LÈSON 13
Sé fo rèlijyon-la ka anpéché moun rapwoché-yo dè Bondyé
Ni onlo rèlijyon ki ka di kè yo ka rèprézanté Bondyé, men anmenmditan, yo ka fè onpakèt mové biten. É poutan, Bondyé sé lanmou ! Alò ka nou pé konprann adan sa ? An réyalité, sé rèlijyon-lasa pa bon ! Sa yo ka fè é sa yo ka di, ka fè Bondyé pasé pou sa i pa yé é sa pa ka ba sé moun-la anvi rapwoché-yo dè-y. Ka sé fo rèlijyon-la ka fè oben ka yo ka anségné pou rivé a rézilta-lasa ? Ka Bondyé ka pansé dè sa é ka i ké fè pou mèt on milyé adan sa ?
1. Sé fo rèlijyon-la ka anségné sèwten biten ki ka anpéché sé moun-la rapwoché-yo dè Bondyé. Kijansa ?
Sé fo rèlijyon-la ‘bokanté vérité a Bondyé pou mansonj’ (Women 1:25). Adan prèstout sé rèlijyon-la, yo pa’a fè sé moun-la konnèt non a Bondyé alòskè Bib-la ka di kè fò ou sèvi èvè non a Bondyé (Women 10:13, 14). Lè on gwo malè ka rivé, onlo chèf a rèlijyon ka di kè sé té volonté a Bondyé. Men sé manti yo ka manti. Bondyé pa jen rèsponsab a malè ki ka rivé (li Jak 1:13). Malérèzman, onlo moun ka viré Bondyé do paskè sé mansonj rèlijyon a yo ka aprann-yo.
2. Sé fo rèlijyon-la ka fè sèwten biten ki ka anpéché sé moun-la rapwoché-yo dè Bondyé. Kijansa ?
Sé fo rèlijyon-la pa ka aji èvè sé moun-la kon Jéova ka fè. Labib ka di kè sé fo rèlijyon-la ‘fè péché si péché é péché a yo rivé jis an syèl-la’ (Révélasyon 18:5). Pannan plizyè syèk, sé fo rèlijyon-la té ka mélanjé-yo an politik é yo té ka béni sé sòlda-la pou ay fè lagè. Kifè, akòz dè yo, moun mò kon tilili. Sèwten chèf a rèlijyon ka viv kon pacha, é sé anlè do a sé moun-la yo ka anségné la yo ka blèz kò a yo. Tout sé biten-la yo ka fè la ka montré kè yo pa konnèt Bondyé é kè yo pa ni dwa rèprézanté-y (li 1 Jan 4:8).
3. Lè Bondyé ka vwè tousa sé fo rèlijyon-la ka fè, ka i ka rèsanti ?
Si voumenm a-w, san a-w ka bouyi lè ou ka vwè sa sé fo rèlijyon-la ka fè, ou ka tou imajiné sa Jéova ka rèsanti ! Bondyé plen lanmou, men i kòlè èvè tout chèf a rèlijyon ki ka manti asi-y é ki ka malmenné sé moun-la. Bondyé ka pwomèt kè i ké détwi sé fo rèlijyon-la é kè nou ‘pé ké janmen wouvwè-yo ankò’ (Révélasyon 18:21). Talè, i ké fè yotout disparèt (Révélasyon 18:8).
AN-NOU FOUYÉ PI FON
An-nou ay pli lwen pou nou vwè ka Bondyé ka pansé dè sé fo rèlijyon-la. An-nou vwè osi ka sé fo rèlijyon-la ja fè é poukwa fo pa sa anpéché-w vin bon zanmi èvè Jéova.
4. A pa tout sé rèlijyon-la Bondyé ka aksèpté
Pou onlo moun, kèlkanswa rèlijyon-la ou adan-y la, sa pa’a chanjé ayen pas yotout ka menné owa Bondyé. Men ès sé vré sa ? Li Matyé 7:13, 14 é fè on ti kozé asi kèsyon-lasa :
-
Kijan Labib ka palé dè chimen-la ki ka menné-nou a lavi ?
Gadé VIDÉO-la é fè on ti kozé asi kèsyon-la ki ka vin la.
-
Dapré sa Labib ka di, ès ni onlo rèlijyon ki ka fè Bondyé plézi ?
5. Sé fo rèlijyon-la pa ka aji èvè lanmou kon Bondyé ka fè
Sé fo rèlijyon-la ka fè onpakèt biten ki ka anpéché sé moun-la rapwoché-yo dè Bondyé. Pa ègzanp, yo ka mélanjé-yo adan lagè, é sé on biten toutmoun sav. Jistèman, gadé on ègzanp adan VIDÉO-lasa. Aprésa, fè on ti kozé asi sé kèsyon-la ki ka vin la.
