Wirika Baibiri nga gu nunguro du na mosoroho ti ni. Ono tie si arengbanga kadu ti aregbo dũ taata te. Ti kura aregbo, mo ima rengba kaa bakabangiro singia mo andu kindi kumbatayo kaa wisigo Baibiri. Tipagine rẽhe arẽ ti ni mo naandu kumbatayo kaa wisigoho? Ginipai rengbe ka undo ro mo kpatagara kutini akpakarapai ki vura du vurũ?

1. Tipagine du wisigo Baibiri ti ni na nyanyakipaha?

‘Gu pai nga ga Mbori du na unga, ki du na tandu.’ (AEbere 4:12) Baibiri na nyanyakipaha mbiko si nayugo ga Mbori aberãpai gbiati gu bipai du ko na ni tipa ro. Si naundo ro mo gbia inohe, na kini undo ro a mo gbia ndikidi tatamana gbiati maabangirise. Gu nyakipaha anyaka tie gbe nga Baibiri naundo ro mo da ni bakurea Yekova. Ho mo awisigo Baibiri ni, gure nga mo nambu gu ome du ti ni si du na wene maapai kurii gamo raka.

2. Tipagine duhe ti ni na nyanyakipaha ka ino pa nyakapa agu arengo nga ga Baibiri?

Agu arengo du rogo Baibiri wa kina agu aũkumuko du na nyanyakipaha. Si nga ndu gupai Baibiri angarasa rani ti ni ki ya ‘Mo ngbé rengo, ka mo bági nga ha ya.’ (Asanza 23:23) Ho ani amaa pa nyakapa gu rengo ni nga ga Baibiri ku berãrani yo, si nasarani ani naamanga ome nyanyaki kaa wisigoho kindi zavura ti gu regbo ani agbia tirani na akpakarapai.—Mo gedi Asanza 2:4, 5.

3. Waigu Yekova narengbe ka undo ro mo naawisigopai kindi?

Nidu Yekova ni gu Bakusiahe du na tanduapai dũ na ni Bakureamo, ko naida ka undo ro mo wirikipai tipa ko. Ko ima rengba ‘kafu nyemupai na ome foro tipa mo mangipai.’ (Mo gedi AFiripoio 2:13.) Ti kura aregbo, ka si dunga mo naida na gu kura undo tipa si fõngbaduroyo mo naawisigopai watadu mo naamangapai kuti gupai mo awirikaha, ko ima rengba ka undo ro. Ka si dunga ome tiro tipa ka hii akpakarapai watadu sogote te, ko ima rengba ka fuhe. Mo ni sana Yekova dedede rogo kpee tipa ko undo ro mo naandu kumbatayo kindi kaa wisigo Baibiri.—1 ATesaroniko 5:17.

 MO WIRIKI KURA DUNGU APAI

4. Mo peresi pa gamo wisigo Baibiri ni bambatapai

Ti kura aregbo, ani nadu na dungu apai tirani rogo raka yo si kini ngere wa regbo berani tipa wisigo Baibiri te. Ginipai rengbe ka undo? Mo gedi AFiripoio 1:10, na tifuoho, mo ki sakipai tipa agi asanahe re:

• Gini bete apai mo abihe nga si ‘nyakipaha gbe’ rogo raka yo?

• Waigu rengbe mo ka peresa pa gamo wisigo Baibiri ni bambatapai?

1. Ka mo hiisi he na ngume kini asadi ka maa mbia koyo si rengbenga te

2. Ka mo moi mbia ku rogo he mbata no, mo nika du na rengba ka uka ngume ni bakerehe ku rogoho. Wakina gure a, ka mo peresipa agu apai ‘nyakipaha gbe’ ni bambatapai rogo gamo raka yo, mo nika du na rengba kaa mangaha na mo kidu aduadu a na regbo bero tipa kura apai

Wirika Baibiri nambiisa gu gaani azingo nga ga toro, gu zingo nga ga ino Mbori na kini irisiko. Mo gedi Matayo 5:3, na tifuoho, mo ki sakipai tipa gi sanahe re:

• Waigu ani agbia undo ho ani peresapa gaani wisigo Baibiri ni ni bambatapai?

 5. Mo kpatagara kutini ti regbo sogote

6. Mo kido kuti Yekova ko undo ro

 GINIPAI MO NAWIRIKIHE?

Wa vura duhe nga taatapai nga ha dedede te, wisigo Baibiri ima rengba ka undo ro mo gbia ngbarago rogo raka yo nyeanye kindi. Mo nindu kumbatayo kindi kaa kido kuti Yekova na ko nika fu mosoro afu foro.

Fugöpai

• Tipagine du agu arengo ti ni nga ga Baibiri na nyanyakipaha foro?

• Waigu rengbe mo ka inopa agu apai “nyakipaha gbe”?

• Tipagine si aida mo sana Yekova ti ni ko undo ro mo naandu kumbatayo kindi kaa wisigo Baibiri?