SOMO LYE 13
Amadini m’Obubeshi Manahezeza Mungu Olukengo
Akaba kweri Mungu ali buzigire, gurhe amadini manachihala mpu ma Mungu manaja makola maligo mangan’aha? Buzira kuja hale, mali madini m’obubeshi; manahezeza Mungu olukengo. Gurhe bamuhezeze olukengo? Nka gurhe anachiyunva eju y’echola, nji chanarhuma ajira bichi?
1. Gurhe amadini m’obubeshi manahezeza Mungu olukengo kugerera enyigirizo zabo?
Amadini m’obubeshi “mahindamwire obukweri bwa Mungu m’obubeshi.” (Waroma 1:25) Omufano, madini manene marhayigiriza abantu babo ezino lya Mungu. Aliko Ebiblia yowe ederhere kw’ezino lya Mungu likwanene likoleswe. (Waroma 10:13, 14) Bakulu baguma b’amadini banaderha mpu nka hali ebintu bibi byamaba, eyi bulonza bwa Mungu. Obola buli bubeshi. Nta mango Mungu achigerere kurhuma amabi maba. (Osome Yakobo 1:13) Echigayisize, obola bubeshi bw’amadini bwahenwire abantu ku Mungu.
2. Nka gurhe amadini m’obubeshi manahezeza Mungu olukengo kugerera ebijiro byabo?
Amadini m’obubeshi marhakolera abantu nk’oku Yehova yewe anajira. Ebiblia ederhere oku ‘ebyaha by’amadini m’obubeshi byachigushire haguma kugera embingu.’ (Ufunuo 18:5) Hamagera amagana m’emyaka, ey’amadini manachiheba omu bye politike, manashigikira evita, n’okurhuma, awo banayemera bantu kamama bafa. Bakulu baguma b’amadini banasima bachire n’echo chanarhuma bahwanza bahema abantu babo efuranga. Ebyola bijiro biyerekene oku barhenji Mungu chiro, barhanali barhumwa bage.—Osome 1 Yohana 4:8.
3. Gurhe Mungu anachiyunva oku bilolere amadini m’obubeshi?
Akaba ebijiro bibi binakolwa n’amadini binakugayisa, gurhe owazize Yehova yewe anachiyunva? Ab’azigiire abantu, aliko ayanga abantu b’amadini banamuhezeza olukengo n’okuyinja bakolera abantu babo kubi. Alaganyize oku amadini m’obubeshi nji malimbulwa “marhakanachibonekena chiro.” (Ufunuo 18:21) Hano hofi-hofi, Mungu alimbula amadini m’obubeshi moshi.—Ufunuo 18:8.
HUMBA BWENENE
Rhujage rhwashuba lola gurhe Mungu anachiyunva oku bilolere amadini m’obubeshi, eby’amola madini majirire, na bulagurhe birhakwanene kukubuza kugenderera kuchihangana omenye Yehova.
4. Mungu arhayemerere amadini moshi
Bantu banene bayemerere oku amadini mali nka mabarabara marhali kuguma, aliko moshi maganire emwa Mungu. Ku binali si? Osome Matayo 7:13, 14, muje mwaganira kw’echila chibazo:
-
Bichi Ebiblia ederhere oku bilolere ebarabara liganire oku kalamo?
Ziha EVIDEO, muje mwaganira kw’echila chibazo.
-
Ebiblia ederhere oku hali madini manene manasimisa Mungu si?
5. Amadini m’obubeshi marhayiganya obuzigire bwa Mungu
Amadini m’obubeshi mahezeze Mungu olukengo mu njira zinene. Evire yakabya, kuli kubona oku banashigikira evita. Y’obona mufano muguma, ziha EVIDEO. Muje mwaganira kw’ebila bibazo.
-
Bichi makanisa manene malikolere oku Vita lya 2 ly’Egulu Lyoshi?
-
Gurhe ebyola bakolaga birhumire wachiyunva?
Osome Yohana 13:34, 35; 17:16. Muje mwashambala kw’ebila bibazo:
-
Gurhe Yehova akwanene kuchiyunva okubona amadini yi machiheba omu by’evita?
-
Maligo manene mali oku rhwe ly’amadini. Mu njira nchi nawe wabwene okw’amadini magambirwe kuyiganya obuzigire bwa Mungu?
Amadini m’obubeshi marhayiganya obuzigire bwa Mungu
6. Mungu alonzeze kurhabala abantu barhenge omu madini m’obubeshi
Osome Ufunuo 18:4, a muje mwaganira kw’echila chibazo:
-
Okumenya ku Mungu alonzeze kuyokola abantu barhebekerwe n’amadini m’obubeshi, gurhe kurhumire wachiyunva?
7. Ogenderere kuyiga oku bilolere Mungu w’okuli
Ebijiro bibi n’enyigirizo z’amadini m’obubeshi zikwanene zihindamule okuntu onabona Mungu si? Ba nkawawaza gurhe omwana akafunda kukenga empanulo z’obwengehe eshe amuhere. Anarhenga ahamwabo anagenda n’okuja kulama akalamo k’obuguru-guru. Eshe arhasimiire ebijiro bibi by’oyola mwana wage. Bulagurhe birhahemere okuderha eshe kubi eju yakalamo k’obuguru-guru omugala alamire?
-
Bobuno si, kwakaba kwinja okuderha Yehova kubi n’okuleka kuyiga oku bimulolere eju y’ebijro bibi amadini m’obubeshi manakola?
HALI ABANTU BANADERHA: “Intasimire owambwira oku bya Mungu bulala amadini malerhere bibazo kamama.”
-
Ka nawe onachiyunva ntyo?
-
Bulagurhe ebijiro by’amadini m’obubeshi birhakwanene kuhindamula okuntu rhunarhola Yehova?
OKU BUGEKE
Amadini m’obubeshi mahezeze Mungu olukengo kugerera enyigirizo zabo n’amaligo banakola. Mungu alimbula amola madini moshi m’obubeshi.
Rhuchiyibusye
-
Gurhe onachiyunva oku bilolere enyigirizo n’ebijiro by’amadini m’obubeshi?
-
Gurhe Yehova anachiyunva oku bilolere amadini m’obubeshi?
-
Bichi Yehova nj’akolera amola madini mobubeshi?
EYINDI MYAZI
Lola njira ebiri amadini managayisa mu Mungu.
“Amadini Moshi Manamaguma Si? Moshi Maganire Emwa Mungu Si?” (Mwazi guli oku jw.org)
Bulagurhe Yehova alonzeze rhumuharamye haguma n’abandi?
“Bihemere Omuntu Abe mu Lubaga Luguma lw’Edini Si?” (Mwazi guli oku jw.org)
Padiri muguma aligayisizwe n’edini lyage. Aliko echola chirhamubuzaga okugenderera kuyiga obukweri oku bilolere Mungu.
“Echarhumaga Padiri Arhenga omu Dini Lyage” (Amuka! Mwezi gwa 2, 2015)
Hamagera myaka minene, ey’amadini yimaderha obubeshi bunarhuma abantu babona oku Mungu arhabalagireko n’okw’ali munizi. Lola obukweri oku bilolere bubeshi busharhu m’obola.
a Y’omenya bulagurhe echitabu cha Ufunuo chifasiriye amadini m’obubeshi mpu mukazi oyirikirwe Babiloni Mukulu, olole Amahugulo 1.
