ISIFUNDO 13
Ikolo Yamala Imkhulume Kumbi Njani UZimu?
Nangabe uZimu ulithando, kubayini iinkolo ezithi zijamele uZimu zenza izinto ezimbi? Kuhlekuhle, iinkolwezi ngezamala; zimkhulume kumbi uZimu. Zimkhulume kumbi njani? Yena uzizwa njani ngalokho? Begodu uzokwenzani ngalokho?
1. Ikolo yamala imkhulume kumbi njani uZimu ngeemfundiso zayo?
Ikolo yamala ‘ikhethe ukukholelwa amanga kuneqiniso lakaZimu.’ (Roma 1:25) Ngokwesibonelo, amasondo amanengi akabafundisi abantu igama lakaZimu. Nanyana kunjalo, iBhayibheli lithi igama lakaZimu kufuze lisetjenziswe. (Roma 10:13, 14) Abanye abadosiphambili bekolo lokha nakwenzeka into embi bathi yintando kaZimu. Lokho mamala. UZimu akabangeli okumbi. (Funda uJakopo 1:13.) Kuzwisa ubuhlungu ukuthi amala wekolo enze kwaba budisi ngabantu ukuthanda uZimu.
2. Ikolo yamala imkhulume kumbi njani uZimu ngezenzo zayo?
Ikolo yamala ayiphathi abantu ngendlela uJehova abaphatha ngayo. IBhayibheli lithi ngekolo yamala, “izono zalo zipakelene bezafika ezulwini.” (IsAmbulo 18:5) Kusukela kade, ikolo izibandakanye kwezepolotiki, yasekela zepi beyabangela namkha yavumela bona kuhlongakale abantu abanengi khulu. Abanye abadosiphambili bekolo bafuna ukunjinga begodu bafuna nemali ebalandelini babo. Izenzwezi zitjengisa bona abamazi uZimu begodu abanalungelo lokumjamela.—Funda yoku-1 kaJwanisi 4:8.
3. UZimu uzizwa njani ngekolo yamala?
Nangabe izinto ezenziwa yikolo yamala zikuzwisa ubuhlungu, ucabanga ukuthi uJehova uzizwa njani? Uyabathanda abantu, usilingeke khulu ngabadosiphambili abamjamela kumbi bebaphathe kumbi nabalandeli babo. Uthembisa ukuthi ikolo yamala izokutjhatjalaliswa begodu ‘angekhe isafumaneka.’ (IsAmbulo 18:21) Kungasikade, uZimu uzoyiqeda yoke ikolo yamala.—IsAmbulo 18:8.
FUNDA NGOKUNGENELELEKO
Funda ngokungeziweko ngendlela uZimu azizwa ngayo ngekolo yamala. Funda ngalokho ekwenzileko nokuthi kubayini lokhokungakafuzi kukwenze ulise ukwazi ngoJehova.
4. UZimu akawamukeliwoke amasondo
Abantu abanengi bakholelwa ukuthi amasondo afana neendlela ezihlukahlukeneko ezitjhinga kuZimu. Inga-kghani lokho kuliqiniso? Funda uMatewu 7:13, 14, bese nicoca ngombuzo lo:
-
IBhayibheli liyihlathulula njani indlela etjhinga ekuphileni okungapheliko?
Dlala IVIDIYO, bese nicoca ngombuzo olandelako.
-
Kghani iBhayibheli lithi amasondo wokeayamthabisa uZimu?
5. Ikolo yamala ayitjengisi ithando lakaZimu
Amasondo amjamele kumbi uZimu ngeendlela ezinengi. Enye indlela embi khulu akwenza ngayo lokhu, kuzibandakanya kwezepi. Ukubona isibonelo salokhu, dlala IVIDIYO. Bese nicoca ngemibuzo elandelako.
-
Khuyini okwenziwe masondo amanengi ngesikhathi sePi yePhasi Yesibili?
-
Uzizwa njani ngalokho okwenziwe masondo?
Funda uJwanisi 13:34, 35; 17:16. Bese nicoca ngemibuzo le:
-
Ucabanga bona uJehova uzizwa njani lokha amasondo nakazibandakanya epini?
-
Ikolo yamala ingunobangela wezinto ezimbi ezinengi. Ngiziphi iindlela ozibonileko amasondo abhalelwa ngazo ukulingisa ithando lakaZimu?
Ikolo yamala ayikatjengisiithando lakaZimu
6. UZimu ufuna abantu baphume ekolweni yamala
Funda IsAmbulo 18:4, a bese nicoca ngombuzo lo:
-
Uzizwa njani ngokuthi uZimu ufuna ukusiza abantu abadurhiswe yikolo yamala?
7. Ragela phambili ngokufunda ngoZimu weqiniso
Kghani izinto ezimbi ikolo yamala ezitjhoko nezenzako kufuze zikwenze usole uZimu? Cabanga ngendodana engafuni ukulalela isinqophiso esihlakaniphileko uyise amnikela sona. Indodana le itjhiya ikhaya begodu iphila ukuphila okusilapheleko. Uyise akayithandi indlela indodana ephila ngayo. Kubayini kungekhe kwaba kuhle ukusola uyise ngokuphila okumbi kwendodanakhe?
-
Kghani kulungile na ukusola uJehova nokulisa ukufunda ngaye ngebanga lezenzo zekolo yamala?
ABANYE ABANTU BATHI: “Angikuthandi ukufunda ngoZimu ngombana ikoloingunobangela wemiraro eminengi.”
-
Kghani nawe uzizwa njalo?
-
Kubayini izenzo zekolo yamala kungakafuzi zitjhugulule indlela esiqala ngayo uJehova?
ISIRHUNYEZO
Ikolo yamala imjamele kumbi uZimungeemfundiso zayo ezimamala nangezenzo zayo ezimbi. UZimu uzoyiqeda ikolo yamala.
Buyekeza
-
Uzizwa njani ngefundiso yekolo yamala nangezenzo zayo?
-
UJehova uzizwa njani ngekolo yamala?
-
UZimu uzokwenzani ngekolo yamala?
HLOLA OKUNGENZASI
Funda ngeendlela ezimbili amasondo amanengi angamthabisi ngayo uZimu.
“Inga-kghani Zoke Iinkolelo Ziyafana? Inga-kghani Zoke Ziya kuZimu?” (Isihloko esiku-jw.org)
Kubayini uJehova afuna simlotjhe nabanye?
“Kghani Kuqakathekile Ukuba Sekolweni Ehlelekileko?” (Isihloko esiku-jw.org)
Emakhulwini weminyaka, amasondo akhulume amala ngoZimu, lokho kwenze abantu bakholelwa bona uZimu akanandaba nathi begodu unelunya. Funda iqiniso ngamanye amala amathathu lawo.
a Bona ufumane ukuthi kubayini incwadi yesAmbulo ihlathulula ikolo yamala njengomfazi obizwa ngokuthi liBhabhiloni Elikhulu, qala Isithasiselo 1.
Okhunye Ongakuthabela
OKUBUZWAKO
Siyini Isifundo SeBhayibheli?
Fumana iimpendulo zemibuzo emalungana nehlelo lethu lesifundo seBhayibheli.
