OMungu ni lwanzo, aliwe ebisomo bingyi ebikabugha n’erikola omo rina ry’oMungu byabirikola emyatsi mingyi mibi. Bikabya bitya busanaki? Omo kikuhi, ebisomo ebyo ni by’amabehi. Ebyo bikabugha n’ebyo bikakola bikaleka abandu ibikirirya amabehi w’oko Mungu. Bikabugha oko Mungu kw’amabehi biti? OMungu akayowa ati busana n’emyatsi eyo? Kandi akendisyakolaki?

1. Ebisomo by’amabehi bikatsandaya biti erina ry’oMungu omo nzira y’amakangirirya wabyo?

Ebisomo by’amabehi ‘byabirihingania ekwenene y’oMungu omo mabehi.’ (Abanya Roma 1:25) Eky’erileberyako, ebisomo bingyi sibyetakangirirya abali mubyo erina ry’oMungu. Aliwe, eBiblia ikabugha yiti litolere erina ry’oMungu iryakolesibwa. (Abanya Roma 10:13, 14) Abasondoli balebe b’ebisomo bakabugha bati omughulu omwatsi mubi akakoleka n’isonda ly’oMungu. Aliwe ayo ni mabehi. OMungu yute enzuko y’ekibi n’ahake. (Soma Yakobo 1:13.) Eky’obulighe, amabehi w’abandu abirileka eryanza oMungu iryakala oko bandu.

2. Ebisomo by’amabehi bikatsandaya erina ry’oMungu omo mikolere yabyo mo biti?

Ebisomo by’amabehi sibirikolera abandu ngoko Yehova akabakolera. EBiblia ikabugha yiti ‘ebibi by’ebisomo by’amabehi byabiritomengekana erihika elubula.’ (Eribisulirwa 18:5) Erilua kera, ebisomo by’amabehi byabiriyingirya omo myatsi y’ekipolitike n’ey’amalwa, kandi byabirileka n’eriligha eritibwa ly’abandu bangyi. Abasondoli balebe b’ebisomo banzire eribya bateke, ekyo kikaleka ibabya bakasaba ab’omo bisomo byabo b’esyofranga. Emibere eyo ikakanganaya ngoko sibasi oMungu n’ahake kandi nibya sibatolere erimwimanira.​—Soma 1 Yoane 4:8.

3. OMungu akalangira ebisomo by’amabehi by’ati?

Emyatsi eyo ebisomo by’amabehi bikakola yamabikuhitania, ukalengekanaya uti Yehova naye akayowa ati? Yehova anzire abandu, aliwe aponire abasondoli b’ebisomo abakatsandaya erina liwe n’erikolera ab’omo bisomo byabo ebitatolere. Akatulagha ati ebisomo by’amabehi bikendisyatoghotibwa, “neryo isibyendisyasyabanika kandi.” (Eribisulirwa 18:21) Hakisiya hake oMungu iniabughaho ebisomo by’amabehi.​—Eribisulirwa 18:8.

 WIGHE BINGYI

4. OMungu syalighire ebisomo byosi

Abandu bangyi bikirirye bati ebisomo biri ng’esyonzira mbiriri-mbiriri esikakolaya oko Mungu. Aliwe eyo nina kwenene? Musome Matayo 7:13, 14, neryo musubiraye oko ribulyo rino:

• EBiblia ikabughaki oko nzira eyikatwala oko ngebe?

Mulebaye EVIDEO, neryo musubiraye oko ribulyo erikwamire.

• EBiblia ikanabugha yiti hali ebisomo bingyi ebikatsemesaya oMungu?

 6. OMungu anzire eriwatikya abandu erilua omo bisomo by’amabehi

Musome Eribisulirwa 18:4, a neryo musubiraye oko ribulyo rino:

• Ukayowa wuti eriminya ngoko oMungu anzire eriwatikya abandu ababiritebibwa n’ebisomo by’amabehi?

7. Uyitsinge erigha eriminya Mungu w’ekwenene

Emyatsi mibi eyo ebisomo by’amabehi bikabugha n’erikola yanganaleka iwabya n’amalengekania mabi oko Mungu? Terilengekania oko mwana oyutekwama obusondoli bw’amenge obo tata wiwe akamuha. Omwana oyo inialua eka neryo iniayakola emyatsi mibi. Tata syalitsemera emyatsi mibi eyo mwana oyo akakola. Busanaki si ky’amenge eritsweba tata busana n’emyatsi mibi eyo omwana akakola?

• Eritsweba Yehova n’erileka erigha okwiye busana n’emyatsi eyo ebisomo by’amabehi bikakola lyanganabya erikolesya amenge?

 MUKIGHA MYATSI YAHI?

Ebisomo by’amabehi byabiritsandya erina ry’oMungu omo nzira y’amakangirirya w’amabehi n’emyatsi mibi eyo bikakola. OMungu akasyatoghotya ebisomo by’amabehi.

Eriyibukya

• Ukayowa wuti busana n’amakangirirya w’ebisomo by’amabehi n’emikolere yabyo?

• Yehova akayowa ati busana n’ebisomo by’amabehi?

• Yehova akasyakolera ebisomo by’amabehi byo ati?