ISHOMO RYA 13
Ni bata oku amadini g’ebishuba gari kujumisa Ruhanga?
Yaba Ruhanga ari rukundo, ahabw’enki amadini agari kwegamba ku gari kumwemererera gari kukora ebikorwa bibi? Ecokugarukamu corobi. Ago madini ni ag’ebishuba; tigemererire Ruhanga. Ni bata oku gari kumujumisa? Ruhanga nakireba ata? Kandi shi ni enki eki arije kugakorera?
1. Ni bata oku enyegesa z’amadini g’ebishuba ziri kujumisa Ruhanga?
Amadini g’ebishuba ‘amazima ga Ruhanga bakagahindura ebishuba.’ (Abarooma 1:25) Ecokureberaho: Amadini mingi tigari kwegesa abakurasi bago izina rya Ruhanga. Konka Bibuli negamba ku izina rya Ruhanga rishemerire kukoresibwa. (Abarooma 10:13, 14) Abebembezi b’amadini abamwe nibagamba ku habaho ebintu bibi Ruhanga ari we ori kuba ari kubyenda. Konka eco ni ekishuba. Ruhanga tari kubasa kuretaho ebibi. (Shoma omuri Yakobo 1:13.) Ekiri kushasha, amadini gakiha abantu ahari Ruhanga.
2. Ni bata oku ebikorwa by’amadini g’ebishuba biri kujumisa Ruhanga?
Amadini g’ebishuba tigari kutwariza abantu nk’oku Ruhanga ari kubatwariza. Bibuli negamba ku ‘ebibi [by’amadini g’ebishuba] bituumire byahika ah’iguru munonga.’ (Okushuuruurwa 18:5) Hahwire ebinyigana byingi, amadini gari gakejwanga omu by’obutegeki n’omu ntaro kandi eco kikatuma hafa abantu bingi. Bamwe omu bebembezi b’amadini nibaba nibenda kweberaho omu mbera ndungi kusha, rero eco kituma bashoroza esente omu bakurasi babo. Ebyo bikorwa nibyereka ku batari kumanya Ruhanga kandi ku batari kwenda kumushemeza.—Shoma omuri 1 Yohaana 4:8.
3. Ruhanga nayehurira ata yareba ago madini g’ebishuba?
Yaba ebyo bikorwa bw’ago madini biri kukushasha nk’omuntu, obwe notekateka ngu Yehova nabireba ata? Nakunda abantu, konka ayinire ekiniga abebembezi b’amadini abari kutwariza kubi abakurasi babo. Naturaganisa ku ago madini g’ebishuba arije kugihaho kandi ‘tigarirebwa bundi.’ (Okushuuruurwa 18:21) juba aha, Ruhanga nayija kucwecereza amadini gona g’ebishuba.—Okushuuruurwa 18:8.
YEGA BYINGI
Manya byingi aha ku Ruhanga ari kureba amadini g’ebishuba. Yega byingi aha biri kubaho, nambwenu omanye enshonga ahabw’enki otashemerire kwemereza kwega ebiri kukwata ahari Yehova.
4. Ruhanga tari kwikiriza amadini gona
Abantu bingi nibikiriza ku amadini gari nk’emihanda eri kubahisa ahari Ruhanga. Konka shi eco ni amazima? Shoma omuri Matayo 7:13, 14, rero muganire ahari eki kibuzo:
-
Ni enki eki Bibuli eri kugamba aha muhanda oguri kuhisya abantu aha magara?
Zana VIDIYO, rero muganire ahari eki kibuzo.
-
Mbehi Bibuli negamba ku hariho amadini mingi agari kushemeza Ruhanga?
5. Amadini g’ebishuba tigari kwereka rukundo ya Ruhanga
Amadini nigajumisa Ruhanga omu buryo bwingi. Bumwe omuri obwe ni oku bari kwejwanga omu ntaro. Kugira ngu orebe ecokureberaho, zaba VIDIYO. Rero muganire ahari ebi bibuzo.
-
Amadini mingi gakatwaza gata omu rutaro rw’ensi yona rwa kabiri?
-
Iwe noyehurira ota wahurira oku gatwarize?
Shoma omuri Yohaana 13:34, 35 na 17:16. Rero muganire ahari ebi bibuzo:
-
Ni bata oku Yehova ari kwehurira yareba amadini gari kwekwatanisa omu ntaro?
-
Amadini g’ebishuba gine ebibi byingi ebi gakozire. Ni biha bihamya ebi wayerebire ebiri kwereka ku amadini g’ebishuba garemirwe kutoreza rukundo ya Ruhanga?
Amadini g’ebishuba gakaremwa kutoreza rukundo ya Ruhanga
6. Ruhanga nayenda kukwasa abantu kugira ngu baruge omu madini g’ebishuba
Shoma omu Kushuuruurwa 18:4, * rero muganire ahari eki kibuzo:
-
Noyehurira ota wamanya ku Ruhanga ari kwenda kukiza abantu abahabisibwe n’amadini g’ebishuba?
7. Gumizamu kwega ebiri kukwata ahari Ruhanga ow’amazima
Mbehi n’iwe amadini g’ebishuba gakahindura oku wabire ori kureba Ruhanga? Tekateka aha musigazi owagomera obuhabuzi burungi obu ishe yamuha. Yaruga omu ka, byamuretera okubonabona. Omuzire tiyashemererwa ahabw’ebikorwa bibi bya mutabani weye. Ahabw’enki tutashemerire kugamba ku omuzire ari we owaretire omwana weye kubonabona?
-
Mbwenu shi tukata orubanja ahari Yehova kandi tureka kwega ebiri kumukwataho ngu ni oku yarekire ebikorwa by’amadini g’ebishuba bikagumaho?
ABANTU ABAMWE NIBAGAMBA NGU: “Nyowe tindi kwikiriza Ruhanga ahakuba amadini ni go agari kuretaho ebizibu byingi.”
-
Mbehi n’iwe noyehurira basyoya?
-
Ahabw’enki ebikorwa bibi by’amadini g’ebishuba bitashemerire kutuma twahindura oku turi kureba Yehova?
EMPINYE
Enyegesa z’amadini g’ebishuba n’ebikorwa bwago nibijumisa Ruhanga. Ruhanga nayija kucwecereza amadini g’ebishuba.
Wayega ki?
-
Noyehurira ota wahurira enyegesa z’amadini g’ebishuba kandi okareba n’ebi bari kukora?
-
Yehova nayehurira ata yareba amadini g’ebishuba?
-
Ni enki eki Ruhanga arije kukorera amadini g’ebishuba?
CONDOZA
Manya oburyo bubiri obu amadini gari kujumisamu Ruhanga.
Ahabw’enki Yehova ari kwenda ngu tumuramye turi hamwe n’abandi?
“Mbehi omuntu ashemerire kugira edini eyi yayekwatanisa na yo?” (Enkuru y’ahari intaneti)
Edini y’omupadiri ekamuhiganisa. Konka eco tikiramuzibire kugumizamu kwega amazima agari kukwata ahari Ruhanga.
“Ahabw’enki omupadiri yarugire omu dini yeye” (Musisimuke!, Okwakabiri 2015)
Hahwire emyaka myingi amadini g’ebishuba gari kubeherera Ruhanga ku atari kutufaho kandi ku ari omugomi. Yega amazima agakwatirine na bishatu omuri byo.
^ Kugira ngu omanye enshonga ahabw’enki ekitabo c’Okushuuruurwa kiri kugeranisa amadini g’ebishuba n’omukazi ori kwetwa Babuloni orurembo orukuru, reba Enyongezo ya 1.
