ISIFUNDO 13
Amasonto Amanga Alingcolisa Njani Ibizo LikaNkulunkulu?
Kungani amasonto amanengi esenza izinto ezimbi wona esithi akhonza uNkulunkulu oluthando? Lokhu kubangelwa yikuthi amasonto la ngawamanga. Alingcolisa njani ibizo likaNkulunkulu? UNkulunkulu uzwa njani ngalokho okwenziwa ngamasonto amanga futhi uzawenzani?
1. Okufundiswa ngamasonto amanga kulingcolisa njani ibizo likaNkulunkulu?
Abakhokheli bamasonto ‘sebetshiye iqiniso likaNkulunkulu bakholwa amanga.’ (KwabaseRoma 1:25) Ngokwesibonelo bafihlela abantu ibizo likaNkulunkulu. Kodwa iBhayibhili lona lithi ibizo likaNkulunkulu kumele lisetshenziswe. (KwabaseRoma 10:13, 14) Abanye abakhokheli bamasonto bathi uNkulunkulu nguye obangela izinto ezimbi esizibona zisenzakala. Kodwa lawa ngamanga aluhlaza tshoko! UNkulunkulu ayisuye obangela izinto ezimbi. (Bala uJakhobe 1:13.) Okudanisayo yikuthi amanga afundiswa emasontweni enza abantu bangamthandi uNkulunkulu.
2. Okwenziwa ngamasonto amanga kulingcolisa njani ibizo likaNkulunkulu?
Abakhokheli bamasonto abaphathi abantu ngendlela uJehova afuna baphathwe ngayo. IBhayibhili lithi izono zabo “sezibe yinqwaba zaze zafika ezulwini.” (ISambulo 18:5) Sekuyiminyaka eminengi abakhokheli bamasonto besekela ezombusazwe, izimpi lokubulawa kwabantu abangelacala. Abanye babo banotha ngezimali zalabo abangena emasontweni abo. Abakwenzayo kutshengisa ukuthi abamazi uNkulunkulu, yikho ngeke bathi bayamkhonza.—Bala u-1 Johane 4:8.
3. UNkulunkulu uzwa njani ngamasonto amanga?
Nxa kukucaphula okwenziwa ngabakhokheli bamasonto amanga, ubona angani uNkulunkulu yena uzwa njani? Kuyamzondisa kakhulu ngoba bangcolisa ibizo lakhe njalo baphatha kubi abantu. UNkulunkulu uthembisa ukuwatshabalalisa wonke amasonto amanga futhi awasoze ‘aphinde atholakale.’ (ISambulo 18:21) Sekuseduze ukuthi uNkulunkulu akwenze lokhu.—ISambulo 18:8.
GEBHA UJULE
Engxenyeni le uzafunda ukuthi uNkulunkulu uwabona njani amasonto amanga. Uzabona lokuthi kuyini okwenziwe ngamasonto amanga kanye lokuthi kungani kungamelanga uvume ukuthi lokhu kukuyekelise ukufunda ngoNkulunkulu.
4. UNkulunkulu wamukela amasonto wonke yini?
Abantu abanengi bathi amasonto anjengezindlela ezitshiyeneyo eziya kuNkulunkulu. Kodwa liqiniso yini lelo? Bala uMathewu 7:13, 14 beselixoxa ngombuzo olandelayo:
-
IBhayibhili lithini ngendlela eya ekuphileni?
Bukelani IVIDIYO beselixoxa ngombuzo olandelayo.
-
IBhayibhili lithi uNkulunkulu wamukela wonke amasonto yini?
5. Amasonto amanga enza kukhanye angani uNkulunkulu kalathando
Amasonto amanga enza izinto ezitshiyeneyo ezenza kukhanye angani uNkulunkulu kalathando. Ngokwesibonelo ayasekela izimpi. Ukuze ukubone lokhu, bukelani IVIDIYO beselixoxa ngemibuzo elandelayo.
-
Kuyini okwenziwa ngamasonto amanengi ngesikhathi seMpi Yomhlaba Yesibili?
-
Uthini ngalokho okwenziwa ngamasonto la?
