ELONGESO 13
Ovanthu Hono Kavesukile Vali na Huku Kombanda Yonongeleya Mbomatutu
Ine Huku uhole ovanthu, opo omokonda yatyi ovanthu vonongeleya valingila ovivi? Omokonda veli monongeleya mbomatutu. Vapopia okuti valingila Huku, mahi ovipuka valinga, novipuka valongesa vipopisa omapita Huku. Mahi tyili-tyili ovipuka patyi valinga? Tyina Huku atala ovipuka ovio, ukala ñgeni? Oityi makalinga ovanthu ovo?
1. Oityi onongeleya mbomatutu mbuhole okulongesa tyiyapula ovanthu ku Huku?
Vonongeleya mbomatutu “vakumana otyili tya Huku nounkhembi.” (Ova Loma 1:25) Tupopia ngotyo mokonda: Tete, kavalongesa enyina lya Huku, ngwe Ombimbiliya yatyo muene ipopia okuti enyina lya Huku lina okutumbulwa. (Ova Loma 10:13, 14) Vali, tyina ovanthu vamamono ovitateka, vevepopila okuti o Huku weveetela-vyo. Mahi Ombimbiliya ipopia okuti Huku omunthu umwe omuwa, wahalingi etyi tyapenga. (Tanga Tiaku 1:13.) Ovipuka ovio vapopia vihole okulingisisa ovanthu avehesuku vali na Huku.
2. Oityi onongeleya mbomatutu mbuhole okulinga tyiyapula ovanthu ku Huku?
Siovaa uhanda ovanthu vatekulwe nawa, mahi onongeleya mbomatutu hatyo-ko mbulinga. Ombimbiliya yapopia okuti, “ononkhali [mbo vonongeleya mbomatutu] mbelitentheka alo keulu.” (Eholololo 18:5) Tundee kohale, onongeleya mbati umwe ombo mbuundapela kumwe novatumini, ombo mbuhongiliya ovilongo vimwe vilwe, ombo mbaipaa ovanthu ovanyingi. Iya nkhele omalombe omanyingi ena-tyo, mahi onombongo venambo vembupola kovanthu. Ovipuka ovio valinga vilekesa umwe nawa okuti Huku kavemwii. Ñgeno ankho kavetyipopi-ale okuti valingila Huku. — Tanga 1 Suau 4:8.
3. Oñgeni Huku akala tyina atala ovipuka ovio onongeleya mbomatutu mbulinga?
Mokutala, ovipuka ovivi vilingwa nonongeleya, vikunumanesa. Pahe soka, oñgeni Huku, wokuhole unene ovanthu, akala? Tyina omalombe alinga ovipuka visilisa enyina liae, na tyina vatekula onya ovanthu, tyimuihama unene. Otyo Huku apopila okuti onongeleya mbomatutu membupolo-ko ‘ambuhakamonaika umwe vali.’ (Eholololo 18:21) Apa katutu kamatumona-mona vali onongeleya mbomatutu. — Eholololo 18:8.
KUHANDE OKUNOÑGONOKA VALI?
Monoñgonoka oñgeni Huku akala tyina atala onongeleya mbomatutu. Tupu motale ovivi onongeleya mbomatutu mbalinga-linga. Pahe ha onoñgonoka oityi otyo ove tyehekutyikila okunoñgonoka Siovaa.
4. Ha ambuho onongeleya Huku umbutavela
Ovanthu ovanyingi vasoka okuti onongeleya mbukahi ngonondyila ononyingi, mahi ambuho mbenda vala no ku Huku. Mahi okuti otyo otyili umwe? Tangei Mateusi 7:13, 14, amutomphola epulo eli:
-
Ombimbiliya yapopia okuti ondyila ituala komwenyo ikahi ñgeni?
Talei OVIDIU, amutomphola epulo eli:
-
Okuti Ombimbiliya ipopia umwe okuti onongeleya ambuho mbulinga etyi Huku ahanda?
5. Onongeleya mbomatutu mbutupu oluembia novanthu
Onongeleya mbomatutu mbuhole okulinga ovipuka ovinyingi vilingisisa ovanthu okuehesuku vali na Huku. Otyipuka tyimwe valinga otyivi unene, okuhongilinya ovanthu vovilongo valwe. Talei OVIDIU, mutale etyi valingile. Pahe amutomphola omapulo aa:
-
Ovipuka patyi ovivi onongeleya mbumwe mbalingile movilwa vya vali viouye auho?
