biblia lii gaca xhamíguluʼ Jehová. Cada biaje guni estudiarluʼ Biblia, casi ñaca cudiiluʼ lugar gacaneni lii lu xquendanabániluʼ.

2. ¿Xiñee galán gánnanu pabiáʼ risaca guiráʼ ni rusiidiʼ Biblia?

Guiráʼ ni rusiidiʼ Biblia zeeda gácani casi tesoro nabé risaca. Biblia cayabi laanu: «Guzíʼ ni dxandíʼ ne qué chuʼ dxi gutooloʼ ni» (Proverbios 23:​23). Pa gánnanu pabiáʼ risaca guiráʼ ni rusiidiʼ Biblia, zúninu stipa para cadi gusaana de guni estudiarnu neca guidxaagalunu guendanagana (biindaʼ Proverbios 2:​4, 5).

3. ¿Ximodo zacané Jehová lii para cadi gusaana de guni estudiarluʼ?

Cumu Jehová nga Dios ni bizáʼ laanu, laabe nga ni jma napa poder ne xhamígube lii la? runibiáʼ chaahuibe lii ne racaláʼdxibe gacanebe lii gunibiaʼluʼ laabe jma. Zanda gudii Dios lii «deseu ne poder» para gúniluʼ guiráʼ ni riuuláʼdxibe (biindaʼ Filipenses 2:​13). Nga runi, pa maʼ careeluʼ gana guni estudiarluʼ o gúniluʼ ni caziidiluʼ la? zacané Jehová lii. Ne pa cadíʼdiluʼ lu xiixa guendanagana o nuu tu cucueeza lii de guni estudiarluʼ la? zudiibe stipa lii para cadi guireeluʼ gana. Gunabaʼ Jehová gacané lii cadi gusaana de guni estudiarluʼ Biblia (1 Tesalonicenses 5:​17).

 GUIZÍʼDIRUNU JMA

4. Biiyaʼ pabiáʼ risaca para lii guni estudiarluʼ Biblia

Nuu tiru nabé riuu xhiiñanu ne qué gápanu tiempu para guni estudiarnu Biblia. ¿Xi zanda gúniluʼ yaʼ? Laguundaʼ Filipenses 1:​10 ne laiquiiñeʼ ca pregunta riʼ para güitu diidxaʼ:

• Para lii, ¿«xii nga ni jma risaca»?

• ¿Xi zanda gúniluʼ para gusihuínniluʼ rusisácaluʼ guni estudiarluʼ Biblia?

1. Pa guchaluʼ yuxi ndaaniʼ ti vasu ne despué cuʼluʼ caadxi guié, qué zanda chuʼ guiráʼ ni ndaaniʼ vasu ca.

2. Peru pa primeru cuʼluʼ ca guié ca, de racá maʼ yuxi ca la? biaʼsi ziaba guiráʼ ni ndaaniʼ vasu ca. Zaqueca pa gúniluʼ ca cosa «ni jma risaca» primeru lu xquendanabániluʼ la? dede ziaana tiempu para gúniluʼ xcaadxi cosa.

Pa guni estudiarnu Biblia zacaneni laanu gunibiáʼ chaahuinu Dios ne guni adorarnu laa. Laguundaʼ Mateo 5:3 ne laiquiiñeʼ pregunta riʼ para güitu diidxaʼ:

• Pa qué gudiʼnu lugar gucueeza gastiʼ laanu de guni estudiarnu Biblia, ¿ximodo zacaneni laanu?

 5. Cadi guireeluʼ gana neca chuʼ tu gucueeza lii

6. Gupa confianza zacané Jehová lii

 XI BIZÍʼDINU

Neca gaca nagana para lii guni estudiarluʼ Biblia, zanda gacaneni lii guibániluʼ nayecheʼ. Pa gápaluʼ confianza Jehová, zaguube ndaayaʼ lii.

Xi biziidiluʼ

• ¿Xiñee naquiiñeʼ gusisácaluʼ guiráʼ ni rusiidiʼ Biblia?

• Ora maʼ nánnaluʼ «xii nga ni jma risaca», ¿xi caquiiñeʼ gúniluʼ?

• ¿Xiñee naquiiñeʼ guinábaluʼ Jehová gacané lii cadi gusaana de guni estudiarluʼ Biblia?