AYEGHLE 13
Aval bivus min’yebe mia ve éyôla Nzame mvîn
Nge Nzame a ne édzing, amu dzé min’yebe mia dzô naa mia sèhane ñe mia bo mbimbia be-mam ? Éyalane é ne ébubu, é ne amu naa be ne bivus min’yebe ; ba ve éyôla Nzame mvîn. Aval avé mia ve ñe éyôla mvîn ? Za dzam a wôrane nfa té ? Za dzam a ye bo min’yebe mité ?
1. Aval avé bivus min’yebe mia ve éyôla Nzame mvîn ya meyeghle meba ?
Bivus min’yebe be nga « sanghle é bebela Nzame ya minèè. » (Beromain 1:25) Éfônan, abuiñ min’yebe miaa yeghle ki bôt éyôla Nzame. A too naa, Bible a dzô naa é ne éban naa be belane éyôla Nzame. (Beromain 10:13, 14) Abuiñ min’yebe mia dzô naa éyong mbimbia be-mam ma boban a ne nkômane Nzame. Ve dzam té é ne minèè. Nzame éé se ki bo é dzam é ne abé. (A lang Jacques 1:13.) É dzam é ne éngôngol é ne naa, minèè min’yebe mité mia yeghle, mia ve naa bôt be ke Nzame ôyap.
2. Aval avé mimboane bivus min’yebe mia ve éyôla Nzame mvîn ?
Bivus min’yebe miaa ñong ki bôt aval Jehôva a ñong bo. Bible a dzô naa « minsem bivus min’yebe mi mana dzèñ yakekuiñ a dzôp été. » (Melere 18:5) Abuiñ mintet mimbu, min’yebe mi nga ñi é mam politique nge ki política été, mi nga sukh meluman, ya yebe naa abuiñ bôt be wu. Abuiñ be tebe-ôsu be ye min’yebe ba ning akum été, béé sili é bôt be ne menda menzame meté mono naa be baghle bining bieba. Mimboane misese mité mia lere naa, min’yebe mité miaa tugha ki yem Nzame ya naa mia yiène ki sèhane ñe.—A lang 1 Jean 4:8.
3. Za dzam Nzame a wôrane nfa bivus min’yebe ?
Nge é mam bivus min’yebe mia ve mia ôlun, mia simane naa Jehôva ña wôrane yè ? A dzing boan be-bôt, ve a wokh n’nem abé nfa bivus min’yebe, amu naa mia ve ñe éyôla mvîn ya amu naa mia tsible é bôt be ne menda menzame meba. A kiagh naa a ye man tsam bivus min’yebe ye naa « baa ye ki fe be bera yen môs ézing. » (Melere 18:21) Avitsang tam Nzame a ye ve naa bivus min’yebe misese mi man dzang.—Melere 18:8.
A TUGHA FAS
Tugha fas é dzam Nzame a wôrane nfa bivus min’yebe. N’yeneghan fe é dzam min’yebe mité mi nga bo, ya yen amu dzé dzam té daa yiène ki likh naa bi taa yeghe a yem Jehôva.
4. Nzame aa yebe ki min’yebe misese
Abuiñ bôt ba tem naa min’yebe mi ne ane abuiñ mezen ma ke bôt ébe Nzame. Ve, ye dzam té é ne été ? A lang Matthieu 7:13, 14, éyong té mia lèè minlang mia daghe nsili wa zu wi :
-
Aval avé Bible a lere é zen da ke bôt éning ?
Daghane ÉNGENGENG, éyong té mia lèè minlang mia daghe nsili wa zu wi :
-
Ye Bible a dzô naa Nzame a yebe abuiñ min’yebe ?
5. Bivus min’yebe miaa vu ki édzing Nzame
Min’yebe mia ve éyôla Nzame mvîn abuiñ meval. Dzam avoo ye été é ne naa, mia tsini bôt naa be bo aluman. Naa mi yen éfônan daa y’été, daghane ÉNGENGENG. Éyong té mia lèè minlang mia daghe minsili mia zu mi :
ÉNGENGENG : Le rôle des Églises dans la Deuxième Guerre mondiale nge ki El papel de las Iglesias en la Segunda Guerra Mundial (2:22)
-
Za dzam abuiñ min’yebe mi nga bo metam é môra aluman bèè ?
