SIRONGWA 13
Omu maukarelikarunga goyimpempa aga swaukisa Karunga
Karunga yige eharo. Nye sinzi somaukarelikarunga aga aga tanta asi kukarera Karunga, kwa lihameka moyininke yoyidona. Maukarelikarunga ogo yimpempa, morwa ago kuswaukisa Karunga. Ngapi omu aga mu swaukisa? Ngapi omu a lizuvhu? Ntani yisinke nga ka rugana ko?
1. Ngapi omu maukarelikarunga goyimpempa aga swaukisa Karunga kupitira momarongo gawo?
Maukarelikarunga goyimpempa “kwa pirura usili waKarunga u kare yimpempa.” (Varoma 1:25) Pasihonena, sinzi sago kapi ga ronga vantu vawo edina lyaKarunga. Nye Bibeli kutanta asi edina lyaKarunga va hepa kuliruganesa. (Varoma 10:13, 14) Apa ayi horoka yininke yoyidona, vampitisili vamwe womaukarelikarunga kutanta asi yimo ana panga Karunga. Nye oyo yimpempa, yeeyi Karunga kapi a rugana udona. (Resa Malirankali 3:33.) Yimpempa yomaukarelikarunga kwa ninkisa vantu va liguse ko kwaKarunga.
2. Ngapi omu maukarelikarunga goyimpempa aga swaukisa Karunga kupitira moyirugana yawo?
Maukarelikarunga goyimpempa kapi aga tekura vantu ngwendi moomu Jehova a tekura vantu. Bibeli kutanta asi nonzo domaukarelikarunga goyimpempa ‘dina ka sika meguru.’ (Ehororo 18:5) Monomvhura dononzi, maukarelikarunga goyimpempa kwa lihameka momaupolitika nokukwatesa ko yita ntani kwa dipagesa vantu wovanzi. Vampitisili vamwe womaukarelikarunga goyimpempa kwa hara kungawopa, makura awo kusininika vantu va gave yimaliwa yoyinzi. Yininke eyi kulikida asi awo kapi va diva Karunga. Yipo nye, awo kapi va wapera kukarera po Karunga.—Resa 1 Johanesa 4:8.
3. Ngapi a lizuvhu Karunga kuhamena maukarelikarunga goyimpempa?
Nsene asi ove kukuhandukisa yininke yoyidona eyi aga rugana maukarelikarunga goyimpempa, ngapi ono kugazara omu a lizuvhu Jehova? Age ga hara vantu, nye age kuhanduka apa vampitisili womaukarelikarunga ava mu swaukisa nokutekura vantu vawo momudona. Age kwa tumbwidira asi maukarelikarunga goyimpempa ngava ga zonagura po ntani ‘kapi ngaga moneka hena.’ (Ehororo 18:21) Ntaantani Karunga nga ka zonagure po maukarelikarunga nagenye goyimpempa.—Ehororo 18:8.
LIRONGA KO YOYINZI
Konakona omu Karunga a lizuvhu kuhamena maukarelikarunga goyimpempa. Lironga yoyinzi eyi ga rugana maukarelikarunga goyimpempa, ntani lironga eyi nayi dilira kukuhagekesa mokudiva Jehova.
4. Karunga kapi a tambura maukarelikarunga nagenye
Sinzi sovantu kwa pura asi maukarelikarunga nagenye kwa fana ngwendi nonzira dokulisiga-siga edi adi twaredesa kwaKarunga. Nye ayo usili ndi? Resa Mateusa 7:13, 14, makura zogereni epuro eli:
-
Yisinke za uyunga Bibeli kuhamena nzira ezi azi twara komwenyo?
Likida VIDIYO, makura zogereni epuro eli lina kukwama ko.
-
Bibeli kutanta asi maukarelikarunga nagenye kuhafesa Karunga ndi?
5. Maukarelikarunga goyimpempa kapi aga likida eharo ngwendi Karunga
Maukarelikarunga kwa swaukisa Karunga mononkedi dokulisiga-siga. Nkedi zimwe kuna kara pokulihameka moyita. Mokutara ko sihonena simwe, likida VIDIYO. Makura zogereni mapuro aga gana kukwama ko.