-
Tyina usoka kovipuka ovio valingaile, tyikukalesa ñgeni?
Tangei Suau 13:34, 35; 17:16, amutomphola omapulo aa:
-
Tyina usoka ñgaa, oñgeni Siovaa akala tyina ovanthu vonongeleya vakuatesako ovilwa?
-
Onongeleya mbomatutu mbalinga-le ovipuka ovinyingi ovivi. Oityi uhole okumona utila umwe okuti onongeleya ononyingi kambutekula ovanthu ngetyi Huku ahanda vatekulwe?
Huku uhole ovanthu, mahi onongeleya mbomatutu mbuna onya
6. Huku uhanda ovanthu vatunde monongeleya mbomatutu
Tangei Eholololo 18:4, a amutomphola omapulo aa:
-
Otesitu ei yapopia okuti Huku uhanda ovanthu vokuli monongeleya mbomatutu vatunde-mo. Otyipuka otyo tyikukalesa ñgeni? Oityi wapopila ngotyo?
7. Tualako okunoñgonoka Huku
Okuti mokonda vala onongeleya mbomatutu mbulinga ovipuka ovivi, pahe na Huku kumasuku vali nae? Tusokei komukulu walonga umwe nawa omona wae onondunge. Mahi pahe etyi omona ati pokwekula, ehetavela kovakulu, meumbo atundu-mo, akalinga vala evi pahe viahatiwa ovievi. Ovipuka ovio omona alinga, he nae kevihande, vimuihama komutima. Okuti pahe ovipuka ovio omona akalinga, uvelwa onombei o he?
-
Okuti tyaviuka okupopia okuti Siovaa, oe uvelwa onombei mbovipuka ovivi vilingwa nonongeleya mbomatutu? Okuti ñgaa onongeleya mbomatutu mambukulingisisa uyekepo okunoñgonoka Huku?
OVANTHU VAMWE VATI: “Okulipaka mongeleya okulietela vala. Otyo ame nehesukile-ale na Huku.”
-
Okuti no ove otyo usoka ngotyo?
-
Omokonda yatyi hatyiwa-ko okusoka okuti Siovaa una onya, mokonda vala yovipuka ovivi vilingwa monongeleya mbomatutu?
ETYI WELILONGESA
Welilongesa okuti etyi onongeleya mbomatutu mbulinga, netyi mbulongesa ovanthu, tyipopisa omapita Huku. Tupu wanoñgonoka okuti, Huku onongeleya ambuho mbomatutu mekembupola-ko.
Okupitulula
-
Tyina usoka kovipuka onongeleya mbomatutu mbulinga netyi mbulongesa, tyikukalesa ñgeni?
-
Siovaa tyina atala onongeleya mbomatutu, ukala ñgeni?
-
Oityi Huku makalinga onongeleya ambuho mbomatutu?
KUHANDE OKUOVOLA VALI?
Tala ovipuka vivali vilingwa monongeleya vinumanesa Huku.
“Okuti Ambuho Onongeleya Otyipuka Tyike Vala? Okuti Ambuho Mbutuala ku Huku?” (Mo jw.org)
Oityi Huku apopila okuti tuna okumufendela kumwe na vakuetu?
“Okuti Ñgaa Tyesukisa Umwe Okukala Mongeleya Imwe?” (Mo jw.org)
Omukulu umwe wali elombe, ovipuka ankho vilingwa mongeleya yae muene, vimunumanesa. Mahi otyo atyehemusoyesa, atutumba umwe nokunoñgonoka Huku.
“Elombe Liayeka-po Ongeleya Yae” (Pahukei!, Fevereiro yo 2015)
Tundee kohale, onongeleya mbulongesa ovanthu omatutu mbuvesokesa okuti Huku omukalavi. Tala ovipuka vitatu viehe viotyotyili-ale vapopila ovanthu, netyi muene Ombimbiliya ipopia.
a Opo unoñgonoke oityi omukanda Eholololo wapopila okuti onongeleya mbomatutu Ombambilonia Onene, tanga pokuati: Ovipuka Vimwe Viahangununwa Nawa 1.
