LONGI DIA 13
Aweyi Mabundu Maluvunu Mevengomwenanga Wantu kwa Nzambi?
Avo Nzambi i zola, e mabundu mevovanga vo Nzambi besadilanga, ekuma bevangilanga mambu mayingi mambi? Muna mvovo miankufi, e mabundu mama maluvunu. E mambu bevovanga yo vanga mefilanga wantu mu kala ye ngindu zambi mu kuma kia Nzambi. Aweyi mabundu maluvunu mevengomwenanga wantu kwa Nzambi? O Nzambi aweyi kemonanga muna diambu diadi? Adieyi kesinga vanga?
1. Aweyi malongi ma mabundu maluvunu mevengomwenanga wantu kwa Nzambi?
Mabundu maluvunu ‘mesobanesanga e ludi kia Nzambi yo luvunu.’ (Roma 1:25) Muna bonga e nona, mabundu mayingi ke melonganga nkumbu a Nzambi ko kwa minkwikizi miau. Kansi, Bibila kivovanga vo e nkumbu a Nzambi ifwete sadilwa. (Roma 10:13, 14) Vava vebwanga sumbula, akaka muna mfumu za mabundu bevovanga vo i luzolo lwa Nzambi. Kansi, ediadi dialuvunu. Nzambi kevanganga mambu mambi ko. (Tanga Yakobo 1:13.) Diankenda kikilu vo malongi mau maluvunu mevengomonanga wantu kwa Nzambi.
2. Aweyi mavangu ma mabundu maluvunu mevengomwenanga wantu kwa Nzambi?
Mabundu maluvunu ke mevuanga wantu mfunu ko nze una Yave kekubavuilanga o mfunu. Bibila kivovanga vo masumu ma mabundu maluvulu “makulamene yakuna zulu.” (Lusengomono 18:5) Tuka mvu miayingi, mabundu maluvunu mekukisianga muna mambu ma mbumba yo yikama e vita. Yau mpe i tuku dia lufwa lwa wantu ayingi. Mfumu zankaka za mabundu bazola zingu kiambote ye belombanga e nzimbu kwa minkwikizi miau muna kala ye zingu kiaki. E mavangu mama mesonganga vo mfumu zazi za mabundu ke bazeye Nzambi ko ye ke bafwana kunsunzula ko.—Tanga 1 Yoane 4:8.
3. Aweyi Nzambi kemonanga mu kuma kia mabundu maluvunu?
Avo makasi ofunganga mu kuma kia mambu mambi mevangamanga muna mabundu maluvunu, aweyi obenze Yave kemonanga? Nzambi ofunganga makasi mu kuma kia mavangu ma afidi a mabundu ye mpila yambi bekadilanga ye minkwikizi miau. Yave ozolanga wantu, muna kuma kiaki, osianga nsilu vo ofwasa mabundu maluvunu ye ‘ke memoneka diaka ko.’ (Lusengomono 18:21) Ke kolo ko, Nzambi ofwasa mabundu mawonso maluvunu.—Lusengomono 18:8.
ZAYA DIAKA MANKAKA
Zaya una Nzambi kemonanga mu kuma kia mabundu maluvunu. Zaya mpe mambu mana mabundu mama mevanganga ye kuma mambu mama ke mafwete kusimina ko mu zaya Yave.
4. Nzambi ke tondanga mabundu mawonso ko
Wantu ayingi bekwikilanga vo mabundu mena nze nzila zaswaswana, kansi zawonso zilwakisanga wantu kwa Nzambi. Nga ediadi dialudi? Tanga Matai 7:13, 14, i bosi, vana e mvutu za kiuvu eki:
-
Aweyi Bibila kiyikilanga e nzila ifilanga ku moyo?
Tala e VIDEO, i bosi, vana e mvutu za kiuvu kilende.
-
Nga Bibila kivovanga vo vena ye mabundu mayingi meyangidikanga Nzambi?