-
Ngapi omu maukarelikarunga ga lihamekere mo moyita yauvali youzuni mudima?
-
Ngapi ono kulizuvha kuhamena eyi va rugene?
Resa Johanesa 13:34, 35 ntani 17:16. Makura zogereni mapuro aga:
-
Ngapi ono kugazara a lizuvhu Jehova apa maukarelikarunga aga lihameke moyita?
-
Maukarelikarunga kwa lihameka moyininke yoyinzi yoyidona. Mononkedi musinke dimwe edi wa mona omu maukarelikarunga ga dira kuhonena eharo lyaKarunga?
Maukarelikarunga goyimpempa kapi aga likida eharo ngwendi Karunga
6. Karunga ana hara kuvatera vantu va sige maukarelikarunga goyimpempa
Resa Ehororo 18:4, a makura zogereni epuro eli:
-
Ngapi ono kulizuvha pokudiva asi Karunga ana hara kuvatera vantu ava ga pukisa maukarelikarunga goyimpempa?
7. Twikira kulironga kuhamena Karunga gousili
Wa ha pulisira eyi aga rugana maukarelikarunga goyimpempa ga kundame omu o tara Karunga. Gazadara mumati ogu ana nyoka mavyukiso gokutunda koguhwe. Age ta tundu mo membo, makura ta ka tameka kurugana yininke yoyidona unene. Nye oguhwe kapi ava hafere eyi a rugana munawo. Morwasinke nayi karera epuko kupa oguhwe usima monkedi omu ana kuparuka munendi?
-
Morwasinke nayi karera epuko kupa Jehova usima ntani nokuhageka kulironga kumuhamena, morwa yirugana yomaukarelikarunga?
VAMWE KUTANTA ASI: “Kapi nina hara kuzogera kuhamena Karunga, morwa maukarelikarunga yigo aga retesa po maudigu gokulisiga-siga.”
-
Nove yimo o lizuvhu ndi?
-
Morwasinke no dilira kupulisira eyi aga rugana maukarelikarunga goyimpempa ga kundame omu o tara Jehova Karunga?
YINKE ONO LIRONGO?
Maukarelikarunga kwa swaukisa Karunga kupitira momarongo gawo goyimpempa noyirugana yawo yoyidona. Karunga nga zonagura po maukarelikarunga goyimpempa.
Erugururomo
-
Ngapi omu o lizuvhu kuhamena eyi aga rongo maukarelikarunga goyimpempa ntani neyi ga rugana?
-
Ngapi a lizuvhu Jehova kuhamena maukarelikarunga?
-
Yisinke nga ka rugana Karunga kuhamena maukarelikarunga goyimpempa?
MAUZERA GAMWE
Lironga nonkedi mbali omu maukarelikarunga gomanzi aga guvisa Karunga.
“Maukarelikarunga nagenye ga lifana ndi? Nagenye kutwaredesa kwaKarunga ndi?” (Sirongwa sokoIntaneta)
Morwasinke ana harere Jehova tu mu karere kumwe nava wopeke?
“Ayo mulyo kuhamena koukarelikarunga ndi?” (Sirongwa sokoIntaneta)
Nampili ngomu muruti wa dilire kumuhafesa ukareli wendi, kapi ya mu hagekesere mokulironga usili kuhamena Karunga.
“Eyi ya ninkisire muruti a sige ngereka zawo” (Awake!, Murongankuru 2015)
Maukarelikarunga kwa ronga vantu yimpempa nomvhura dononzi asi Karunga kapi a tu pakere mbili ntani nyanya. Lironga usili kuhamena yimpempa oyo yitatu.
“Yimpempa eyi ayi ninkisa vantu va dire kuhara Karunga” (Ruhungu, 1 Mangundu 2013)
Kuvhura o hafere hena
MAPURO
Yisinke elirongo lyoBibeli?
Kuvhura o lironge Bibeli noNombangi daJehova mawoko-woko ntani kuvhura o ruganese Bibeli za nyamoge. Kuvhura o zigide ko epata lyoge ndi vakaume woge va ya kare pelirongo lyoge lyoBibeli.
