Bup Kudus madah Petara nya pengerindu. Tang nama kebuah sekeda orang ke madahka diri ngarika Petara ngereja utai ti jai ngena nama pengarap? Tu ketegal pengarap ke baka nya pelesu. Nya alai, sida ngenyaika nama Petara. Baka ni sida ngereja nya? Nama asai ati Petara Jehovah ngagai utai ke dikereja sida? Nama deka dikereja Iya?

1. Baka ni ajar ari pengarap pelesu ngenyaika nama Petara?

Pengarap pelesu udah ‘nyilih pemendar pasal Petara enggau pemula.’ (Rome 1:25) Ambika chunto, bala tuai pengarap enda ngajar sapa nama Petara ngagai nembiak sida. Tang Bup Kudus madah, nama Petara amat beguna sereta enda tau enda dikena. (Rome 10:13, 14) Kelimpah ari nya, mayuh ajar ari pengarap madahka, utai ti jai ke nyadi nya penguji ari Petara. Tang ajar tu enda amat. Bup Kudus madahka, Petara nadai ngereja utai ti jai. (Bacha James 1:13.) Tang sayau amat, pemula ke baka tu udah ngasuh mayuh orang ngenyauhka diri ari Petara.

2. Baka ni utai ti dikereja pengarap pelesu ngenyaika nama Petara?

Bekaul enggau pengarap pelesu, Bup Kudus madahka: “Dosa iya nyau betugung ngeninggi langit.” (Pemandang 18:5) Ambika chunto, pengelama beratus taun, bala tuai pengarap bisi begian dalam politik, nyukung perang, sereta ngasuh mayuh orang mati. Sekeda tuai pengarap ngambi ulih ari nembiak sida. Sida mejal nembiak sida meri duit ngambika sida ulih nyadi kaya. Utai ti dikereja sida nunjukka sida enda ngelala Petara, sereta enda layak ngarika Iya.—Bacha 1 John 4:8.

3. Nama asai ati Petara ngagai pengarap pelesu?

Endaka nuan pedis ati lebuh berundingka utai ti jai ke digaga ngena nama pengarap? Enti nuan ulih ngasaika nya, anang agi Petara. Kingatka meh, taja pan Petara nya pengerindu, Iya enda nejuka bala tuai pengarap terus merinsa orang ti manah. Enda lama agi, Petara deka ngemunaska pengarap pelesu lalu Iya besemaya pengarap pelesu deka “nadai ditemu agi.”—Pemandang 18:8, 21.

 BELAJAR MAYUH AGI

4. Ukai semua pengarap diterima Petara

Taja pan bisi mayuh pengarap ti enda sama, mayuh orang pechaya semua pengarap nuju ngagai seiku Petara ti sama. Kati tu amat? Bacha Matthew 7:13, 14, lalu kerandauka tanya tu:

• Nama dipadah Bup Kudus pasal jalai ti nuju ngagai pengidup?

Mainka VIDEO, lalu kerandauka tanya tu.

• Nitihka Bup Kudus, kati Petara nerima semua pengarap?

 6. Petara deka ngelepaska orang ari pengarap pelesu

Bacha Pemandang 18:4, a lalu kerandauka tanya tu:

• Petara deka nyelamatka orang ari ditesatka pengarap pelesu. Nama asai ati nuan pengudah nemu pasal tu?

7. Terus belajar pasal Petara ti bendar

Kati Petara patut disalahka ketegal ulah jai pengarap pelesu? Gambarka seiku anak ti dibesaika enggau penuh pengerindu. Tang lebuh iya udah besai, iya milih deka ninggalka rumah lalu ngereja mayuh utai ti jai. Endang enda patut kitai nyalahka apai indai ketegal ulah ke dikereja anak iya.

• Kati patut kitai nyalahka Jehovah ketegal utai jai ke dikereja pengarap pelesu lalu ngetu belajar pasal Iya?

 LANSA

Ajar enggau utai ti enda manah ke dikereja pengarap pelesu udah ngenyaika nama Jehovah. Jehovah deka ngemunaska semua pengarap pelesu.

Ulang Kaji

• Nama asai ati nuan pasal ajar enggau utai ti dikereja pengarap pelesu?

• Nama asai ati Jehovah ngagai pengarap pelesu?

• Nama deka digaga Petara ngagai pengarap pelesu?