MURU 13
Vipembezo Vyonama Vinonami-a Athu Voonga Vya Mulungu
Vipembezo vyevyo vini vinoira vyongo noonga mu zina la Mulungu, viikala viiranga vyongo vyotakala vinjinji. Chifukwa n’ni vipembezovi vinaira vyevi? Vyoona viwa pivyoi vipembezovi pivyonama. Vyevyo vinafunji-aathu noonga vinoiri-a athu roromela vyonama vyokuza Mulungu. Kodi vipembezovi vinaira avi vyevi? Kodi Mulungu unavwa avi awonanga vyevyo vipembezovi vinairaathu? Nanga unaza aire n’ni?
1. Kodi vyevyo vipembezo vinafunji-aathu vinairi-a avi athu roromela vyonama vyokunza Mulungu?
Vipembezo vyonama viikala ‘vichenjani-anga imbarimbari ya Mulungu nonama.’ (Aroma 1:25) Mofwanafwani-a, vipembezo vinjinji kavinafunji-a athu zina la Mulungu. (Aroma 10:13, 14) Koma Baibulo, linafunji-a ira ninafuneela indi-edela chito zina la Mulungu. Asogoleli amo-iwa avipembezo kanawonga ira yongo yotakala yaireya, inakala ira chofuna ya Mulungu. Koma vyevi pivyonama. Kai Mulungu unoyo unairi-a vyongo vyotakala. (Welengani Yakobo 1:13.) Yovwi-a chisoni, choi vyonama vyevyo vipembezovi vinafunji-aathu vinopangi-a ira athu katiwomeluwengana Mulungu.
2. Kodi vyevyo vipembezo vyonama vinawongaathu vinairi-a avi athu roromela vyonama vyokuza Mulungu?
Vipembezo vyonama vinoirela athu vyongo vyotakala vinjinji, koma Yehova kanaira vyevyo. Baibulo linawonga ira “vyochimwa vyaye [vya vipembezo vyonama] viunjikana fiya udimu.” (Chivumbuluso 18:5) Wachaka dinjinji, vipembezo viikala viirangana ndale, limbi-a kondo koma teto iri-a kapena somedela ira athu anjinji kapiwe. Asogoleli a vipembezo amo-iwa kanofuna lemela vinjinji koma teto kanowandela athu amuipembezo iwa ira kaava-enga ndalama. Vinairaathuvi ngu umboni woi katinamuiziwa Mulungu navang’ono vene, eeno katin’na ufulu woonga ira mba atumikaye. — Welengani 1 Yohani 4:8.
3. Kodi Mulungu unavwa avi awonanga vyevyo vipembezo vyonama vinairaathu?
Akala nyo munakumudwa na vyevyo vipembezo vyonama vinairaathu, munaona ira Yehova unavwa avi? Yehova unoomeliwana athu koma unoidana na asogoleli avipembezo anayo kanafunji-a athu vyonama vyokuza liye koma teto irela vyongo vyotakala athu anayo kali muipembezo iwa. Eeno unolonjeza ira vipembezo vyetene vyonama vinoza viwonongiwe ‘teto kavinaza vifwanyeya.’ (Chivumbuluso 18:21) Chinene veva, Mulungu unoza awononge vipembezo vyetene vyonama. — Chivumbuluso 18:8.
FUNJEDANI VYOWENJEDELEYA
Saelani ira muiziwe vinjinji vyokuza mwemo Mulungu munavwela liye awonanga vyevyo vipembezo vyonama vinawongaathu. Funjedani vinjinji vyokuza vyevyo vipembezovi viirileathu koma teto chifukwa iwa vyevi kavinafuneela uiri-ani ira mu-iye funjeda vya Yehova.
4. Kodi Mulungu unosomedela vipembezo vyetene?
Athu anjinji kanaroromela ira vipembezo vyetene vili ngati ndila do-iyana-iyana dedo dinafii-a athu wa Mulungu. Koma vyevi pivyoona? Welengani Mateyu 7:13, 14, era eeno tapanyani yofuka yo-arelela:
-
Kodi Baibulo linawonga vyoi avi vyokuza ndila yosogolela athu umoyo?
Onelani VIDIYO, era eeno tapanyani vyofuka vyo-arelavi.
-
Kodi Baibulo linawonga ira viikala vipembezo vinjinji vyevyo vinawomeli-a Mulungu?