-
Ki wòl sé fo rèlijyon-la jouwé pannan 2èm Gè mondyal la ?
-
Ka ou ka pansé dè sa ?
Li Jan 13:34, 35 é 17:16, é fè on ti kozé asi sé kèsyon-lasa :
-
Lè sé rèlijyon-la ka mélanjé-yo adan lagè, ka Jéova dwèt ka rèsanti ?
-
Ni onlo mové biten ki ka fèt akòz dè sé fo rèlijyon-la. Yo pa ka aji èvè lanmou kon Bondyé ka fè. Ès sé on biten ou ja òbsèwvé ?
Sé fo rèlijyon-la pa ka aji menmjan ki Bondyé pas Bondyé ka aji èvè lanmou.
6. Bondyé vlé woté sé moun-la anba jouk a sé fo rèlijyon-la
Li Révélasyon 18:4 a é fè on ti kozé asi kèsyon-lasa :
-
Sé fo rèlijyon-la ja kouyonné bon enpé moun, é Bondyé ka fè tousa i pé pou sové sé moun-lasa. Lè ou ka réfléchi si sa, ka ou ka rèsanti ?
7. Kontinyé aprann plis biten asi vré Dyé-la
Sé vré, sé fo rèlijyon-la ka fè onpakèt biten ki pa bon. Men ès fò sa anpéché-nou vin bon zanmi èvè Bondyé ? An-nou pran ègzanp a on tiboug rèbèl. Konm i vé pa kouté pap’a-y, i ka pran kaz a-y é i ka désidé fè enki bétiz. Men papa-la pa dakò èvè sa tiboug-la ka fè la ! Alò ès ou ka di fò-nou blanmé papa-la padavwa gason a-y désidé menné on vyé vi ?
-
Ès ou ka di fò ou blanmé Jéova é fò ou arété fè éfò pou aprann konnèt-li padavwa sé fo rèlijyon-la ka fè onpakèt biten ki pa bon ?
MI SA MOUN KA DI : « Pa vin palé-mwen dè zafè a rèlijyon pas yotout ipokrit ! »
-
Ès sé konsa ou ka vwè sa osi ?
-
Menmsi sé fo rèlijyon-la ka fè onpakèt mové biten, poukwa fo pa sa anpéché-w vin bon zanmi èvè Jéova ?
ON TI RÉZIMÉ
Sé fo rèlijyon-la kouyonné sé moun-la èvè tout sé mansonj-la yo anségné la é yo fè onpakèt biten ki pa bon. É akòz dè sa, yo anpéché onlo moun rapwoché-yo dè Bondyé. Bondyé ké détwi tout sé fo rèlijyon-la.
Ka ou woutyenn
-
Ka ou ka pansé dè sa sé fo rèlijyon-la ka di é dè sa yo ka fè ?
-
Ka Jéova ka pansé dè sé fo rèlijyon-la ?
-
Ka Bondyé ké fè èvè yo ?
AY GADÉ SA OSI
An-nou vwè 2 biten prèstout sé rèlijyon-la ka fè é ki pa’a fè Bondyé plézi.
« Èskè tout sé rèlijyon-la ka sanm ? Ès yotout ka menné owa Bondyé ? » (on awtik ki asi jw.org)
Poukwa Jéova vlé kè nou sanblé pou nou pé sa adoré-y ?
« Ès nou oblijé rantré adan on rèlijyon ? » (on awtik ki asi jw.org)
On prèt vin touvé-y boulvèsé lè i vwè tousa ki té ka pasé adan rèlijyon a-y, men i kontinyé fè éfò pou i té konnèt lavérité asi Bondyé.
« Pourquoi un prêtre a quitté son Église » (Réveillez-vous ! a févriyé 2015)
Ja ni nanni-nannan sé rèlijyon-la ka manti asi Bondyé. Yo ka fè-y pasé pou on moun ki pa ni santiman é ki pa ni tan èvè nou. An-nou palé dè twa mansonj yo ka di asi Bondyé, é an-nou gadé ka Labib ka di asi sa.
« Un Dieu difficile à aimer ? » (Tou dè Gad a 1é novanm 2013 an fransé)
a Adan liv a Larévélasyon, pou palé dè tout sé fo rèlijyon-la, yo ka di sé on madanm non a-y sé Gran Babilòn-la. Si ou vlé sav poukwa yo ka kriyé-y konsa, gadé nòt niméwo 1 la ki an bout a liv-la.
Ay gadé sa osi...
KÈSYON ONLO MOUN KA POZÉ-YO
Sé lèson biblik la Témwen a Jéova ka pwopozé : kijan sa ka pasé ?
Sé lèson-la gratui é ou ka pé fè bèl ti kozé èvè Témwen a Jéova ; ou pé sèvi èvè pwòp Bib a-w é ou pé envité fanmi a-w oben zanmi a-w suiv étid-la èvè-w.
