KAPITE 13
Ko Lotu Sala e Lotou ʼAga o Fakamatagafuaʼi le Atua
Kāpau ko le Atua e alofa, ti koleā e lasi ai a mamae e fakatupu e lotu alā e pati e tausi kiate ia? Ko lona tupuʼaga ko lotu anā e sala, ti e lotou ʼaga o fakamatagafuaʼi le Atua. E fefeʼaki lalātou ʼaga o fakamatagafuaʼi aia? Koleā le manatu a le Atua? Ti koleā loa ka fai e ia ki lotu anā?
1. Koleā e fakamatagafuaʼi ai e lotu sala le Atua ki alātou akonaki?
Ko lotu sala na “lotou fetogi ia le maoki o le Atua ki le loi.” (Loma 1:25) Sakinake la, e lasi a lotu e leʼese lotou akoʼi le suafa o le Atua ki le kakai. Kae pati i le Tosi-Tapu, e maʼuiga le fakaʼaogaʼi o le suafa o le Atua. (Loma 10:13, 14) Ti ko ʼiki takitaki lotu e lotou pati ka soko se tuʼutāmaki, ko le finegalo aia o le Atua. Kae ko le loi. E leʼaise fai e le Atua se neʼa e veli. (Lau Sakopo 1:13.) Kae ko loi anā, na lotou fakamamaʼo ai le kakai mei le Atua.
2. Koleā e fakamatagafuaʼi ai e lotu sala le Atua ki alātou a aga?
Ko lotu sala e leʼese lotou tokaga ki le kakai o fai pe Seova. E pati i le Tosi-Tapu: “Kua fakatuuga ana agasala o kaku ki le lagi.” (Apokalipisi 18:5) Talu mei fualoa, ko lotu e lotou lagolago ki politike, mo tau o tupu ai le mamate o le tokaʼapi. Ko ʼiki takitaki lotu, e lotou maʼuli koloaʼia ti e lotou maʼua le faʼasiga maʼuli lenā o tupu ko le falā leia e tanaki e le kakai la. E fakamāʼoki i neʼa anā, ko lotu e leʼaise lotou iloa le Atua ti e leʼaise mafai ke lotou pati e lotou tausi kiate ia.—Lau 1 Soane 4:8.
3. Koleā e logoʼi e le Atua o uiga mo lotu sala?
Kāpau e ke ʼita ki neʼa alā e fai e lotu sala, ti e feʼaki ake loa lona logoʼi e Seova? E alofa Seova ki le kakai kae vesiʼa aia ki le kau takitaki lotu alā e lotou fakamatagafuaʼiʼia aia mo fakaveliveliʼia le kakai. E fakapapau mai aia, e maumauʼi loa a lotu sala “ti e leaise toe maua loa.” (Apokalipisi 18:21) Kua vave ʼaga le Atua o puliʼi a lotu sala fuli.—Apokalipisi 18:8.
MANATU LOLOTO
Ta māsau muʼa pe koleā leia e logoʼi e le Atua o uiga mo lotu sala. Ti ta tioʼi pe koleā na lotou ʼaga o fai, ti koleā e leʼaise tonu ki neʼa anā ke tāʼofi ai lau ako ke ke iloa a Seova.
4. E leʼese tali e le Atua a lotu fuli
Tokaʼapi le kakai e lotou manatu, ko lotu fuli e lotou tausi ki le Atua e tasi. Kae māʼoki ko ia? Lau Mateo 7:13, 14, ti tali ki le vesili leinei:
-
Koleā e pati i le Tosi-Tapu, o uiga mo le ala leia e taki ki le maʼuli?
Tioʼi le GĀ ʼATA, ti tali ki le vesili e soa ki ai.
-
E pati ko ia i le Tosi-Tapu, e lasi a lotu e tali e le Atua?
5. Ko lotu sala e leʼaise fakasā e lātou le alofa o le Atua
Ko lotu la, e lotou ʼaga o fakamatagafuaʼi le Atua i anoʼaga e maʼuke. Sakinake la, e lotou lagolago makeke ki tau, tioʼi le GĀ ʼATA, ti tali ki vesili e soa ki ai.