5. Mabundu maluvunu ke metangininanga zola kwa Nzambi ko
Mabundu maluvunu melonganga luvunu mu kuma kia Nzambi mu mpila zayingi. E diambu diadi ditoma monekanga muna mpila mekuyikoteselanga muna vita. Muna zaya nona kimosi, tala e VIDEO. I bosi, vana e mvutu za yuvu ilende.
-
Nkia mambu mabundu bavanga muna kolo kia Vita Yanzole ya Nz’amvimba?
-
Aweyi omwene wau vo mabundu mayikamanga e vita?
Tanga Yoane 13:34, 35 ye 17:16. i bosi, vana e mvutu za yuvu eyi:
-
Aweyi Yave kemonanga vava mabundu meyikamanga e vita?
-
Mabundu maluvunu i tuku dia mambu mayingi mambi mevangamanga. Nkia mambu omonanga mesonganga vo mabundu ke metangininanga zola kwa Nzambi ko?
Mabundu maluvunu ke metangininanga zola kwa Nzambi ko
6. Nzambi ozolele sadisa wantu bavaika muna mabundu maluvunu
Tanga Lusengomono 18:4, a i bosi, vana e mvutu za kiuvu eki:
-
Aweyi omwene wau ozeye vo Nzambi ozolele sadisa awana bevunuanga muna mabundu maluvunu?
7. Kwamanana longoka mambu ma Nzambi aludi
Nga malongi ye mavangu ma mabundu maluvunu masoba ngindu zaku mu kuma kia Nzambi? Yindula vo mwana obembwele longi dia ngangu kaveno kwa se diandi. I bosi, ovaikidi muna nzo yo yantika vanga mambu mambi. O se ka yangalele mavangu mambi ma mwan’andi ko. Nga diansongi mu tumba se mu kuma kia mavangu mambi ma mwana ndioyo wa nkolami?
-
Ekuma ke dinina diansongi ko mu tumba Yave yo yambula longoka Diambu diandi mu kuma kia mambu mambi mevangamanga muna mabundu maluvunu?
AVO MUNTU UVOVESE VO: “Kizolele zaya Nzambi ko, kadi mabundu i tuku dia mambu mayingi mambi mevangamanga.”
-
Nga zazi mpe i ngindu zaku?
-
Ekuma mambu mambi mevangamanga muna mabundu maluvunu ke mafwete kutufidila ko mu kala ye ngindu zambi mu kuma kia Yave?
MAMBU MASINA MA LONGI DIADI
Mu kuma kia malongi maluvunu ye mavangu mau mambi, mabundu maluvunu mevengomonanga wantu kwa Nzambi. Nzambi ofwasa mabundu mama maluvunu.
Nkia Mambu Olongokele?
-
Aweyi omonanga mu kuma kia malongi ye mambu mambi mevangamanga muna mabundu maluvunu?
-
Aweyi Yave kemonanga mu kuma kia mabundu maluvunu?
-
Adieyi Nzambi kevanga kwa mabundu maluvunu?
TALA MPE OMA MALENDE
Tala mpila zole mabundu mayingi mekendelekelanga Nzambi.
“Nga Mabundu Mawonso Mafwanana? Nga Mawonso kwa Nzambi Mefilanga?” (Longi dina muna jw.org)
Ekuma Yave kazolele vo twansambilanga kumosi ye akaka?
“O Kala mu Dibundu Nga Mfunu Dina?” (Longi dina muna jw.org)
Zaya lusansu lwa mpelo mosi wakendalala mu kuma kia mambu mavangamanga muna dibundu diandi. Kansi, ediadi ke diansima ko mu longoka e ludi mu kuma kia Nzambi.
Tuka mvu miayingi, mabundu melonganga luvunu mu diambu ditadidi Nzambi, ediadi difilanga wantu mu kwikila vo Nzambi ke kutuvuanga mfunu ko ye nkwa nsoki. Zaya e ludi mu kuma kia mambu matatu maluvunu.
“Luvunu Lufilanga Wantu mu Lembi Zola Nzambi” (Eyingidilu dia 1 dia Novemba, 2013)
a Muna zaya e kuma nkand’a Lusengomono uyikilanga mabundu maluvunu vo Babele Anene, tala Mvovo Misasilu 1.
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