5. Vyevyo vipembezo vyonama vinairaathu kavinatonyi-eda ira Mulungu ngwachikondi
Vipembezo viikala viiranga vyongo vyotakala vinjinji vyevyo vinairi-a athu ona ira Mulungu kan’na chikondi. Mofwanafwani-a, vinolimbi-a kondo wewo uli chimwa ulukulu. Ira muwone mwemo vinairelaathu vyevi, onelani VIDIYO. Era eeno tapanyani vyofuka vyo-arelavi.
-
Kodi machalichi anjinji kairile n’ni vakondo yanambili yavailambo yetene?
-
Nanga munavwa avi mwaganizela vyevyo vyairileathu?
Welengani Yohani 13:34, 35 na 17:16. Era eeno tapanyani vyofuka vyo-arelavi:
-
Kodi munanganiza ira Yehova unavwa avi vipembezo vyakami-anga vakondo?
-
Vipembezo vyonama vinoira vyongo vinjinji vyotakala. Kodi pivyongo vyiivi muwonilevo nyo vyevyo vinatonyi-eda ira vipembezo vilepela tonyi-eda chikondi ya Mulungu?
Vipembezo vyonama vinairaathu kavinatonyi-eda ira Mulungu ngwachikondi
6. Mulungu unafuna ira athu kakumemo mu vipembezo vyonama
Welengani Chivumbuluso 18:4, a era eeno tapanyani yofuka yo-arelela:
-
Kodi munavwa avi mwanganizela vyoi Mulungu unofuna kami-a athu anayo kakalile kanami-iwanga na vipembezo vyonama?
7. Dowananive funjeda vyokuza Mulungu waimbarimbari
Vyongo vyotakala vyevyo vipembezo vyonama vinairaathu, kaviuiri-eni ira mu-iye muroromela Mulungu nowambeela muwona ira ngotakala. Kaganizelani vya mwana unoyo aanafuna vwela babaye moi usakula venyavo vande dowa ambeela panga makalelo otakala vinjinji. Baboyo kanagwilizanana vyoira vya mwanoyo. Chifukwa n’ni unakale chimweya muimba mulandu baboyo chifukwa ya vyoira vya mwanoyo?
-
Kodi vinokala vyovweya muimba mulandu Yehova no-iya funjeda vya liye chifukwa ya vyongo vyotakala vyevyo vipembezo vinairaathu?
ATHU AMO-IWA KANAONGA IRA: “Kandinafuna funjeda Baibulo chifukwa vipembezo viambeli-a mavuto anjinji.”
-
Nanyene munaona eeno?
-
Chifukwa n’ni kan’nafuneela iya muroromela Yehova chifukwa ya vyoira vya vipembezo vyonama?
VYEVYO NIFUNJEDILE IYO
Vipembezo vyonama viikala vinami-anga athu voonga vya Mulungu, funji-a vyongo vyonama koma teto panga vyongo vyotakala vinjinji. Mulungu unoza awononge vipembezo vyetene vyonama.
Vyofuka Vyoweli-eda
-
Kodi munavwa avi mwaganizela vyevyo vipembezo vyonama vinafunji-aathu noira?
-
Kodi Yehova unavwa avi na vyevyo vipembezo vyonama vinairaathu?
-
Nanga Mulungu unaza aire n’ni na vipembezo vyonama?
ONANI VIMO-I
Onani ndila mbin’li dotonyi-eda mwemo vipembezo vinjinji vinairelaathu vyongo vyoomuomela Mulungu.
“Kodi Zipembedzo Zonse N’zofanana Ndipo Zimathandizadi Anthu Kudziwa Mulungu?” (Khani yavawebusaiti)
Chifukwa n’ni Yehova unafuna ira nisonkanenga limo-i na afwi-u?
“Kodi Pali Vuto Ngati Munthu Atakhala Kuti Sali M’chipembedzo Chilichonse?” (Khani yavawebusaiti)
Wasembe ookaikela vyevyo ipembezwaye inairaathu. Koma vyevi kavimuiri-ile iya funjeda imbarimbari yokuza Mulungu.
“N’chifukwa Chiyani Wansembe Anasiya Chipembedzo Chake?” (Galamukani!, February 2015)
Wachaka dinjinji, vipembezo viikala vifunji-anga vyonama vyevyo vinairi-a athu ona ira Mulungu kananiomeliwana koma teto ngwauwalanga. Iziwani vyoona viwa va vyonama viraruvi.
“Mabodza Amene Amalepheretsa Anthu Kukonda Mulungu” (Nsanja ya Olonda, November 1, 2013)
a Ira muiziwe chifukwa iwa mu-iyana unoyo unairiwa Babulo Mulukulu m’buku la Chivumbuluso unaimelela vipembezo vyonama, onani Mawu Aumapeto 1.