-
Koleā na fai e lotu i le Lua Tau fakamālamanei?
-
Koleā lau manatu?
Lau Soane 13:34, 35 mo 17:16, ti fai a vesili anei:
-
Ki lau manatu, koleā e logoʼi e Seova mokā lagolago a lotu ki se tau?
-
E fakatupu e lotu sala a mamae. Tuku mai ni faifaitaki e sā ai, ko lotu la e leʼaise lotou maʼuliʼi le alofa o le Atua.
Ko lotu sala e leʼaise lotou faifaitakiʼi le alofa o le Atua
6. E loto le Atua ke mavae le kakai mei lotu sala
Lau Apokalipisi 18:4, a ti fai le vesili leinei:
-
Koleā e ke ʼaga o logoʼi i lau iloa e fia tokoi le Atua ki kakai alā na fakasalaʼi e lotu sala?
7. Soko atu lau ako ke ke iloa le Atua māʼoki
E tonu ko ia ke ke tuku a māsau mo neʼa alā e fai e lotu sala ke tāʼofi ai lau fia iloa le Atua? Ke ke fakakaukauʼi, ko se vosa e leʼese tali e ia a tokoi mālilie o lona tamana. Ti mavae aia i lolātou kaiga mo fai ni aga leʼe ʼaoga. E leʼaise tali e lona tamana a neʼa alā e fai e ia. Koleā leia e leʼese tonu ai ke tukugaveliʼi le tamana ki tonu alā na toʼo e lona vosa patigataʼa?
-
E tonu ko ia ke tou tukugaveliʼi a Seova ti mo tāʼofi ai latātou ako ke tou iloa ai aia o tupu ko neʼa alā e fai e lotu sala?
E PATI A ʼIKI: “E leʼese kau fia logo ki māsau ki le Atua, o tupu ko lotu la kua lasi a neʼa veveli kua lotou ʼaga o fai.”
-
E tatau ko ia lau manatu pe lātou anei?
-
Koleā e leʼese tonu ai ke ke tuku a neʼa alā e fai e lotu sala, ke maumauʼi ai lau felogoi mo Seova?
MANATU TĀFITO
Ko lotu sala e lotou fakamatagafuaʼi le Atua. E lotou ʼaga o akoʼi ni manatu sala ti mo fai ni aga fakalialia. E puliʼi loa e le Atua a lotu sala.
Fakamanatu
-
Koleā lau manatu ki neʼa alā e akoʼi mo fai e lotu sala?
-
Koleā e logoʼi e Seova o uiga mo lotu sala?
-
Koleā loa ka fai e le Atua ki lotu sala?
A ʼIKI MANATU
Ko faʼasiga magaʼi lotu lalasi e lua e leʼese tali e le Atua.
“E tali ko ia e le Atua a lotu fuli?” (Aletike i le neti jw.org)
Koleā e loto ai a Seova ke tou fakatasitasi ake ai o atolasio kiate ia?
“E tonu ko ia ke tou kau ki se lotu?” (Aletike i le neti jw.org)
Ko se pātele na lotolotolua ki lona lotu, kae na leʼaise tāʼofi lana fia ako ke iloa le māʼoki o uiga mo le Atua.
“Koleā na mavae ai se pātele mei lona lotu” (Kotou ʼAʼala o Fepualio 2015)
Talu mei fualoa mo le ʼaga o lotu sala o akoʼi ni loi ke tukugaveliʼi ai le Atua ko se tasi e agaveli. Kae koleā e akoʼi māʼoki mai i le Tosi-Tapu?
“Ko ni loi e tāʼofi ai le alofa ki le Atua” (Tule Leʼo, aso 1 o Sanualio 2014)
a Ke ke iloa pe koleā e fakatatau ai i le tosi o Apokalipisi a lotu sala ki se fafine e igoa ko Papilone Lasi, tioʼi le Nota Fakaʼoki n° 1 e tuʼu i le Koga 4.