-
Wa simane yè nfa é ngam be nga ñong ?
A lang Jean 13:34, 35 ya 17:16. Éyong té mia lèè minlang mia daghe minsili mia zu mi :
-
Ébe wa za dzam Jehôva a wôrane éyong a yen min’yebe mi sukh meluman asi ?
-
Bivus min’yebe mi ne tsîn akal mbimbia be-mam ma boban. Ye ô ne tu ayôm bifônan bia lere naa min’yebe miaa vu ki édzing Nzame ?
Bivus min’yebe miaa vu ki édzing Nzame
6. Nzame a kômô vèè bôt bivus min’yebe été
A lang Melere 18:4, a éyong té mia lèè minlang mia daghe nsili wa zu wi :
-
Za dzam wa wôrane éyong wa yen naa Nzame a kômô vole é bôt bivus min’yebe mi nga man dukh ?
7. Tsinighe naa wa yeghe a yem ña Nzame
Ye é dzam bivus min’yebe mia dzô ya bo da yiène name aval mina yen Nzame ? Tam simane naa moan a tep é mbemba melepgha ésaa a ve ñe. A kôre a nda, éyong té a ke ning mbia éning. Ésaa aa yebe ki é mam é moan wèñ a bo. Amu dzé da ye bo abé naa be ve ésaa bidzô akal mbia be-mam ma biane é moan wèñ ?
-
Ye é ne sôsôe naa bi ve Jehôva bidzô, ya sim naa bia yeghe a yem ñe amu é mam bivus min’yebe mia bo ?
NGE MÔR ÉZING A DZÔ WÔ NAA : « Maa tiè ki é mam ma larane Nzame amu min’yebe mi nga bo abuiñ mbia be-mam. »
-
Ye wa fe, wa tem aval té ?
-
Amu dzé é mam bivus min’yebe mia bo, daa yiène ki name aval wa yen Jehôva ?
AKIGHE BES
Bivus min’yebe mia ve éyôla Nzame mvîn amu ba yeghle mesiman méé se ki bebela ya bele mbia mimboane. Nzame a ye man tsam bivus min’yebe.
Ôbaghle
-
Za dzam wa simane nfa meyeghle ya mimboane bivus min’yebe ?
-
Za dzam Jehôva a wôrane nfa bivus min’yebe ?
-
Za dzam Nzame a ye bo nfa bivus min’yebe ?
Ô NE FE KE DAGHE
Daghe bôra be-mam mebèñ abuiñ min’yebe mia bo mia ve Nzame n’nem abé.
« Toutes les religions se valent-elles ? Mènent-elles toutes à Dieu ? » nge ki « ¿Nos acercan a Dios todas las religiones? » (Nlô-adzô té ô ne a nden)
Amu dzé Jehôva a kômô naa bi kang ñe nsama ya é bôt bevoo ?
« Est-il nécessaire d’appartenir à une religion organisée ? » nge ki « ¿Es necesario pertenecer a una religión? » (Nlô-adzô té ô ne a nden)
Prêtre nge sacerdote a nga sum naa a bele bisô nfa n’yebe wèñ. Ve dzam té déé dzi ki ñe likh naa a sim naa a yeghe be bebela ba daghe Nzame.
« Pourquoi un prêtre a quitté son Église » nge ki « Un sacerdote abandona la Iglesia » (Réveillez-vous !, février 2015 ; ¡Despetad!, febrero de 2015)
Abuiñ mintet mimbu, min’yebe mia so mia yeghle bôt minèè mia ve naa bôt be tem naa Nzame a tele bôt ôyap, ya naa a ne nget. Yeghe é bebela a daghe minèè milal mi ye été.
« Des mensonges qui empêchent d’aimer Dieu » nge ki « Mentiras que nos alejan de Dios » (La Tour de Garde, 1er novembre 2013 ; La Atalaya, 1 de noviembre de 2013)
