Na ye Nhialic nhiëër, ke ye wɛ̈tŋo ye kɔc ë ye lueel yekë Nhialic door luui ë kärɛc? Ku buk dhuknɔm ë dhɔ̈l piɔlic, kɔc ye käke looi duɔ̈ɔ̈rden acie yic; aa Nhialic kuɔ̈c luɛɛl. Ye këdï cïï keek Nhialic kuɔ̈c luɛɛl? Ye Nhialic ë kënë yök këdï ye puɔ̈u? Ku Yeŋö bï looi ë biäk ye kënë?

1. Ye këdï ye duɔ̈ɔ̈r lueth Nhialic kuɔ̈c luɛɛl rin ë piööcden yic?

Duɔ̈ɔ̈r lueth acï “yic de Nhialic puk tɔkï ye lueth.” (Romai 1:25) Cït man, duɔ̈ɔ̈r juëc aa këc kɔcken piɔ̈ɔ̈c ë rinke Nhialic. Ka yen, aye Baibol lueel rinke Nhialic adhil ke ya cɔɔl. (Romai 10:13, 14) Bäny kɔ̈k ke duɔ̈ɔ̈r juëc aa jam të cïï kërac rot looi, këke luɔi de Nhialic. Ku kënë acie yic. Nhialic acie yen ë kärɛc bɛ̈i. (Kuen Jakop 1:13.) Ku kërac apɛi, lueeth juëc ye duɔ̈ɔ̈r lueth ke piɔ̈ɔ̈c aacï kɔc mɛɛc wei tënë Nhialic.

2. Ye këdï ye duɔ̈ɔ̈r lueth Nhialic kuɔ̈c rac rin ë loi looi ke yiic?

Duɔ̈ɔ̈r lueth acie kɔc ë ŋiɛc ciëëŋ cït man ye Yekoba kɔc ciëëŋ. Aye Baibol lueel “kärɛcke (duɔ̈ɔ̈r lueth) acïk kenïïm kut ka cïk paannhial cuööp (dööt).” (Nyuuth 18:5) Ë run buɔɔt juëc apɛi, kɔc ke duɔ̈ɔ̈r lueth aacï röt mat ë thiɛɛtha yic, ku kony kë tɔŋ tɔɔŋ, ku bïï kë thuɔɔu awu gamkë bï kɔc juëc apɛi nɔ̈k bïk thou. Bäny kɔ̈k ke duɔ̈ɔ̈r lueth anhiaar bääny ku aa wëu kɔɔr tënë kɔcken ë ke kuany cök. Ku loi looi kä aye nyuɔɔth aacïï Nhialic ŋic, ku aacïï nɔŋ yic bïk jam në rinke.​—Kuen 1 Jɔn 4:8.

3. Ye Nhialic duɔ̈ɔ̈r lueth tïŋ këdï?

Na ye kä ye kɔc ke duɔ̈ɔ̈r lueth looi yï rac puɔ̈u, ke ye takic ye Yekoba yök këdï ye puɔ̈u? Anhiaar kɔc ëbën, ku ee puɔ̈u riääk tënë bäny ke duɔ̈ɔ̈r lueth wën ye kuɔ̈c luɛɛl ku yekë kɔcken ë ke kuany cök kuɔ̈c ciëëŋ. Acï thɔn nɔn nädɛ̈ ke duɔ̈ɔ̈r lueth abï rac “ku cïï bɛ tïc ëliŋliŋ (aɣet ca thɛɛr).” (Nyuuth 18:21) Ë kaam kɔɔr, ke Nhialic abï duɔ̈ɔ̈r lueth nyaai ë pinynɔm ëbën.​—Nyuuth 18:8.

 YÄP DÏT

4. Nhialic acie duɔ̈ɔ̈r ëbën ë gam

Aye kɔc juëc gam nɔn nadɛ̈ duɔ̈ɔ̈r ëbën acït kuɛɛr juëc ë kɔc yääth tënë Nhialic. Ku ye kënë yic? Kuen Mathayo 7:13, 14, ku jälkë thiëc kënë jäämic:

• Ye këdï cïï Baibol kuer lɔ tënë pïïr luɛɛl thïn?

Puɔl ë BIDEO, ku jälkë thiëc bɔ̈ jäämic.

• Nadɛ̈ ye Baibol lueel anɔŋ duɔ̈ɔ̈r juëc ë Nhialic miɛɛt puɔ̈u?

 6. Nhialic awïc bï kɔc bɛ̈ibei ë duɔ̈ɔ̈r luethic

Kuen Nyuuth 18:4, a ku jälkë thiëc kënë jäämic:

• Ye yök këdï yïpuɔ̈u të ŋic yïn en nɔn nadɛ̈ ke Nhialic awïc bï kɔc cïï duɔ̈ɔ̈r lueth ke muɔ̈ɔ̈r bɛ̈ibei?

7. Lɔ tueŋ ke yï piɔ̈c ë biäkde Nhialic ë yic

Lëu bï duɔ̈ɔ̈r lueth të ye yïn Nhialic tiëŋ thïn waaric? Thɔ̈ɔ̈ŋë yic anɔŋ dhɔ̈ŋ cï jai ë wëët piɛɛth cïï wun gäm yen. Dhɔ̈ŋ kënë acï jääl baai ku le ceŋ ë pïïr rac. Wun akën puɔ̈u miɛt keke cïï wënde looi. Ye wɛ̈tŋö cïï yen piɛth bï wun gɔ̈k ë wɛ̈t ciɛɛŋ rɛɛc cïï wënde lɔc?

• Lëu bï piath ba Yekoba gɔ̈k ku ba cïï piɔ̈c ë biäkde ë wɛ̈t ciɛɛŋ rɛɛc ë kɔc ë duɔ̈ɔ̈r lueth?

 JAM CIEKIC

Duɔ̈ɔ̈r lueth acï Nhialic kuɔ̈c luɛɛl rin ë piööcden ë lueeth yic ku jɔl ya ciɛɛŋ den rac. Nhialic abï duɔ̈ɔ̈r lueth riɔ̈ɔ̈k.

Bëër Yic

• Ye yök këdï yï puɔ̈u ë biäk kë cïï duɔ̈ɔ̈r lueth piɔ̈ɔ̈c ku jɔl ya kë cïk looi?

• Ye Yekoba duɔ̈ɔ̈r lueth tïŋ këdï?

• Yeŋö bïï Nhialic luöi duɔ̈ɔ̈r lueth?