Bala uJohane 13:34, 35 lo-17:16 beselixoxa ngemibuzo le:
-
Ucabanga ukuthi uJehova uzwa njani nxa ebona amasonto esekela izimpi?
-
Zinengi izinto ezimbi ezibangelwe ngamasonto amanga. Kuyini okubone kusenziwa ngabakhokheli bamasonto okwenza kukhanye angani uNkulunkulu kalathando?
Amasonto amanga enza kukhanye angani uNkulunkulu kalathando
6. UNkulunkulu ufuna abantu baphume emasontweni amanga
Bala iSambulo 18:4 a beselixoxa ngombuzo lo:
-
Uzwa njani ngokuthi uNkulunkulu ufuna ukuncedisa abantu ukuthi baphume emasontweni amanga?
7. Qhubeka ufunda ngoNkulunkulu weqiniso
Kumele utshintshe indlela ombona ngayo uNkulunkulu yini ngenxa yalokho okubona kusenziwa ngamasonto amanga? Ake sithi kulomntwana oselihlongandlebe okhetha ukusuka ngakibo ukuze azenzele umathanda. Kuyabe kuqondile yini ukusola uyise ngendlela umntwana asephila ngayo?
-
Kuqondile yini ukuthi sisole uNkulunkulu size siyekele ukufunda ngaye ngenxa yezinto esizibona zisenziwa emasontweni amanga?
ABANYE BATHI: “Angisazihluphi ngokukhonza ngoba inhlupho ezinengi zibangelwa ngabantu abathi bakhonza uNkulunkulu.”
-
Wena uyibona njani indaba le?
-
Kungani kungamelanga utshintshe indlela ombona ngayo uNkulunkulu ngenxa yalokho okwenziwa ngamasonto amanga?
ISIFINQO
Amasonto amanga angcolise ibizo likaNkulunkulu ngokufundisa amanga ngaye langokwenza izinto ezimbi. UNkulunkulu uzawatshabalalisa amasonto amanga.
Ufundeni?
-
Uthini ngalokho okwenziwa ngamasonto amanga lalokho akufundisayo?
-
UJehova uwabona njani amasonto amanga?
-
UNkulunkulu uzakwenzani ngamasonto amanga?
THOLA OKUNENGI
Bala isihloko lesi uzwe ukuthi kuyini okwenziwa ngamasonto amanengi okungamthokozisiyo uNkulunkulu.
“UNkulunkulu Wamukela Wonke Amasonto Yini?” (Isihloko esikuwebhusayithi yethu)
Bala isihloko lesi uzwe ukuthi kungani uJehova efuna simkhonze sindawonye labanye.
“Kuqakathekile Yini Ukuthi Umuntu Abe Lilunga Lenkolo Ethile?” (Isihloko esikuwebhusayithi yethu)
Bala isihloko lesi uzwe ukuthi kungani omunye umphristi waqhubeka efunda iqiniso ngoNkulunkulu lanxa wayekhathazwa yizinto ezazisenzakala esontweni yakhe.
“Kuyini Okwenza Umphristi Watshiya Isonto Yakhe?” (Vukani!, February 2015)
Sekuleminyaka eminengi amasonto efundisa amanga ngoNkulunkulu amenza akhanye angani kalathando. Bala isihloko lesi uzwe ukuthi yiwaphi amanye amanga lawo.
“Uyawazi Yini Amanga Enza Kube Nzima Ukuthanda UNkulunkulu?” (INqabayokulinda, November 1, 2013)
a Ukuze uzwisise ukuthi kungani iBhayibhili lisithi amasonto amanga yiBhabhiloni Enkulu, bala Amabala Asekucineni 1.
Nanku Okunye
IMIBUZO EJAYELE UKUBUZWA NGABANTU
OFakazi BakaJehova Babafundisa Njani Abantu IBhayibhili?
Uhlelo lokufunda iBhayibhili laboFakazi bakaJehova ngolwamahala njalo ukhululekile ukusebenzisa iBhayibhili olijayeleyo kanye lokunxusa izihlobo labangane ukuthi labo bafunde lindawonye.
